ಸಾಮಾಜಿಕ ಮಾಧ್ಯಮಗಳಲ್ಲಿ ಸಕತ್ ವೈರಲ್ ಆಗುತ್ತಿದೆ ಗಾಳಿಯಲ್ಲಿ ಹಾರಾಡುವ 'ಆಂಜನೇಯನ ಡ್ರೋನ್' ... ನೋಡಿದ್ರಾ?

Hanuman Flying Viral Video: ಛತ್ತೀಸ್‌ಗಢದಲ್ಲಿ ದಸರಾ ಆಚರಣೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ. ಇದರಲ್ಲಿ ‘ಹನುಮಂತನ’ ಮೂರ್ತಿಯನ್ನು ಡ್ರೋನ್‌ಗೆ ಜೋಡಿಸಿ ಹಾರಿಸುತ್ತಿರುವುದನ್ನು ನೀವು ಕಾಣಬಹುದು. ಜತೆಗೆ ಧಾರ್ಮಿಕ ಘೋಷಣೆಗಳೂ ಮೊಳಗುತ್ತಿವೆ. ಈ ವಿಡಿಯೋ ವೈರಲ್ ಆದ ಬಳಿಕ, ಸಾಮಾಜಿಕ ವೇದಿಕೆ X ನಲ್ಲಿ ವಿಜ್ಞಾನ ಮತ್ತು ಧರ್ಮದ ಕುರಿತಾದ ಚರ್ಚೆಗಳು ವೇಗ ಪಡೆದುಕೊಂಡಿವೆ! (Viral News In Kannada)

ನವದೆಹಲಿ: ಇದು ಡ್ರೋನ್ ತಂತ್ರಜ್ಞಾನ ಮತ್ತು ಕೃತಕ ಬುದ್ಧಿಮತ್ತೆಯ ಯುಗ. ಹೌದು, 21ನೇ ಶತಮಾನದಲ್ಲಿ ಅದ್ಭುತ ಆವಿಷ್ಕಾರಗಳು ನಡೆಯುತ್ತಿವೆ. ಈ ಆವಿಷ್ಕಾರಗಳು ಜೀವನವನ್ನು ಹೆಚ್ಚು ಸುಲಭಗೊಳಿಸಿವೆ, ಅವು ನಮ್ಮ ಜೀವನಶೈಲಿಯನ್ನು ದೊಡ್ಡ ಪ್ರಮಾಣದಲ್ಲಿ ಬದಲಾಯಿಸಿವೆ. ಆದಾಗ್ಯೂ, ಕೆಲವೊಮ್ಮೆ ತಂತ್ರಜ್ಞಾನವನ್ನು ಧಾರ್ಮಿಕ ಚಟುವಟಿಕೆಗಳಲ್ಲಿ ಬಳಸಲಾಗುತ್ತದೆ. ದೇವಾಲಯದ ನಿರ್ಮಾಣವಾಗಲಿ ಅಥವಾ ರಾಮಲೀಲಾದಲ್ಲಿ ಬೆಳಕು, ಸಂಗೀತ ಇತ್ಯಾದಿಗಳ ಮೂಲಕ ಪಾತ್ರಗಳ ಪ್ರಸ್ತುತಿ ನಡೆಯುತ್ತಿದೆ. ಇದೀಗ ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ. ಈ ಕ್ಲಿಪ್‌ನಲ್ಲಿ, 'ಶ್ರೀಆಂಜನೇಯನ' ಪ್ರತಿಮೆಯು ಗಾಳಿಯಲ್ಲಿ ಹಾರುತ್ತಿರುವುದನ್ನು ನೀವು ನೋಡಬಹುದು. ವಾಸ್ತವದಲ್ಲಿ, ಯಾರೋ ಒಬ್ಬರು ಹನುಮಾನ ವಿಗ್ರಹವನ್ನು ವಿಜ್ಞಾನದಿಂದ ತಯಾರಿಸಿದ ಡ್ರೋನ್‌ ಗೆ ಜೋಡಿಸಿದ್ದಾರೆ, ಇದಾದ ಬಳಿಕ 'ಆಂಜನೇಯ' ಗಾಳಿಯಲ್ಲಿ ಹಾರಾಡುವ ದೃಶ್ಯ ಕಂಡುಬಂದಿಗೆ. ಈ ಕ್ಲಿಪ್ ಮೈಕ್ರೋಬ್ಲಾಗಿಂಗ್ ಸೈಟ್‌ 'X' ನಲ್ಲಿ ಭಾರಿ ಜನಪ್ರಿಯವಾಗತೊಡಗಿದೆ. ವಿಡಿಯೋವನ್ನು ವಿವಿಧ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ(Viral News In Kannada).

ಇದನ್ನೂ ಓದಿ-Vande Sadharan ರೈಲಿನ ಒಳನೋಟ ಹೇಗಿದೆ? 'ಅಗ್ಗದ ಎಕ್ಸ್ ಪ್ರೆಸ್' ರೈಲಿನ ಮೊದಲ ವಿಡಿಯೋ ಬಹಿರಂಗ!

ವಿಜ್ಞಾನದ ಮೂಲಕವೂ ಧರ್ಮದ ಕೆಲಸ ನಡೆಯುತ್ತಿದೆ...
ಈ ವೀಡಿಯೊವನ್ನು X ಹ್ಯಾಂಡಲ್ @sky_phd ನಿಂದ ಪೋಸ್ಟ್ ಮಾಡಲಾಗಿದೆ. ವಿಡಿಯೋದ ಶೀರ್ಷಿಕೆಯಲ್ಲಿ ಬರೆದುಕೊಂಡ ಬಳಕೆದಾರ - ಧರ್ಮದ ಕೆಲಸವು ವಿಜ್ಞಾನದ ಮೂಲಕವೂ ನಡೆಯುತ್ತಿದೆ ಎಂದು ಬರೆದಿದ್ದಾರೆ. ಕೇವಲ 20 ಸೆಕೆಂಡುಗಳ ಅವಧಿಯ ವಿಡಿಯೋ ಇದಾಗಿದ್ದು, 'ಹನುಮಾನ್'  ಪ್ರತಿಮೆಯನ್ನು ಡ್ರೋನ್‌ಗೆ ಜೋಡಿಸಿ ಹಾರಿಸಲಾಗುತ್ತಿದೆ. ಹತ್ತಿರದಲ್ಲಿ ಜನರ ಗುಂಪು ನೆರೆದಿರುವುದನ್ನು ನೀವು ಗಮನಿಸಬಹುದು. 'ಹನುಮಾನ್ ಡ್ರೋನ್' ಗಾಳಿಯಲ್ಲಿ ಹಾರಿದ ತಕ್ಷಣ, ಜನರು ಧಾರ್ಮಿಕ ಘೋಷಣೆಗಳನ್ನು ಮೊಳಗಿಸಲು ಪ್ರಾರಂಭಿಸುತ್ತಾರೆ. ಇದುವರೆಗೆ ಈ ಪೋಸ್ಟ್ ಗೆ 2 ಲಕ್ಷದ 30 ಸಾವಿರ ವೀಕ್ಷಣೆ ಮತ್ತು ನಾಲ್ಕು ಸಾವಿರಕ್ಕೂ ಹೆಚ್ಚು ಲೈಕ್ ಗಳು ದೊರೆತಿವೆ. ಅನೇಕ ಬಳಕೆದಾರರು ವಿಡಿಯೋ ಕುರಿತು ತರಹೇವಾರಿ ಕಾಮೆಂಟ್ ಮಾಡುತ್ತಿದ್ದಾರೆ. ಈ ವಿಡಿಯೋ ಛತ್ತೀಸ್‌ಗಢದ ಅಂಬಿಕಾಪುರದ್ದಾಗಿದೆ ಎಂದು ಹೇಳಲಾಗುತ್ತಿದೆ. ಅಲ್ಲಿ ದಸರಾ ಆಚರಣೆಯ ಸಂದರ್ಭದಲ್ಲಿ ಡ್ರೋನ್‌ಗೆ ಜೋಡಿಸಿ 'ಹನುಮಂತನ' ವಿಗ್ರಹವನ್ನು ಹಾರಿಸಲಾಗಿದೆ.

ಇದನ್ನೂ ಓದಿ-ಶಕ್ತಿಶಾಲಿ ಗೂಳಿಯನ್ನೇ ಹಿಮ್ಮೆಟ್ಟಿಸಿದ ಪುಟಾಣಿ ಮೇಕೆ, ಕಾನ್ಫಿಡೆನ್ಸ್ ಅಂದ್ರೆ ಇದಪ್ಪ ಎಂದ ನೆಟ್ಟಿಗರು!

ವಿಜ್ಞಾನ ಮತ್ತು ಧರ್ಮದ ಬಗ್ಗೆ ಚರ್ಚೆ ಜೋರಾಗಿದೆ
ಈ ಕ್ಲಿಪ್ ಪೋಸ್ಟ್ ಮಾಡಿದ ವ್ಯಕ್ತಿ - ಧರ್ಮದ ಕೆಲಸವೂ ವಿಜ್ಞಾನದ ಮೂಲಕ ನಡೆಯುತ್ತಿದೆ ಎಂದು ವಿಡಿಯೋ ಶೀರ್ಷಿಕೆಯಲ್ಲಿ ಬರೆದುಕೊಂಡಿದ್ದಾರೆ. ಅನೇಕ ಬಳಕೆದಾರರು ಅದಕ್ಕೆ ಪ್ರತಿಕ್ರಿಯಿಸಿದ್ದಾರೆ. ವಿಡಿಯೋಗೇ ಕಾಮೆಂಟ್ ಮಾಡಿದ ಓರ್ವ ಬಳಕೆದಾರ, ವಿಜ್ಞಾನವನ್ನು ಧರ್ಮದಿಂದ ರಚಿಸಲಾಗಿದೆ ಎಂದು ಹೇಳುತ್ತಾರೆ. ಎರಡನೆಯವನು ಅಂದರೆ ಪ್ರಾಚೀನ ಭಾರತದಲ್ಲಿಯೂ ಡ್ರೋನ್ ತಂತ್ರಜ್ಞಾನವಿತ್ತು. ನಾವು ವಿಶ್ವ ಗುರು ಆಗಿದ್ದೇವೆ ಎನ್ನುತ್ತಾರೆ. ಮೂರನೆಯವರು ಇನ್ನೂ ಎಷ್ಟು ಪ್ರಗತಿ ಬೇಕು, ಈಗ ದೇವರನ್ನು ಹಾರಿಸಲು ಕೂಡ ವಿಜ್ಞಾನದ ಸಹಾಯವನ್ನು ತೆಗೆದುಕೊಳ್ಳಬೇಕಾಗಿದೆ ಎಂದಿದ್ದಾರೆ . ಅದಕ್ಕೆ ಪ್ರತಿಕ್ರಿಯಿಸಿದ ಮತ್ತೊರ್ವ ಬಳಕೆದಾರ, ಧರ್ಮದಿಂದಾಗಿ ವಿಜ್ಞಾನದ ಕೆಲಸ ನಡೆಯುತ್ತಿದೆ, ಧರ್ಮವು ನಮ್ಮನ್ನು ಸೃಷ್ಟಿಸಿದೆ. ನಿಮ್ಮ ಬಾಯಿಂದ ಪೂರ್ವಜರನ್ನು ಅವಮಾನಿಸುವಷ್ಟು ಮೂರ್ಖರಾಗಬೇಡಿ ... ನಿಮ್ಮ ಹೃದಯದಿಂದ ಯೋಚಿಸಿ ಎಂದಿದ್ದಾರೆ. ಅಂದಹಾಗೆ, ಈ ಸಂಪೂರ್ಣ ವಿಷಯದ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕಾಮೆಂಟ್ ಮಾಡುವ ಮೂಲಕ ತಿಳಿಸಲು ಮರೆಯಬೇಡಿ.

ವೀಡಿಯೋ ಇಲ್ಲಿ ವೀಕ್ಷಿಸಿ..

विज्ञान से ही धर्म का काम काज भी चल रहा हैं।😊
pic.twitter.com/ItNpPkC9oH

— Santosh Yadav, Ph.D. (@sky_phd) October 25, 2023

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...