ಆಧಾರ್ ಕಾರ್ಡ್‌ನಿಂದ 2% ಬಡ್ಡಿಯಲ್ಲಿ Loan ಸಿಗುತ್ತಾ! ಇಲ್ಲಿದೆ ಸತ್ಯಾಸತ್ಯತೆ!

Loan From Aadhaar: ನಿಮ್ಮ ಆಧಾರ್ ಕಾರ್ಡ್ ಮೂಲಕ ಕಡಿಮೆ ಬಡ್ಡಿದರದಲ್ಲಿ ಸಾಲ ಪಡೆಯಬಹುದು ಎಂಬ ಸಂದೇಶವನ್ನು ನೀವು ಸ್ವೀಕರಿಸಿದ್ದೀರಾ...! ಹಾಗಿದ್ದರೆ, ಎಚ್ಚರ! ಎಚ್ಚರ! ಇಂತಹ ಸಂದೇಶಗಳಿಗೆ ಎಂದಿಗೂ ಪ್ರತಿಕ್ರಿಯಿಸಬೇಡಿ.

Loan From Aadhaar: ಸರ್ಕಾರದ ಯೋಜನೆಗಳ ಅಡಿಯಲ್ಲಿ ನೀವು ಕಡಿಮೆ ಬಡ್ಡಿ ದರದಲ್ಲಿ ಸಾಲ ಪಡೆಯಬಹುದು. ನಿಮ್ಮ ಆಧಾರ್ ಕಾರ್ಡ್ ಅನ್ನು ಬಳಸಿ ಸುಲಭವಾಗಿ ಕಡಿಮೆ ಬಡ್ಡಿದರದಲ್ಲಿ ಲೋನ್ ಪಡೆಯಿರಿ ಎಂಬ ಸಂದೇಶ ನಿಮಗೂ ಬಂದಿದೆಯೇ? ನಿಮ್ಮ ಫೋನ್‌ನಲ್ಲಿ ಬರುವ ಇಂತಹ ಸಂದೇಶಗಳ ಬಗ್ಗೆ ಜಾಗರೂಕರಾಗಿರಿ. ಇಲ್ಲವೇ, ಮೋಸ ಹೋಗಬಹುದು. 

ಇತ್ತೀಚಿನ ದಿನಗಳಲ್ಲಿ "ಪ್ರಧಾನ ಮಂತ್ರಿ ಯೋಜನೆ ಆಧಾರ್ ಕಾರ್ಡ್ ಸಾಲ 2% ಬಡ್ಡಿ, 50% ಮನ್ನಾ 8595311955 ಗೆ ಕರೆ ಮಾಡಿ" ಎಂಬ ನಕಲಿ ಸಂದೇಶ ಸಖತ್ ವೈರಲ್ ಆಗುತ್ತಿದೆ. ಆದರೆ, ಇಂತಹ ಸಂದೇಶಕಗಳಿಗೆ ಮಾರುಹೋಗಿ ಕರೆ ಮಾಡಿದರೆ ನೀವು ಮೋಸ ಹೋಗಬಹುದು ಎಚ್ಚರ! 

ಇದೊಂದು ನಕಲಿ ಸಂದೇಶ: 
ವಾಸ್ತವವಾಗಿ, ಆಧಾರ್ ಕಾರ್ಡ್‌ನಿಂದ 2% ಬಡ್ಡಿ ದರದಲ್ಲಿ ಸಾಲ!  ಎಂಬುದು ಸಂಪೂರ್ಣವಾಗಿ ನಕಲಿ ಸಂದೇಶ ಎಂದು ಪಿಐಬಿ ಫ್ಯಾಕ್ಟ್ ಚೆಕ್ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ ತಿಳಿಸಿದೆ. ಸರ್ಕಾರದ ಯಾವುದೇ ಯೋಜನೆಯಲ್ಲಿ ಆಧಾರ್ ಕಾರ್ಡ್ ಮೂಲಕ ಸಾಲ ನೀಡುವಂತಹ ಸೌಲಭ್ಯವನ್ನು ಪರಿಚಯಿಸಲಾಗಿಲ್ಲ ಎಂದು ಇದರಲ್ಲಿ ಸ್ಪಷ್ಟಪಡಿಸಲಾಗಿದೆ. 

ಇದನ್ನೂ ಓದಿ- UPI ATM: ಯುಪಿಐ ಎಟಿಎಂನಿಂದ ಹಣ ವಿತ್ ಡ್ರಾ ಮಾಡುವುದು ಹೇಗೆ? ಇಲ್ಲಿದೆ ಸುಲಭ ಪ್ರಕ್ರಿಯೆ

ಈ ಕುರಿತಂತೆ ಟ್ವಿಟ್ಟರ್ (ಈಗಿನ X) ಪೋಸ್ಟ್‌ನಲ್ಲಿ ಈ ರೀತಿ ಬರೆಯಲಾಗಿದೆ:- 
"ಸರ್ಕಾರದ ಯೋಜನೆಯಡಿ ಕೇವಲ 2% ವಾರ್ಷಿಕ ಬಡ್ಡಿಯಲ್ಲಿ ಆಧಾರ್ ಕಾರ್ಡ್ ಮೂಲಕ ಸಾಲ ನೀಡಲಾಗುವುದು ಎಂದು ನಕಲಿ ಸಂದೇಶದಲ್ಲಿ ಹೇಳಲಾಗುತ್ತಿದೆ. ಇಂತಹ ಸುಳ್ಳು ಸಂದೇಶಗಳನ್ನು ಫಾರ್ವರ್ಡ್ ಮಾಡಬೇಡಿ. ಇದು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಕದಿಯುವ ಪ್ರಯತ್ನವೂ ಆಗಿರಬಹುದು" ಎಂದು ಪಿಐಬಿ ಫ್ಯಾಕ್ಟ್ ಚೆಕ್ ಎಚ್ಚರಿಸಿದೆ. 

कथित रूप से भारतीय साइबर अपराध समन्वय केंद्र (I4C) द्वारा जारी किए गए एक पत्र के माध्यम से प्राप्तकर्ता पर कई आरोप लगाए जा रहे हैं और पत्र का जवाब देने की भी मांग की जा रही है।#PIBFactCheck

➡️यह पत्र फ़र्ज़ी है

➡️भारत सरकार के तहत किसी भी संस्था ने ऐसा कोई पत्र नहीं भेजा है pic.twitter.com/3q79SWxZns

— PIB Fact Check (@PIBFactCheck) January 30, 2024

ಇಂತಹ ಸಂದೇಶಗಳ ಬಗ್ಗೆ ಒಲವು ತೋರಿದರೆ ಅಪಾಯ: 
ಒಂದೊಮ್ಮೆ ನೀವು ಇಂತಹ ಸಂದೇಶಗಳನ್ನು ನಂಬಿ ಕರೆ ಮಾಡುವುದು, ಇಲ್ಲವೇ ನೀಡಲಾದ ಲಿಂಕ್ ಕ್ಲಿಕ್ ಮಾಡುವುದನ್ನು ಮಾಡಿದರೆ ಮೋಸ ಹೋಗಬಹುದು. ಇಂತಹ ನಕಲಿ ಸಂದೇಶಗಳನ್ನು ಕಳುಹಿಸುವವರು ನಿಮ್ಮ ಹೆಸರು, ಹಣಕಾಸಿನ ಮಾಹಿತಿ ಅಥವಾ ಪ್ಯಾನ್ ಸಂಖ್ಯೆಯಂತಹ ನಿಮ್ಮ ಗೌಪ್ಯ ಮಾಹಿತಿಯನ್ನು ಕದಿಯಲು ಬಯಸುವ ಸ್ಕ್ಯಾಮರ್‌ಗಳಾಗಿರಬಹುದು. 

ಇದನ್ನೂ ಓದಿ- Smartphone Hang Problem: ಪದೇ ಪದೇ ನಿಮ್ಮ ಸ್ಮಾರ್ಟ್‌ಫೋನ್‌ ಹ್ಯಾಂಗ್‌ ಆಗುತ್ತಿದೆಯೇ? ಇಲ್ಲಿದೆ ಸುಲಭ ಪರಿಹಾರ

ಇಂತಹ ಸಂದೇಶಗಳು ಬಂದರೆ ಏನು ಮಾಡಬೇಕು? 
>> ನಿಮ್ಮ ಫೋನ್ ಅಥವಾ ಇಮೇಲ್‌ನಲ್ಲಿ ನೀವು ಅಂತಹ ಸಂದೇಶವನ್ನು ಸ್ವೀಕರಿಸಿದರೆ, ಅದರ ಮೇಲೆ ಕ್ಲಿಕ್ ಮಾಡುವ ಅಥವಾ ನೀಡಿರುವ ಸಂಖ್ಯೆಗೆ ಕರೆ ಮಾಡುವ ಬದಲು ಅದನ್ನು ನಿರ್ಲಕ್ಷಿಸುವುದು ಮತ್ತು ಅಳಿಸುವುದು ಉತ್ತಮ.
>> ಇಂತಹ ನಕಲಿ ಮಾಹಿತಿಗಳನ್ನು ನಿಮ್ಮ ಸಂಪರ್ಕದಲ್ಲಿರುವವರಿಗೆ ಕಳುಹಿಸುವ ತಪ್ಪನ್ನು ಎಂದಿಗೂ ಮಾಡಬೇಡಿ.  
>> ಇಂತಹ ನಕಲಿ ಸಂದೇಶಗಳಿಂದ ಮೋಸ ಹೋಗುವುದನ್ನು ತಪ್ಪಿಸಲು ಯಾವುದೇ ಕಾರಣಕ್ಕೂ ಯಾರೊಂದಿಗೂ ನಿಮ್ಮ ವೈಯಕ್ತಿಕ ಮಾಹಿತಿಗಳನ್ನು ಹಂಚಿಕೊಳ್ಳಬೇಡಿ.