Jio anniversary offer : ಇಂದಿನಿಂದ ಐದು ದಿನಗಳವರೆಗೆ ರಿಚಾರ್ಜ್ ಮಾಡಿದರೆ ಸಿಗುವುದು ಉಚಿತ ಡೇಟಾ ಮತ್ತು OTT!ವರ್ಷಪೂರ್ತಿ ಬಳಸಬಹುದು ನಾನ್ ಸ್ಟಾಪ್ ಇಂಟರ್ನೆಟ್

ಜಿಯೋ ತನ್ನ ತನ್ನ 8 ನೇ ವಾರ್ಷಿಕೋತ್ಸವದ ಅಂಗವಾಗಿ ಗ್ರಾಹಕರಿಗೆ ವಿಶೇಷ ಕೊಡುಗೆಗಳನ್ನು ನೀಡುತ್ತಿದೆ.

ಬೆಂಗಳೂರು : ರಿಲಯನ್ಸ್ ಜಿಯೋ ತನ್ನ ಮೊಬೈಲ್ ಬಳಕೆದಾರರಿಗೆ ಕೆಲವು ವಿಶೇಷ ಕೊಡುಗೆಗಳನ್ನು ತಂದಿದೆ.ಕಂಪನಿಯು ತನ್ನ 8 ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಈ ಕೊಡುಗೆಗಳನ್ನು ತಂದಿದೆ.ಈ ಕೊಡುಗೆಗಳು ಕೆಲವು ದಿನಗಳವರೆಗೆ ಮಾತ್ರ ಮತ್ತು ಆಯ್ದ ರೀಚಾರ್ಜ್ ಯೋಜನೆಗಳಲ್ಲಿ ಮಾತ್ರ ಲಭ್ಯವಿರಲಿದೆ. ನೀವು ಜಿಯೋ ಬಳಕೆದಾರರಾಗಿದ್ದರೆ  ಇಂದಿನಿಂದ ಅಂದರೆ ಸೆಪ್ಟೆಂಬರ್ 5 ಮತ್ತು ಸೆಪ್ಟೆಂಬರ್ 10 ರ ನಡುವೆ ರೀಚಾರ್ಜ್ ಮಾಡಿದರೆ 700 ರೂಪಾಯಿ ಲಾಭವನ್ನು ಪಡೆಯಬಹುದು. ಈ ಕೊಡುಗೆಯು 899 ರೂ., 999 ರೂಪಾಯಿಯ ಮೂರು ತಿಂಗಳ ಯೋಜನೆಗಳು ಮತ್ತು 3599 ರೂಪಾಯಿಯ ಒಂದು ವರ್ಷದ ಯೋಜನೆಯಲ್ಲಿ ಮಾತ್ರ ಲಭ್ಯವಿರುತ್ತದೆ. 

ಜಿಯೋ ವಾರ್ಷಿಕೋತ್ಸವದ ಕೊಡುಗೆ :
ಆಯ್ದ ಪ್ಲಾನ್‌ಗಳಿಂದ ರೀಚಾರ್ಜ್ ಮಾಡುವ ಬಳಕೆದಾರರು 700 ರೂ. ಲಾಭವನ್ನು ಪಡೆಯುತ್ತಾರೆ.ಇದರಲ್ಲಿ, 10 OTT ಅಪ್ಲಿಕೇಶನ್‌ಗಳ ಚಂದಾದಾರಿಕೆ ಮತ್ತು 28 ದಿನಗಳವರೆಗೆ  10GB ಡೇಟಾ ಲಭ್ಯವಿರುತ್ತದೆ. ಇದರ ಬೆಲೆ 175 ರೂ.ಇದಲ್ಲದೆ, ಜಿಯೋ ಬಳಕೆದಾರರು ಯಾವುದೇ ಹೆಚ್ಚುವರಿ ಶುಲ್ಕವನ್ನು ಪಾವತಿಸದೆ 3 ತಿಂಗಳವರೆಗೆ Zomato ಗೋಲ್ಡ್ ಸದಸ್ಯತ್ವವನ್ನು ಪಡೆಯುತ್ತಾರೆ.ಅಲ್ಲದೆ, ನೀವು AJIO ನಲ್ಲಿ 2999 ರೂ.ಗಿಂತ ಹೆಚ್ಚಿನ ಮೌಲ್ಯದ ಸರಕುಗಳನ್ನು ಖರೀದಿಸಿದರೆ 500 ರೂ.ವೋಚರ್ ಸಿಗುತ್ತದೆ. 

ಇದನ್ನೂ ಓದಿ : iPhone 15 Pro Max ಮೇಲೆ ಭಾರೀ ಡಿಸ್ಕೌಂಟ್ !ಇಷ್ಟೊಂದು ಅಗ್ಗದ ಬೆಲೆಯಲ್ಲಿ ದುಬಾರಿ ಫೋನ್ ಸಿಗುತ್ತಿರುವುದು ಈ ಮಳಿಗೆಯಲ್ಲಿ ಮಾತ್ರ !

ಜಿಯೋ 899 ರೂ. ರೀಚಾರ್ಜ್ ಯೋಜನೆ :
ಈ ಯೋಜನೆಯು  3 ತಿಂಗಳವರೆಗೆ ಕಾರ್ಯನಿರ್ವಹಿಸುತ್ತದೆ. ಇದರಲ್ಲಿ, ಅನಿಯಮಿತ ಕರೆಗಳು ಮತ್ತು 100 SMS ಪ್ರತಿದಿನ ಲಭ್ಯವಿದೆ.ಇದು ಪ್ರತಿದಿನ 2GB ಡೇಟಾವನ್ನು ಒದಗಿಸುತ್ತದೆ.ಈ ಯೋಜನೆಯೊಂದಿಗೆ ನೀವು 20GB ಹೆಚ್ಚುವರಿ ಡೇಟಾ ಮತ್ತು ಅನಿಯಮಿತ 5G ಡೇಟಾ ಸಿಗುತ್ತದೆ. 

ಜಿಯೋ  999 ರೂ. ರೀಚಾರ್ಜ್ ಯೋಜನೆ : 
ಜಿಯೋದ  999 ರೂ. ಪ್ಲಾನ್ 98 ದಿನಗಳವರೆಗೆ ಇರುತ್ತದೆ.ಇದರಲ್ಲಿ, ಅನಿಯಮಿತ ಕರೆಗಳು ಮತ್ತು 100 SMS ಪ್ರತಿದಿನ ಲಭ್ಯವಿದೆ.ಇದು ಪ್ರತಿದಿನ 2GB ಡೇಟಾವನ್ನು ಒದಗಿಸುತ್ತದೆ.ಇದು 98 ದಿನಗಳವರೆಗೆ ಮಾನ್ಯವಾಗಿರುತ್ತದೆ. ಈ ಯೋಜನೆಯಲ್ಲಿಯೂ ಅನಿಯಮಿತ 5G ಡೇಟಾ ಸಿಗುತ್ತದೆ. 

ಇದನ್ನೂ ಓದಿ : ಅತ್ಯಂತ ಅಗ್ಗದ ಬೆಲೆಯಲ್ಲಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ Samsung Galaxy A06 ಸ್ಮಾರ್ಟ್‌ಫೋನ್

ಜಿಯೋ  3,599 ರೂ. ರೀಚಾರ್ಜ್ ಯೋಜನೆ : 
ಜಿಯೋದ 3,599 ರೂ ಪ್ಲಾನ್ 356 ದಿನಗಳವರೆಗೆ ಇರುತ್ತದೆ.ಇದರಲ್ಲಿ, ಅನಿಯಮಿತ ಕರೆಗಳು ಮತ್ತು 100 SMS ಪ್ರತಿದಿನ ಲಭ್ಯವಿದೆ. ಇದು ಪ್ರತಿದಿನ 2.5GB ಡೇಟಾವನ್ನು ಒದಗಿಸುತ್ತದೆ. ಈ ಯೋಜನೆಯಲ್ಲಿಯೂ ಅನಿಯಮಿತ 5G ಡೇಟಾ  ಸಿಗುವುದು.