Reliance Jioದ ಈ ಅದ್ಭುತ ರಿಚಾರ್ಜ್ ಯೋಜನೆಯಲ್ಲಿ ನಿತ್ಯ 2GB ಡಾಟಾ ಜೊತೆಗೆ ಫ್ರೀ ಆಗಿ ಸಿಗುತ್ತೆ Amazon Prime

Reliance Jio Recharge Plan: ಇತ್ತೀಚೆಗಷ್ಟೇ ಟೆಲಿಕಾಂ ಕಂಪನಿಗಳ ಸುಂಕ ಹೆಚ್ಚಾಗಿದೆ. ಇದರಿಂದಾಗಿ ಕೋಟ್ಯಾಂತರ ಗ್ರಾಹಕರ ಜೇಬಿನ ಹೊರೆ ಹೆಚ್ಚಾಗಿದೆ. ಈ ಮಧ್ಯೆ ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗಾಗಿ ಅದ್ಭುತ ಯೋಜನೆಯೊಂದನ್ನು ಪರಿಚಯಿಸಿದೆ.

Jio Recharge Plan: ದೇಶದ ಪ್ರಸಿದ್ಧ ಟೆಲಿಕಾಂ ಕಂಪನಿಗಳಾದ ಏರ್ಟೆಲ್, ವೋಡಾಫೋನ್-ಐಡಿಯಾ, ರಿಲಯನ್ಸ್ ಜಿಯೋ ಜುಲೈ ಮೊದಲ ವಾರದಲ್ಲಿ ರಿಚಾರ್ಜ್ ಯೋಜನೆಗಳ ಬೆಲೆ ಏರಿಸುವ ಮೂಲಕ ಗ್ರಾಹಕರ ಟೆನ್ಷನ್ ಹೆಚ್ಚಿಸಿವೆ. ಜಿಯೋ ಕಂಪನಿ ಯೋಜನೆಗಳ ಬೆಲೆ 25% ವರೆಗೆ ಹೆಚ್ಚಿಸಲಾಗಿದ್ದು ದುಬಾರಿ ಯೋಜನೆಗಳಿಂದಾಗಿ ಗ್ರಾಹಕರ ಜೇಬಿನ ಹೊರೆ ಹೆಚ್ಚಾಗಿದೆ. ಆದಾಗ್ಯೂ, ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗೆ ಹೆಚ್ಚಿನ ಮಾನ್ಯತೆ ಜೊತೆಗೆ 84 ದಿನಗಳವರೆಗೆ ಓಟಿಟಿ ಅನ್ನು ಆನಂದಿಸುವ ಅವಕಾಶವನ್ನು ನೀಡಿದೆ. ಯಾವುದೀ ಯೋಜನೆ ಎಂದು ನೋಡುವುದಾದರೆ... 

ರಿಲಯನ್ಸ್ ಜಿಯೋದ ಅದ್ಭುತ 84 ದಿನಗಳ ರಿಚಾರ್ಜ್ ಪ್ಲಾನ್: 
ಹೌದು, ರಿಲಯನ್ಸ್ ಜಿಯೋ (Reliance Jio) 84 ದಿನಗಳ ದೀರ್ಘಾವಧಿಯ ಮಾನ್ಯತೆಯೊಂದಿಗೆ ಯೋಜನೆಯನ್ನು ನೀಡುತ್ತದೆ. 1029ರೂ.ಗಳ ಈ ಯೋಜನೆಯಲ್ಲಿ ಗ್ರಾಹಕರು ಹಲವು ಪ್ರಯೋಜನಗಳನ್ನು ಪಡೆಯುತ್ತಾರೆ. 

ಇದನ್ನೂ ಓದಿ- ಯಾವುದಾದರೂ ಫ್ರಾಡ್ ಗ್ರೂಪ್'ನಲ್ಲಿ ನಿಮ್ಮನ್ನು ಸೇರಿಸಲಾಗಿದ್ಯಾ? ಈ ಬಗ್ಗೆ ಎಚ್ಚರಿಕೆ ನೀಡುತ್ತೆ ವಾಟ್ಸಾಪ್ Context Cards

1029ರೂ.ಗಳ ಯೋಜನೆಯಲ್ಲಿ ಏನೆಲ್ಲಾ ಸೌಲಭ್ಯಗಳು ಲಭ್ಯವಿವೆ? 
ಜಿಯೋದ 1029ರೂ.ಗಳ ರಿಚಾರ್ಜ್ ಯೋಜನೆಯು (Jio Rs 1029 Recharge Plan) 84ದಿನಗಳವರೆಗೆ ಲಭ್ಯವಿರುವ ದೀರ್ಘಾವಧಿಯ ಯೋಜನೆಯಾಗಿದೆ. ಇದರಲ್ಲಿ ಗ್ರಾಹಕರು 84 ದಿನಗಳವರೆಗೆ ಅನಿಯಮಿತ ಕರೆ ಸೌಲಭ್ಯದೊಂದಿಗೆ ಪ್ರತಿದಿನ ಉಚಿತ 100 ಎಸ್‌ಎಂಎಸ್‌ ಪಡೆಯಬಹುದು. ಇದರೊಂದಿಗೆ ನಿತ್ಯ 2ಜಿಬಿ ಡೇಟಾ ( 84 ದಿನಗಳಲ್ಲಿ 168GB ಡೇಟಾ) ಪಡೆಯುತ್ತಾರೆ. ಅಮೆಜಾನ್ ಪ್ರೈಮ್ ಜೊತೆಗೆ ಹಲವು ಓಟಿಟಿ ಚಂದಾದಾರಿಕೆಯೂ ಉಚಿತವಾಗಿದೆ. 

ಇದನ್ನೂ ಓದಿ- ಏರುತ್ತಿರುವ ರಿಚಾರ್ಜ್ ಪ್ಲಾನ್ ಬೆಲೆ ನಡುವೆ BSNL ನೀಡುತ್ತಿದೆ ಕೇವಲ 185 ರೂ.ಗೆ 2GB ಡೈಲಿ ಡೇಟಾ

ಯಾವೆಲ್ಲಾ ಓಟಿಟಿ ಚಂದಾದಾರಿಕೆ ಲಭ್ಯ: 
ಜಿಯೋದ 1029ರೂ.ಗಳ ರಿಚಾರ್ಜ್ ಯೋಜನೆಯಲ್ಲಿ 84 ದಿನಗಳವರೆಗೆ ಚಂದಾದಾರರಿಗೆ ಅಮೆಜಾನ್ ಪ್ರೈಮ್ ಸಂಪೂರ್ಣವಾಗಿ ಉಚಿತವಾಗಿರುತ್ತದೆ. ಇದರೊಂದಿಗೆ, ಜಿಯೋ ಟಿವಿ, ಜಿಯೋ ಸಿನಿಮಾ ಮತ್ತು ಜಿಯೋ ಕ್ಲೌಡ್ ಸೌಲಭ್ಯಗಳು ಸಹ ಲಭ್ಯವಿರುತ್ತವೆ.