Coronavirus: ಜಗತ್ತಿನೆದುರು ಬೆತ್ತಲಾದ China, ನಿಜವಾದ ಕರೋನಾ ಅಂಕಿ-ಅಂಶ ಬಹಿರಂಗ

ವುಹಾನ್ ನಗರದಲ್ಲಿ ನಡೆದ ಸಿಇಆರ್ಒ ಸಮೀಕ್ಷೆಯ ಪ್ರಕಾರ ಜನಸಂಖ್ಯೆಯ ಶೇಕಡಾ 4.43 ರಷ್ಟು ಜನರು ಕರೋನಾ ಸೋಂಕಿಗೆ ಒಳಗಾಗಿದ್ದರು ಎನ್ನಲಾಗಿದೆ. 4.43% ಜನರಲ್ಲಿ ಕರೋನಾ ಪ್ರತಿಕಾಯಗಳು ಕಂಡುಬಂದಿವೆ ಎಂದು ಸಮೀಕ್ಷೆ ತಿಳಿಸಿದೆ.

Coronavirus cases in China's wuhan

ನವದೆಹಲಿ: ಕರೋನಾವೈರಸ್‌ಗೆ ಸಂಬಂಧಿಸಿದ ಡೇಟಾವನ್ನು ಮರೆಮಾಚುವ ಕಾರಣ ಚೀನಾವನ್ನು ಯುಎಸ್ ಸೇರಿದಂತೆ ಹಲವು ದೇಶಗಳು ನಿರಂತರವಾಗಿ ಗುರಿಯಾಗಿಸಿವೆ. ಆದರೆ ಈಗ ಚೀನಾ ಸ್ವತಃ ಅಧಿಕೃತವಾಗಿ ಕರೋನಾ ಸೋಂಕಿಗೆ ಸಂಬಂಧಿಸಿದಂತೆ ಬಿಡುಗಡೆಯಾದ ಅಂಕಿಅಂಶಗಳಿಗಿಂತ ಹೆಚ್ಚಿನ ಜನರು ಸೋಂಕಿಗೆ ತುತ್ತಾಗಿದ್ದಾರೆ ಎಂದು ಒಪ್ಪಿಕೊಳ್ಳಲೇಬೇಕಾಗಿದೆ.

ಏಪ್ರಿಲ್ನಲ್ಲಿ ವುಹಾನ್ (Wuhan) ನಗರದಲ್ಲಿ ನಡೆದ ಚೀನಾದ ಆರೋಗ್ಯ ಇಲಾಖೆ (ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್) ಸಮೀಕ್ಷೆಯ ಪ್ರಕಾರ ಜನಸಂಖ್ಯೆಯ ಶೇಕಡಾ 4.43 ರಷ್ಟು ಜನರು ಕರೋನಾ ಸೋಂಕಿಗೆ ಒಳಗಾಗಿದ್ದರು ಎನ್ನಲಾಗಿದೆ. 4.43% ಜನರಲ್ಲಿ ಕರೋನಾ ಪ್ರತಿಕಾಯಗಳು ಕಂಡುಬಂದಿವೆ ಎಂದು ಸಮೀಕ್ಷೆ ತಿಳಿಸಿದೆ.

ಸಮೀಕ್ಷೆ ಪ್ರಕಾರ 10 ಪಟ್ಟು ಜನರು  ಕರೋನಾ ಸೋಂಕಿಗೆ ಒಳಗಾಗಿದ್ದಾರೆ :
ಚೀನಾದ ವುಹಾನ್ ನಗರವು 10 ದಶಲಕ್ಷಕ್ಕೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿದೆ. ಅಂದರೆ ಸಿರೊ ಸಮೀಕ್ಷೆಯ ಪ್ರಕಾರ ವುಹಾನ್‌ನಲ್ಲಿ ಕೇವಲ ಏಪ್ರಿಲ್ ವರೆಗೆ 4 ಲಕ್ಷ 80 ಸಾವಿರಕ್ಕೂ ಹೆಚ್ಚು ಜನರು ಕೊರೊನಾವೈರಸ್ (Coronavirus) ಸೋಂಕಿಗೆ ಒಳಗಾಗಿದ್ದಾರೆ. ವುಹಾನ್ ನಗರದಲ್ಲಿ ಕರೋನಾ-ಸೋಂಕಿತ ಜನರ ಅಧಿಕೃತ ಅಂಕಿಅಂಶ ಬಿಡುಗಡೆಯಾಗಿದ್ದು ಅದರಲ್ಲಿ ಸುಮಾರು 50 ಸಾವಿರ ಜನರು ಸೋಂಕಿಗೆ ತುತ್ತಾಗಿದ್ದಾರೆ ಎಂದು ಹೇಳಲಾಗಿತ್ತು. ಅಂದರೆ ಅಧಿಕೃತ ಅಂಕಿಅಂಶಗಳಿಗಿಂತ 10 ಪಟ್ಟು ಹೆಚ್ಚು ಜನರು ಏಪ್ರಿಲ್ ತಿಂಗಳ ಹೊತ್ತಿಗೆ ಸರಿಸುಮಾರು ಅರ್ಧದಷ್ಟು ಜನರು ಸೋಂಕಿಗೆ ಒಳಗಾಗಿದ್ದರು.

ಇದನ್ನೂ ಓದಿ : ಜನವರಿ 31ರವರೆಗೆ ಅಂತಾರಾಷ್ಟ್ರೀಯ ವಿಮಾನಯಾನ ಸೇವೆಯ ಮೇಲೆ ನಿರ್ಬಂಧ ವಿಸ್ತರಣೆ

ಸೆರೋ ಸಮೀಕ್ಷೆ ವರದಿ?
ವುಹಾನ್ ಜೊತೆಗೆ ಶಾಂಘೈ, ಬೀಜಿಂಗ್, ಹುಬೈ, ಗುವಾಂಗ್ಡಾಂಗ್, ಜಿಯಾಂಗ್ಸು, ಸಿಚುವಾನ್ ಮತ್ತು ಲಿಯಾನಿಂಗ್ ಪ್ರಾಂತ್ಯಗಳಲ್ಲಿನ ಜನರ ಮೇಲೆ ಕರೋನಾವೈರಸ್ (Coronavirus) ಸೋಂಕಿನ ಪ್ರಮಾಣವನ್ನು ಅಂದಾಜು ಮಾಡಲು ಈ ಸಿರೊ ಸಮೀಕ್ಷೆಯನ್ನು ನಡೆಸಲಾಯಿತು. ಈ ಸಿರೊ ಸಮೀಕ್ಷೆಯಲ್ಲಿ 34,000 ಜನರನ್ನು ಸೇರಿಸಲಾಗಿದೆ. ವುಹಾನ್ ಹೊರಗೆ ಸೋಂಕಿನ ಪ್ರಮಾಣ ತುಂಬಾ ಕಡಿಮೆಯಾಗಿದೆ ಎಂದು ಕಂಡುಬಂದಿದೆ. ಹುಬೈ ಪ್ರಾಂತ್ಯದ ಶೇಕಡಾ 0.44 ರಷ್ಟು ಜನರಲ್ಲಿ ಕರೋನಾ ಪ್ರತಿಕಾಯಗಳು ಕಂಡುಬಂದಿವೆ. ಅದೇ ಸಮಯದಲ್ಲಿ ಇತರ 6 ನಗರಗಳಲ್ಲಿ 12 ಸಾವಿರ ಜನರಲ್ಲಿ ಕೇವಲ 2 ಜನರಲ್ಲಿ ಪ್ರತಿಕಾಯಗಳು ಕಂಡುಬಂದಿವೆ ಎಂದು ಸಮೀಕ್ಷೆ ಬಹಿರಂಗಪಡಿಸಿದೆ.

ಮತದಾನ ಆರಂಭಿಸಿದ ಪತ್ರಕರ್ತನ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ:
ಚೀನಾ ಕರೋನಾವೈರಸ್ ಗೆ ಸಂಬಂಧಿಸಿದಂತೆ ನೈಜ ಅಂಕಿ-ಅಂಶಗಳನ್ನು ಮರೆಮಾಚಿದೆ ಮತ್ತು ಇಡೀ ಜಗತ್ತಿಗೆ ಚೀನಾದ (China) ಸತ್ಯವನ್ನು ಹೇಳಲು ಪ್ರಯತ್ನಿಸಿದ ಚೀನಾದ ನಾಗರಿಕರನ್ನು ಚೀನಾ ಹಿಂಸಿಸಿ ಜೈಲಿಗೆ ಹಾಕಲಾಯಿತು. ಚೀನಾದ ಪತ್ರಕರ್ತ ಜಾಂಗ್ ಜಾನ್ ಅವರಿಗೂ ಕೂಡ ಚೀನಾ ಹೀಗೆಯೇ ತೊಂದರೆ ನೀಡಿದೆ ಎಂದು ಹೇಳಲಾಗುತ್ತಿದೆ. ಚೀನಾದ ಸಮೀಕ್ಷೆಯನ್ನು ಇಡೀ ಜಗತ್ತಿನ ಮುಂದೆ ತೆರೆಯಲು ಜಾಂಗ್ ಲೈವ್ ರಿಪೋರ್ಟಿಂಗ್ ಮಾಡಿದ್ದರು ಮತ್ತು ವುಹಾನ್ ನೈಜ ಕರೋನಾ ಅಂಕಿ-ಅಂಶಗಳನ್ನೂ ಮರೆಮಾಡಲು ಚೀನಾ ಪ್ರಯತ್ನಿಸುತ್ತಿದೆ ಎಂದು ಹೇಳಿದರು. ಇದೇ ಪ್ರಕರಣದಲ್ಲಿ ಚೀನಾದ ನಾಗರಿಕ ಪತ್ರಕರ್ತ ಜಾಂಗ್ ಜಾನ್ ಅವರಿಗೆ ಸೋಮವಾರ ನಾಲ್ಕು ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ.

ಇದನ್ನೂ ಓದಿ : Corona Newstrain : ನೈಟ್ ಕರ್ಫ್ಯು ಬೇಕು ಎಂದ ಅಶೋಕ್, ಬೇಡ ಎಂದ ಸುಧಾಕರ್, ಗೊಂದಲದಲ್ಲಿ ಸರ್ಕಾರ

ಈ ಕಾರಣದಿಂದಾಗಿ ಚೀನಾವು ಕರೋನಾ ಅಂಕಿ-ಅಂಶಗಳನ್ನು ಕಡಿಮೆ ತೋರಿಸಿದೆ:
ಕೋವಿಡ್ 19 (Covid 19) ಸಾಂಕ್ರಾಮಿಕಕ್ಕೆ ಸಂಬಂಧಿಸಿದಂತೆ ಚೀನಾ ಬಿಡುಗಡೆ ಮಾಡಿರುವ ದತ್ತಾಂಶದ ಮೇಲೆ ಇಡೀ ಜಗತ್ತು ಪ್ರಶ್ನಿಸಲು ಒಂದು ಪ್ರಮುಖ ಕಾರಣವೆಂದರೆ ಅಧಿಕೃತ ಪ್ರಕರಣಗಳಲ್ಲಿ ಚೀನಾದ ಲಕ್ಷಣರಹಿತ ಪ್ರಕರಣಗಳನ್ನು ಸೇರಿಸದಿರುವುದು. ಭಾರತ ಸೇರಿದಂತೆ ವಿಶ್ವದಾದ್ಯಂತದ ಅಧಿಕೃತ ವ್ಯಕ್ತಿಗಳಲ್ಲಿ ಅಸಿಟೋಮ್ಟಿಕ್ ಪ್ರಕರಣಗಳನ್ನು ಸಹ ಸೇರಿಸಲಾಗಿದೆ. ಇದಕ್ಕೆ ವಿರುದ್ಧವಾಗಿ ಚೀನಾವು ಕರೋನಾದ ರೋಗಲಕ್ಷಣಗಳನ್ನು ಹೊಂದಿರುವ ರೋಗಿಗಳನ್ನು ಮಾತ್ರ ಬಹಿರಂಗಪಡಿಸಿದೆ. ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗದ ಅಧಿಕೃತ ಮಾಹಿತಿಯ ಪ್ರಕಾರ ಬುಧವಾರದ ವೇಳೆಗೆ ಚೀನಾದಲ್ಲಿ ಒಟ್ಟು ಕರೋನಾವೈರಸ್ ಪ್ರಕರಣಗಳು 87,027 ಆಗಿದ್ದರೆ, 4,634 ಜನರು ಈ ವೈರಸ್‌ನಿಂದ ಸಾವನ್ನಪ್ಪಿದ್ದಾರೆ.

ಇದನ್ನೂ ಓದಿ : Coronavirus : ರೂಪಾಂತರಿತ ಕರೋನಾ ಎಫೆಕ್ಟ್ : ಜ.7 ರ ತನಕ ಭಾರತ ಬ್ರಿಟನ್ ನಡುವೆ ವಿಮಾನಯಾನ ರದ್ದು

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಆಪ್ ಡೌನ್ ಲೋಡ್ ಮಾಡಿ
Android Link - https://bit.ly/3hDyh4G
iOS Link - https://apple.co/3loQYe 

ನಮ್ಮ ಸೋಶಿಯಲ್ ಮೀಡಿಯಾ ಪುಟಕ್ಕೆ ಸಬ್ ಸ್ಕ್ರೈಬ್ ಮಾಡಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.