ಚಳಿಗಾಲದಲ್ಲಿ ಇಷ್ಟೇ ಇರಬೇಕು ಫ್ರಿಜ್ ಟೆಂಪರೇಚರ್ ? ಬಹುತೇಕರಿಗೆ ತಿಳಿದಿಲ್ಲ ಈ ಮಾಹಿತಿ

ಬೆಂಗಳೂರು : ಚಳಿಗಾಲದಲ್ಲಿ ಫ್ರಿಜ್‌ನ ಸೆಟ್ಟಿಂಗ್‌ಗಳನ್ನು ಬದಲಾಯಿಸುವ ಅವಶ್ಯಕತೆಯಿರುತ್ತದೆ. ಚಳಿಗಾಲದಲ್ಲಿ ಹೊರಗಿನ ತಾಪಮಾನ ಕಡಿಮೆಯಿರುತ್ತದೆ. ಆದ್ದರಿಂದ  ಬೇಸಿಗೆಯಲ್ಲಿಟ್ಟಿರುವ ತಾಪಮಾನವನ್ನು ಬದಲಾಯಿಸಲೇಬೇಕು. ಒಂದು ವೇಳೆ ರೆಫ್ರಿಜರೇಟರ್ ಸೆಟ್ಟಿಂಗ್ ಬದಲಾಯಿಸದಿದ್ದರೆ, ರೆಫ್ರಿಜರೇಟರ್ ಕಂಪ್ರೆಸರ್  ಹೆಚ್ಚು ಕೆಲಸ ಮಾಡಬೇಕಾಗುತ್ತದೆ. ಹೀಗಾದಾಗ ಫ್ರಿಜ್ ಬೇಗ ಹಾನಿಗೊಳಗಾಗಬಹುದು.

ಟೆಂಪರೇಚರ್ ಸೇಟ್ ಮಾಡಿಕೊಳ್ಳಿ : 
ಚಳಿಗಾಲದಲ್ಲಿ ತಾಪಮಾನವು ಮೊದಲೇ ಸಾಕಷ್ಟು ಕಡಿಮೆಯಾಗಿರುತ್ತದೆ. ಅದಕ್ಕೆ ತಕ್ಕಂತೆ ರೆಫ್ರಿಜರೇಟರ್‌ನ ತಾಪಮಾನವನ್ನು ಹೊಂದಿಸದಿದ್ದರೆ ಆಹಾರ ಪದಾರ್ಥಗಳು ಹೆಪ್ಪುಗಟ್ಟಬಹುದು. ಪರಿಣಾಮವಾಗಿ, ಅವು ಕೆಲವೊಮ್ಮೆ ಹಾಳಾಗಬಹುದು. ಈ ಸಮಸ್ಯೆಯನ್ನು ತಪ್ಪಿಸಲು, ರೆಫ್ರಿಜರೇಟರ್‌ನ ತಾಪಮಾನವನ್ನು ಕೆಲವು ಡಿಗ್ರಿಗಳಷ್ಟು ಹೆಚ್ಚಿಸುವಂತೆ ಸಲಹೆ ನೀಡಲಾಗುತ್ತದೆ. ಇದರಿಂದಾಗಿ ಆಹಾರ ಪದಾರ್ಥಗಳು ಕೆಡುವುದಿಲ್ಲ . 

ಇದನ್ನೂ ಓದಿ : ಜಿಯೋ ಬಳಕೆದಾರರಿಗೊಂದು ಗುಡ್ ನ್ಯೂಸ್, 30 ದಿನಗಳವರೆಗೆ ಉಚಿತ ಡೇಟಾ, ಕಾಲಿಂಗ್ ಹಾಗೂ ಓಟಿಟಿ ಲಾಭ!

ಸಮಯಕ್ಕೆ ಸರಿಯಾಗಿ ಡಿ-ಫ್ರಾಸ್ಟ್ ಮಾಡಿ : 
ಸಮಯಕ್ಕೆ ಸರಿಯಾಗಿ ಫ್ರಿಡ್ಜ್ ಅನ್ನು ಡಿಫ್ರಾಸ್ಟ್ ಮಾಡದಿರುವುದು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸುತ್ತದೆ. ಇದರಿಂದಾಗಿ ಫ್ರಿಡ್ಜ್‌ನೊಳಗೆ ಮಂಜುಗಡ್ಡೆ ಸಂಗ್ರಹವಾಗುತ್ತದೆ. ಇದರಿಂದ ಫ್ರಿಡ್ಜ್‌ನ ಉಷ್ಣತೆಯು ಕಡಿಮೆಯಾಗಿ ಆಹಾರ ಪದಾರ್ಥಗಳು ಹಾಳಾಗಬಹುದು. ಇದಲ್ಲದೇ ಫ್ರಿಡ್ಜ್ ನ ಕಂಪ್ರೆಸರ್ ಹೆಚ್ಚು ಕೆಲಸ ಮಾಡುವುದರಿಂದ ಫ್ರಿಡ್ಜ್ ಬೇಗ ಹಾಳಾಗುತ್ತದೆ. ದೊಡ್ಡ ಸಮಸ್ಯೆ ಎಂದರೆ ಮಂಜುಗಡ್ಡೆಯ ಶೇಖರಣೆಯಿಂದಾಗಿ ರೆಫ್ರಿಜರೇಟರ್ ಬಾಗಿಲು ತೆರೆಯಲು ಕಷ್ಟವಾಗುತ್ತದೆ. ಇದು ಆಹಾರ ಪದಾರ್ಥಗಳು ಹಾಳಾಗಲು ಕಾರಣವಾಗಬಹುದು. 
ಫ್ರಿಜ್ ಹಾಳಾಗುವ ಅಪಾಯ ಕೂಡಾ ಇರುತ್ತದೆ. 

ಚೇಂಬರ್ ಸೆಟ್ಟಿಂಗ್ : 
ನಿಮ್ಮ ರೆಫ್ರಿಜರೇಟರ್ ನಲ್ಲಿ ತರಕಾರಿ ಚೇಂಬರ್ ಹೊಂದಿದ್ದರೆ, ಯಾವುದೇ ಸಮಸ್ಯೆ ಇಲ್ಲ. ತರಕಾರಿ ಚೇಂಬರ್ ವೇರಿಯಬಲ್ ತಾಪಮಾನವನ್ನು ಹೊಂದಿದೆ. ಇದು ದೀರ್ಘಕಾಲದವರೆಗೆ ತರಕಾರಿಗಳನ್ನು ತಾಜಾವಾಗಿಡಲು ಸಹಾಯ ಮಾಡುತ್ತದೆ. ಚಳಿಗಾಲದಲ್ಲಿ, ತರಕಾರಿ ಚೇಂಬರ್ ತಾಪಮಾನವು 5 ರಿಂದ 7 ಡಿಗ್ರಿ ಸೆಲ್ಸಿಯಸ್ ನಡುವೆ ಇಡಬೇಕು. ಇದರೊಂದಿಗೆ, ತರಕಾರಿಗಳು 10 ರಿಂದ 15 ದಿನಗಳವರೆಗೆ ತಾಜಾವಾಗಿರುತ್ತವೆ.

ಇದನ್ನೂ ಓದಿ : ಚಳಿಗಾಲದಲ್ಲಿ ಮನೆಯಲ್ಲಿ ಇರಲೇಬೇಕು ಈ 5 ಗ್ಯಾಜೆಟ್‌ಗಳು