Audi Chaiwala: ಕೋಟಿಗಟ್ಟಲೆ ಬೆಲೆಯ ಆಡಿ ಕಾರಲ್ಲಿ ಟೀ ಅಂಗಡಿ ತೆರೆದ ವ್ಯಕ್ತಿ, ವಿಡಿಯೋ ವೈರಲ್‌

Audi Chaiwala: ಎಂಬಿಎ ಚಾಯ್‌ವಾಲಾ, ಬಿ.ಟೆಕ್ ಚಾಯ್‌ವಾಲಿ ನಂತರ ಇದೀಗ ಆಡಿ ಚಾಯ್‌ವಾಲಾಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವ್ಯಕ್ತಿಯೊಬ್ಬ ಕೋಟ್ಯಂತರ ರೂಪಾಯಿ ಮೌಲ್ಯದ ಐಷಾರಾಮಿ ಕಾರು ಆಡಿಯಲ್ಲಿ ಬಂದು ಟೀ ಮಾರುತ್ತಾನೆ.

Audi Chaiwala: ಸೋಷಿಯಲ್‌ ಮೀಡಿಯಾದಲ್ಲಿ ಅನೇಕ ರೀತಿಯ ವಿಡಿಯೋಗಳು ವೈರಲ್‌ ಆಗುತ್ತವೆ. ಈ ವಿಡಿಯೋಗಳಲ್ಲಿ ಹೆಚ್ಚಿನವು ಚಹಾ ಮಾರಾಟಕ್ಕೆ ಸಂಬಂಧಿಸಿವೆ. ಇದನ್ನು ನೋಡಿದರೆ ಚಹಾ ಮಾರಾಟವು ವೃತ್ತಿಯನ್ನು ಮಾಡಲು ಒಂದು ಆಯ್ಕೆಯಾಗಿದೆ ಎಂದು ಭಾಸವಾಗುತ್ತದೆ. ಎಂಬಿಎ ಚಾಯ್‌ವಾಲಾ, ಬಿ.ಟೆಕ್ ಚಾಯ್‌ವಾಲಿ ನಂತರ ಇದೀಗ ಆಡಿ ಚಾಯ್‌ವಾಲಾಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಇದರಲ್ಲಿ ಐಷಾರಾಮಿ ಮನೆಯಲ್ಲಿ ವಾಸವಾಗಿರುವ ವ್ಯಕ್ತಿಯೊಬ್ಬ ಕೋಟ್ಯಂತರ ರೂಪಾಯಿ ಮೌಲ್ಯದ ಐಷಾರಾಮಿ ಕಾರು ಆಡಿಯಲ್ಲಿ ಬಂದು ಟೀ ಮಾರುತ್ತಾನೆ. ತಾನೇ ತನ್ನ ಕೈಯಿಂದ ಟೀ ತಯಾರಿಸಿ ಗ್ರಾಹಕರಿಗೆ ನೀಡುವ ವಿಡಿಯೋ ವೈರಲ್‌ ಆಗಿದೆ. ಇಲ್ಲಿಯವರೆಗೆ ಸಾವಿರಾರು ಮತ್ತು ಮಿಲಿಯನ್ ವೀಕ್ಷಣೆಗಳನ್ನು ಸಂಗ್ರಹಿಸಿದೆ.

ಇದನ್ನೂ ಓದಿ: ಮುಂಗಾರು ಆಗಮಿಸಿದೆಯಾ ಅಥವಾ ಇನ್ನೂ ನಿರೀಕ್ಷಿಸಬೇಕಾ? ಇಲ್ಲಿದೆ ಹವಾಮಾನ ಇಲಾಖೆಯ ಭವಿಷ್ಯವಾಣಿ

ಈ ವಿಡಿಯೋಗಳಲ್ಲಿ ಒಂದರಲ್ಲಿ, ವ್ಯಕ್ತಿಯು ಐಷಾರಾಮಿ ಮನೆಯಿಂದ ಹೊರಬಂದು ಐಷಾರಾಮಿ ಆಡಿ ಕಾರಿನಲ್ಲಿ ಕೂರುವುದನ್ನು ಕಾಣಬಹುದು. ವ್ಯಕ್ತಿ ತನ್ನ ಕಚೇರಿಗೆ ಹೋಗುತ್ತಿರಬಹುದು ಎಂದೇ ಎಲ್ಲರಿಗೂ ಅನಿಸುತ್ತದೆ. ಆದರೆ ಇದಕ್ಕೆ ತದ್ವಿರುದ್ಧವಾಗಿ, ಅವರು ಮುಂಬೈನ ಲೋಖಂಡವಾಲಾ ಬ್ಯಾಕ್‌ರೋಡ್‌ನಲ್ಲಿ ಆಡಿಯಿಂದ ಕೆಳಗಿಳಿಯುತ್ತಾರೆ. ಇಲ್ಲಿ ಟೀ ಸ್ಟಾಲ್ ಹಾಖಿ ತಾವೇ ಸ್ವತಃ ಟೀ ತಯಾರಿಸಿ ಮಾರುತ್ತಾರೆ.ವರದಿಗಳ ಪ್ರಕಾರ, ಆಡಿ ಚಾಯ್‌ವಾಲಾ ಪ್ರಾರಂಭವು ಅಮಿತ್ ಕಶ್ಯಪ್ ಮತ್ತು ಮನ್ನು ಶರ್ಮಾ ಎಂಬ ಇಬ್ಬರು ವ್ಯಕ್ತಿಗಳಿಂದ ಪ್ರಾರಂಭವಾಗಿದೆ. ಜನರ ಗಮನ ಸೆಳೆಯಲು ಈ ತಂತ್ರ ಬಳಸಿದ್ದಾರೆ ಎನ್ನಲಾಗಿದೆ. 

View this post on Instagram

A post shared by Sach Kadwa Hai (@sachkadwahai)

ಆಡಿ ಚಾಯ್‌ವಾಲಾ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ನಂತರ ನೆಟಿಜನ್‌ಗಳು ಕೂಡ ತೀವ್ರವಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಒಬ್ಬ ಬಳಕೆದಾರರು ಆಡಿ ಕಂಪನಿಯ ಮಾಲೀಕರು ಏನು ಯೋಚಿಸುತ್ತಾರೆ ಎಂದು ಬರೆದಿದ್ದಾರೆ. ಹೀಗೆ ನಾನಾ ರೀತಿಯ ಕಾಮೆಂಟ್‌ಗಳು ವಿಡಿಯೋಗೆ ಬಂದಿವೆ. 

ಇದನ್ನೂ ಓದಿ: ಈ ಫೋಟೋದಲ್ಲಿರುವ ಇರುವೆ ಪತ್ತೆಹಚ್ಚುವಲ್ಲಿ ಶೇ.99ರಷ್ಟು ಮಂದಿ ವಿಫಲ! 10 ಸೆಕೆಂಡಲ್ಲಿ ನೀವು ಪತ್ತೆಹಚ್ಚುವಿರಾ?