Hero ತನ್ನ ಈ ಇಲೆಕ್ಟ್ರಿಕ್ ಸ್ಕೂಟರ್ ಮೇಲೆ 21000 ರೂ.ಗಳ ಬಂಪರ್ ಕೊಡುಗೆ ನೀಡುತ್ತಿದೆ!

Bumper Offer On e-Scooter: ಕಂಪನಿಯ ವೆಬ್‌ಸೈಟ್ ಪ್ರಕಾರ, Vida V1 ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ರೂ 21000 ವರೆಗೆ ಬಂಪರ್ ಆಫರ್ ಲಭ್ಯವಿದೆ, ಆದರೆ ಈ ಕೊಡುಗೆ ಅಲ್ಪಾವಧಿಗೆ ಮಾತ್ರ ಸೀಮಿತವಾಗಿದೆ ಎಂದೂ ಕೂಡ ಹೇಳಲಾಗಿದೆ.(Technology News In Kannada)

ನವದೆಹಲಿ: ದೇಶದಲ್ಲಿ ಇದು ಹಬ್ಬದ ಋತು ಚಾಲ್ತಿಯಲ್ಲಿದೆ. ವಾಹನ ತಯಾರಿಕಾ ಕಂಪನಿಗಳು ಹಬ್ಬದ ಸೀಸನ್‌ನಲ್ಲಿ ವಿಭಿನ್ನ ಕೊಡುಗೆಗಳನ್ನು ನೀಡುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ಹೀರೋನ ಎಲೆಕ್ಟ್ರಿಕ್ ವಾಹನ ತಯಾರಿಕಾ ಕಂಪನಿ ವಿದಾ ಕೂಡ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ಮೇಲೆ ಬಂಪರ್ ಕೊಡುಗೆಗಳನ್ನು ನೀಡುತ್ತಿದೆ. ಕಂಪನಿಯು Vida V1 ನಲ್ಲಿ ರೂ 21000 ವರೆಗೆ ಪ್ರಯೋಜನಗಳನ್ನು ನೀಡುತ್ತಿದೆ. ಕಂಪನಿಯು ತನ್ನ ವೆಬ್‌ಸೈಟ್‌ನಲ್ಲಿ ಈ ಮಾಹಿತಿಯನ್ನು ನೀಡಿದೆ. ಕಂಪನಿಯ ವೆಬ್‌ಸೈಟ್ ಪ್ರಕಾರ, Vida V1 ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ರೂ 21000 ವರೆಗೆ ಆಫರ್ ಲಭ್ಯವಿದೆ, ಇದು ಸೀಮಿತ ಅವಧಿಗೆ ಮಾತ್ರ ಸೀಮಿತವಾಗಿದೆ ಎಂದೂ ಕೂಡ ಹೇಳಲಾಗಿದೆ. ನೀವು ಈ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ನೀವು 499 ರೂಪಾಯಿಗಳ ಟೋಕನ್ ಹಣದಲ್ಲಿ ಅದನ್ನು ಬುಕ್ ಮಾಡಬಹುದು. ಆದಾಗ್ಯೂ, ಈ ಮೊತ್ತವನ್ನು ಸಂಪೂರ್ಣವಾಗಿ ಮರುಪಾವತಿಸಲಾಗುವುದು. (Technology News In Kannada)

Vida V1 ನಲ್ಲಿ ವಿಶೇಷತೆ ಏನು?
ಈ ಎಲೆಕ್ಟ್ರಿಕ್ ಸ್ಕೂಟರ್ ಸಿಂಗಲ್ ಚಾರ್ಜ್ ನಲ್ಲಿ 110 ಕಿಲೋಮೀಟರ್ ರೆಂಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಅಂದರೆ ಈ ಎಲೆಕ್ಟ್ರಿಕ್ ಸ್ಕೂಟರ್ ಒಂದು ಬಾರಿ ಚಾರ್ಜ್ ಮಾಡಿದರೆ 110 ಕಿ.ಮೀ. ಓಡುತ್ತದೆ.  ಇದಲ್ಲದೆ, ಈ ಎಲೆಕ್ಟ್ರಿಕ್ ಸ್ಕೂಟರ್‌ನ ಗರಿಷ್ಠ ವೇಗ ಗಂಟೆಗೆ 80 ಕಿಲೋಮೀಟರ್. ಈ ಸ್ಕೂಟರ್ 0-40 ಕಿಮೀ ವೇಗವನ್ನು 3.2 ಸೆಕೆಂಡುಗಳಲ್ಲಿ ಪಡೆಯುತ್ತದೆ. ಇದಲ್ಲದೆ, ಇದು ಕೇವಲ 65 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ.

ಈ ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ LED ಮತ್ತು ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು ಲಭ್ಯವಿದೆ. ಇದಲ್ಲದೇ ಬೈಕ್ ನಲ್ಲಿರುವ ವಿಶೇಷತೆ ಎಂದರೆ ಕ್ರೂಸ್ ಕಂಟ್ರೋಲ್. ಹೆಚ್ಚಿನ ಸ್ಥಳಾವಕಾಶಕ್ಕಾಗಿ ಕಸ್ಟಮೈಸ್ ಮಾಡಿದ ಸೀಟ್‌ಗಳ ಆಯ್ಕೆಯೂ ಲಭ್ಯವಿದೆ. ಈ ಎಲೆಕ್ಟ್ರಿಕ್ ಸ್ಕೂಟರ್ 4 ರೈಡ್ ಮೋಡ್‌ಗಳಲ್ಲಿ ಲಭ್ಯವಿದೆ, ಇವುಗಳಲ್ಲಿ ಇಕೋ, ರೈಡ್, ಸ್ಪೋರ್ಟ್ ಮತ್ತು ಕಸ್ಟಮ್ ಶಾಮಿಲಾಗಿವೆ.

ಇದನ್ನೂ ಓದಿ-ಸಾಯಂಕಾಲ 7 ಗಂಟೆಯ ನಂತರ 'ನೋ ಫೋನ್ ಕಾಲ್', ಹೀಗಂತ ಆರ್ಬಿಐ ಹೇಳಿದ್ಯಾರಿಗೆ? ಸುದ್ದಿ ಓದಿ!

3 ರೀತಿಯಲ್ಲಿ ಚಾರ್ಜಿಂಗ್ ಬೆಂಬಲ
ಈ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು 3 ರೀತಿಯಲ್ಲಿ ಚಾರ್ಜ್ ಮಾಡಬಹುದು. ಮೊದಲ - ರಿಮೂವೇಬಲ್ ಬ್ಯಾಟರಿ, ಎರಡನೇ - ಪೋರ್ಟಬಲ್ ಚಾರ್ಜರ್ ಮತ್ತು ಮೂರನೇದಾಗಿ, ಈ ಸ್ಕೂಟರ್ DC ಫಾಸ್ಟ್ ಚಾರ್ಜಿಂಗ್ ಸಹಾಯದಿಂದ ಚಾರ್ಜ್ ಮಾಡಬಹುದು. ಕಂಪನಿಯು ಸಂಪರ್ಕಕ್ಕಾಗಿ VIDA APP ಬೆಂಬಲ ಕೂಡ ನೀಡಿದೆ.

ಇದನ್ನೂ ಓದಿ-Diwali-Dhanteras ದಿನ ಚಿನ್ನ ಖರೀದಿಸಬೇಕೆ? ಅಸಲಿ-ನಕಲಿ ಚಿನ್ನವನ್ನು ಈ ರೀತಿ ಪತ್ತೆಹಚ್ಚಿ!

ಬೆಲೆಯ ಬಗ್ಗೆ ಹೇಳುವುದಾದರೆ, ದೆಹಲಿಯಲ್ಲಿ ಈ ಎಲೆಕ್ಟ್ರಿಕ್ ಸ್ಕೂಟರ್‌ನ ಆರಂಭಿಕ ಎಕ್ಸ್ ಶೋ ರೂಂ ಬೆಲೆ 1.25 ಲಕ್ಷ ರೂ. ಆದಾಗ್ಯೂ, ವಿವಿಧ ರಾಜ್ಯಗಳಲ್ಲಿ ಸ್ಕೂಟರ್ ಬೆಲೆಗಳು ಬದಲಾಗುತ್ತವೆ. ನೀವು ಈ ಸ್ಕೂಟರ್ ಅನ್ನು EMI ನಲ್ಲಿ ಸಹ ಖರೀದಿಸಬಹುದು.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...