Monkey Drink Liquor: ಉತ್ತರಪ್ರದೇಶದ ರಾಯ್‌ಬರೇಲಿಯಿಂದ ಕುಡಿದ ಮಂಗವೊಂದರ ಕುಚೇಷ್ಟೆಯ ಸುದ್ದಿ ಹರಿದಾಡುತ್ತಿದೆ. ಈ ಮಂಗ ಮದ್ಯಕ್ಕಾಗಿ ಏನು ಬೇಕಾದರೂ ಮಾಡಬಹುದು. ಅಂಗಡಿಗೆ ಪ್ರವೇಶಿಸಿ ಮದ್ಯದ ಬಾಟಲಿಯನ್ನು ನೀಡುವವರೆಗೆ ಗ್ರಾಹಕರು, ಮಾರಾಟಗಾರನಿಗೆ ಹೆದರಿಸುತ್ತದೆ. ಮದ್ಯದ ಬಾಟಲಿ ಸಿಗದಿದ್ದರೆ ಗ್ರಾಹಕರ ಜೇಬು ಹರಿದು, ಗುತ್ತಿಗೆ ಹುಂಡಿಯಲ್ಲಿಟ್ಟ ಹಣ ಹರಿದುಹೋಗುತ್ತದಂತೆ. ವಿಶೇಷವೆಂದರೆ ಈ ಕೋತಿಗೆ ದಿನಕ್ಕೆರಡು ಬಾರಿಯಾದರೂ ಅರ್ಧ ಬಾಟಲಿ ವೈನ್ ಬೇಕಂತೆ. ಒಮ್ಮೆ ಬೆಳಿಗ್ಗೆ ಬಾರ್‌ ತೆರೆಯುವ ಸಮಯದಲ್ಲಿ ಮತ್ತು ಕೊನೆಯ ಬಾರಿ ಅಂಗಡಿ ಮುಚ್ಚುವ ಮೊದಲು ಇದಕ್ಕೆ ಎಣ್ಣೆ ಬೇಕೇ ಬೇಕು.
ಇದನ್ನೂ ಓದಿ : 40ರ ಹರೆಯದಲ್ಲೂ ಮೋಡಿ ಮಾಡುತ್ತಿದೆ ಮಲ್ಲಿಕಾ ಮಲ್ಲಿಗೆಯಂತಹ ಅಂದ..!
ಈ ಕುಡುಕ ಕೋತಿಯ ಬಗ್ಗೆ ಯಾರಿಗೆ ದೂರು ನೀಡಬೇಕು, ನಂತರ ಅದನ್ನು ತಡೆಯುವುದು ಹೇಗೆ ಎಂಬ ಗೊಂದಲದಲ್ಲಿ ಬಾರ್‌ ಮಾಲೀಕ ತಲೆಕೆಡಿಸಿಕೊಳ್ಳುತ್ತಿದ್ದಾರೆ. ಮತ್ತೊಂದೆಡೆ ಈ ಮದ್ಯವ್ಯಸನಿ ಮಂಗನ ಸುದ್ದಿ ವೈರಲ್ ಆಗಿದ್ದು, ಈ ಬಗ್ಗೆ ಸ್ವತಃ ಜಿಲ್ಲಾ ಅಬಕಾರಿ ಅಧಿಕಾರಿ ಅರಣ್ಯ ಇಲಾಖೆಯನ್ನು ಸಂಪರ್ಕಿಸುವಂತೆ ಹೇಳಿದ್ದಾರೆ.
ಮಾಹಿತಿ ಪ್ರಕಾರ, ಒಮ್ಮೆ ಈ ಮಂಗನ ಮುಂದೆ ಒಂದಷ್ಟು ಜನರು ಮದ್ಯದ ಬಾಟಲಿಯನ್ನು ಇಟ್ಟಿದ್ದಾರೆ. ಅದನ್ನು ಏನೆಂದು ತಿಳಿಯದೇ ಈ ಕೋತಿ ಕುಡಿದಿದೆ. ಇದಾದ ಬಳಿಕ ಅದಕ್ಕೆ ಹೀಗೆ ಮದ್ಯದ ರುಚಿ ಹತ್ತಿದ್ದು, ಗ್ರಾಹಕರೊಬ್ಬರ ಕೈಯಿಂದ ಮದ್ಯವನ್ನು ಕಸಿದುಕೊಂಡು ಕುಡಿದಿದೆ. ಅಂದಿನಿಂದ ಇಲ್ಲಿಯವರೆಗೂ ಈ ಮಂಗ ನಿರಂತರವಾಗಿ ಮದ್ಯದ ಬಾಟಲಿಯನ್ನು ಕರಾರುವಾಕ್ಕಾಗಿ ತೆಗೆದುಕೊಂಡು ಹೋಗುತ್ತಿದ್ದು, ಕೆಲವೊಮ್ಮೆ ಗ್ರಾಹಕರ ಕೈಯಿಂದ ಕಿತ್ತುಕೊಂಡು ಓಡಿಹೋಗುತ್ತಿದೆ ಎಂದು ಹೇಳಲಾಗುತ್ತಿದೆ. ಈಗ ಅರಣ್ಯ ಇಲಾಖೆಯವರು ಹಿಡಿದು ಕಾಡಿಗೆ ಬಿಟ್ಟರೂ ಈ ಮಾದಕ ವ್ಯಸನಿ ಮಂಗ ಎಷ್ಟು ದಿನ ಇರುತ್ತದೋ ಎಂಬ ಭಯ ಜನರದ್ದು.
ಇದನ್ನೂ ಓದಿ : ಬೆಳಗಾವಿಯಲ್ಲಿ ರಸ್ತೆ ಪಕ್ಕದ ಗೂಡಂಗಡಿಯಲ್ಲಿ ಟೀ ಕುಡಿದ ಸಚಿನ್ ತೆಂಡೂಲ್ಕರ್‌
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
