ನಿಮ್ಮ ಸ್ಮಾರ್ಟ್ ಫೋನ್ ಸೂಪರ್ ಸ್ಪೀಡ್ ಆಗಬೇಕಾದರೆ ಈ ಟ್ರಿಕ್ ಬಳಸಿ !

5Gಯೊಂದಿಗೆ ಇಂಟರ್ನೆಟ್ ಸ್ಪೀಡ್ ಕಡಿಮೆಯಾಗುವ ಭಯ ಕೂಡಾ ಇದೆ. ಹಾಗಿದ್ದರೆ ಮೊಬೈಲ್ ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಬೇಕಾದರೆ, ನೀವು ಕೆಲವು ವಿಧಾನಗಳನ್ನು ಬಳಸಬಹುದು.

ಬೆಂಗಳೂರು : ಜಿಯೋ ಮತ್ತು ಏರ್‌ಟೆಲ್‌ 5G ಸೇವೆಗಳನ್ನು ಆರಂಭಿಸಿದೆ. ದೇಶದ ಬಹುತೇಕ ನಗರಗಳಲ್ಲಿ 5G ಸೇವೆಯನ್ನು ಆರಂಭವಾಗಿದೆ. ಇದರಿಂದ ಬಳಕೆದಾರರು ವೇಗವಾದ ಮತ್ತು ಸುಗಮ ಇಂಟರ್ನೆಟ್  ಅಕ್ಸೆಸ್ ಅನ್ನು ನಿರೀಕ್ಷಿಸಬಹುದು. ಇನ್ನು 5G ಸೇವೆ ಲಭ್ಯವಿದ್ದರೂ ಇಂಟರ್ನೆಟ್ ಸ್ಪೀಡ್ ಕಡಿಮೆಯಾಗುವ  ಸಾಧ್ಯತೆ ಕೂಡಾ ಇರುತ್ತದೆ. ಹಾಗಾದರೆ ಮೊಬೈಲ್ ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಬೇಕಾದರೆ,  ಏನು ಮಾಡಬೇಕು, ಕೆಲವು ವಿಧಾನಗಳನ್ನು ಅನುಸರಿಸುವ ಮೂಲಕ  ಮೊಬೈಲ್ ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಬಹುದು. 

ನೆಟ್ವರ್ಕ್ ಸಂಪರ್ಕ :
ಮೊಬೈಲ್ ಫೋನ್‌ ನಲ್ಲಿ ಸ್ಪೀಡ್ ಮತ್ತು ಸುಗಮ ಇಂಟರ್ನೆಟ್ ಅಕ್ಸೆಸ್ ಪಡೆಯಲು 5G ನೆಟ್‌ವರ್ಕ್‌ಗೆ  ಕನೆಕ್ಟ್ ಆಗಿದ್ದೀರಾ ಎನುವುದನ್ನು ಮೊದಲು ಖಚಿತಪಡಿಸಿಕೊಳ್ಳಬೇಕು. ನಿಮ್ಮ ಫೋನ್‌ನಲ್ಲಿ ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ಅನ್ನು ತೆರೆಯಬಹುದು. ಇಲ್ಲಿ ನೀವು 5G ನೆಟ್‌ವರ್ಕ್‌ಗೆ ಕನೆಕ್ಟ್ ಆಗಿದ್ದೀರಾ ಅಥವಾ ಇಲ್ಲವಾ ಎನ್ನುವುದನ್ನು ನೋಡಲು ಸೆಲ್ಯುಲಾರ್ ಆಯ್ಕೆಗೆ ಹೋಗಿ.

ಇದನ್ನೂ ಓದಿ :ಫ್ಯೂಚರಿಸ್ಟಿಕ್ ಲಾಕ್‌ಹೀಡ್ 'ರಿಂಗ್-ವಿಂಗ್ ಪ್ಲೇನ್'

ಫೋನ್ ಅನ್ನು ರಿಸ್ಟಾರ್ಟ್ ಮಾಡಿ :
ಫೋನ್ ಅನ್ನು ರಿಸ್ಟಾರ್ಟ್ ಮಾಡುವ ಮೂಲಕ ಸ್ಲೋ ಇಂಟರ್ನೆಟ್ ಸೇರಿದಂತೆ ವಿವಿಧ ಸಮಸ್ಯೆಗಳನ್ನು ಪರಿಹರಿಸಬಹುದು. ನಿಮ್ಮ ಫೋನ್ ಅನ್ನು  ರಿ ಸ್ಟಾರ್ಟ್ ಮಾಡಲು ಪವರ್ ಆಫ್ ಸ್ಲೈಡರ್ ಅನ್ನು ಕಾಣಿಸುವವರೆಗೆ ಪವರ್ ಬಟನ್ ಅನ್ನು ಒತ್ತಿ ಹಿಡಿದುಕೊಳ್ಳಿ. ಪವರ್ ಆಫ್ ಸ್ಲೈಡರ್ ಅನ್ನು ಬಲಕ್ಕೆ ಸ್ಲೈಡ್ ಮಾಡಿ. ಕೆಲವು ಸೆಕೆಂಡುಗಳ ನಂತರ ನಿಮ್ಮ ಫೋನ್ ಅನ್ನು ಮತ್ತೆ ಆನ್ ಮಾಡಿ.

ಫೋರ್ಸ್ ಕ್ಲೋಸ್ ಅಪ್ಸ್ :
ಬ್ಯಾಕ್ ಗ್ರೌಂಡ್ ನಲ್ಲಿ ಬಹಳಷ್ಟು app ಗಳು ಓಪನ್ ಇದ್ದರೆ, ಆ ಅಪ್ ಗಳು ಡೇಟಾವನ್ನು ಬಳಸುತ್ತಿರುತ್ತವೆ. ಇದು ನಿಮ್ಮ ಕನೆಕ್ಷನ್ ಅನ್ನು ಸ್ಲೋ ಮಾಡುತ್ತವೆ. ಅಪ್ಲಿಕೇಶನ್‌ಗಳನ್ನು ಮುಚ್ಚಲು, ನೀವು ಅಪ್ಲಿಕೇಶನ್ ಸ್ವಿಚರ್ ಅನ್ನು ತೆರೆಯಬಹುದು. ನಂತರ  ಯಾವ ಅಪ್ ಗಳನ್ನು ರನ್ ಮಾಡುವ ಅವಶ್ಯಕತೆ ಇಲ್ಲವೋ ಆ ಅಪ್ಲಿಕೇಶನ್ ಮೇಲೆ ಸ್ವೈಪ್ ಮಾಡಿ.

ಇದನ್ನೂ ಓದಿ :ಭಾರತಕ್ಕಾಗಿಯೇ ಕೆಲ ಹೊಸ ವೈಶಿಷ್ಟ್ಯಗಳನ್ನು ಬಿಡುಗಡೆ ಮಾಡಿದ ಗೂಗಲ್ ಮ್ಯಾಪ್ಸ್!

ಕ್ಯಾಚೆ ಕ್ಲಿಯರ್ ಮಾಡಿ :
ನಿಮ್ಮ ಫೋನ್‌ನ ಸ್ಟೋರೇಜ್ ಇತ್ತೀಚೆಗೆ ಭೇಟಿ ನೀಡಿದ ವೆಬ್‌ಸೈಟ್‌ಗಳು ಮತ್ತು ಅಪ್ಲಿಕೇಶನ್‌ಗಳಿಂದ ಡೇಟಾವನ್ನು ಸಂಗ್ರಹಿಸುತ್ತದೆ. ಇದು ಲೋಡಿಂಗ್ ಸಮಯವನ್ನು ವೇಗಗೊಳಿಸಲು ಸಹಾಯ ಮಾಡುತ್ತದೆ. ಆದರೆ ಇದು  ಹೆಚ್ಚು ಸ್ಪೇಸ್ ತೆಗೆದುಕೊಳ್ಳುವುದರಿಂದ ಫೋನ್ ಸ್ಪೀಡ್ ನಿಧಾನವಾಗುತ್ತದೆ. ಫೋನಿನ ಸ್ಟೋರೇಜ್ ಕ್ಲಿಯರ್ ಮಾಡಲು ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ತೆರೆಯಿರಿ. ಜನರಲ್ ಸ್ಟೋರೇಜ್ ಮತ್ತು ಐಕ್ಲೌಡ್ ಯುಸೇಜ್  ಮ್ಯಾನೇಜ್ ಸ್ಟೋರೇಜ್ ಗೆ ಹೋಗಿ. ಯಾವುದರ Cache ಕ್ಲಿಯರ್  ಮಾಡಬೇಕೋ ಆ ಅಪ್ಲಿಕೇಶನ್ ಮೇಲೆ ಟ್ಯಾಪ್ ಮಾಡಿ.

ಸಾಫ್ಟ್‌ವೇರ್ ಅಪ್ಡೇಟ್ ಮಾಡಿ :
ನಿಮ್ಮ ಫೋನ್‌ನ ಸಾಫ್ಟ್‌ವೇರ್ ಹೊಸ ವೈಶಿಷ್ಟ್ಯಗಳು ಮತ್ತು ಬಗ್ ಫಿಕ್ಸ್ ನೊಂದಿಗೆ ನಿರಂತರವಾಗಿ ಅಪ್ಡೇಟ್ ಆಗುತ್ತಿರುತ್ತದೆ. ಸಾಫ್ಟ್‌ವೇರ್‌ನ ಇತ್ತೀಚಿನ ಆವೃತ್ತಿಯನ್ನು ಚಲಾಯಿಸದಿದ್ದರೆ,  ಬಗ್ ನಿಂದಾಗಿ ಇಂಟರ್ನೆಟ್ ಸ್ಪೀಡ್ ನಿಧಾನವಾಗುವ ಸಾಧ್ಯತೆಯಿದೆ.  ಸಾಫ್ಟ್ವೇರ್ ಅಪ್ಡೇಟ್ ಮಾಡಲು ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ತೆರೆಯಿರಿ.  ಜನರಲ್ ಸಾಫ್ಟ್‌ವೇರ್ ಅಪ್ಡೇಟ್ ಗೆ ಹೋಗಿ. ಅಪ್ಡೇಟ್  ಲಭ್ಯವಿದ್ದರೆ, ಡೌನ್‌ಲೋಡ್ ಮಾಡಿ  ಇನ್ಸ್ಟಾಲ್ ಮೇಲೆ ಟ್ಯಾಪ್ ಮಾಡಿ.