ವಾಷಿಂಗ್ಟನ್: ಯುಎಸ್ ಗಗನಯಾತ್ರಿಗಳಾದ ಕ್ರಿಸ್ಟಿನಾ ಕೋಚ್ ಮತ್ತು ಜೆಸ್ಸಿಕಾ ಮೀರ್ ಶುಕ್ರವಾರ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ (ಐಎಸ್ಎಸ್) ಪವರ್ ಕಂಟ್ರೋಲರೊಂದನ್ನು ಬದಲಾಯಿಸಲು ಭಾರತೀಯ ಕಾಲಮಾನ ಶುಕ್ರವಾರ ಸಂಜೆ 5:08 (11:38 ಜಿಎಂಟಿ)ಕ್ಕೆ ಬಾಹ್ಯಾಕಾಶ ನಿಲ್ದಾಣದ ಹೊರಗೆ ಕಾಲಿಡುವ ಮೂಲಕ ಬಾಹ್ಯಾಕಾಶ ನಡಿಗೆ ನಿರ್ವಹಿಸಿದ ಮೊದಲ ಮಹಿಳಾ ತಂಡವೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
LIVE NOW: During today’s #AllWomanSpacewalk, we have helmet camera views so that you can see what @Astro_Christina and @Astro_Jessica experience as they work outside of the @Space_Station. Tune in & ask questions using #AskNASA: https://t.co/2SIb9YXlRh
— NASA (@NASA) October 18, 2019
ಈ ಐತಿಹಾಸ ಕ್ಷಣಕ್ಕೆ ಕೆಲವು ನಿಮಿಷಗಳ ಮೊದಲು ವರದಿಗಾರರಿಗೆ ಕರೆ ಮಾಡಿದ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾದ ಆಡಳಿತಾಧಿಕಾರಿ ಜಿಮ್ ಬ್ರೈಡನ್‌ಸ್ಟೈನ್, ಈ ಘಟನೆಯ ಮಹತ್ವವನ್ನು ವಿವರಿಸಿದರು.
ಈ ಮಿಷನ್ ಮಾರ್ಚ್‌ನಲ್ಲೇ ನಡೆಯಬೇಕಿತ್ತು. ಆದರೆ ನಾಸಾದ ಬಳಿ ಗಗನಯಾತ್ರಿಗಳ ಮಧ್ಯಮ ಗಾತ್ರದ ಒಂದೇ ಸ್ಪೇಸ್ಸ್ಯೂಟ್ ಇದ್ದ ಕಾರಣ ಇದನ್ನು ಮುಂದೂಡಿತು. ಇನ್ನೊಂದು ಸ್ಪೇಸ್ ಸ್ಯೂಟನ್ನು ಈ ತಿಂಗಳು ಅಲ್ಲಿಗೆ ರವಾನಿಸಿದ್ದು, ಇದೀಗ ಇಬ್ಬರು ಮಹಿಳಾ ಗಗನ ಯಾತ್ರಿಗಳು ಸ್ಪೇಸ್ ವಾಕ್ ಆರಂಭಿಸಿದ್ದಾರೆ.
ಯು.ಎಸ್. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶುಕ್ರವಾರ ಮಧ್ಯಾಹ್ನ ವೀಡಿಯೊ ಕರೆ ಮೂಲಕ ಇಬ್ಬರು ಮಹಿಳೆಯರನ್ನು ಅಭಿನಂದಿಸಿ, ಅವರ ಧೈರ್ಯ ಮತ್ತು ಸೇವೆಗೆ ಧನ್ಯವಾದಗಳು. "ನಿಜವಾಗಿಯೂ ನಾವೀಗ ನಮ್ಮ ಕೆಲಸಗಳನ್ನು ಮಾಡುತ್ತಿದ್ದೇವೆ. ಇದು ಮೊದಲ ಹೆಜ್ಜೆ. ನಾಸಾದಲ್ಲಿ ವಾಸಸ್ಥಾನವನ್ನು ನಿರ್ಮಿಸುವ 2022 ರ ಕಾರ್ಯಾಚರಣೆಯ ಭಾಗವಾಗಿ ನಾಸಾ ಮಹಿಳೆಯನ್ನು ಚಂದ್ರನತ್ತ ಕಳುಹಿಸಲು ಯೋಜಿಸುತ್ತಿದೆ" ಎಂದು ಈ ಜೋಡಿಗೆ ತಿಳಿಸಿದರು.
ಶ್ವೇತಭವನದ ಕಾನ್ಫರೆನ್ಸ್ ಕೊಠಡಿಯಿಂದ ಉಪಾಧ್ಯಕ್ಷ ಮೈಕ್ ಪೆನ್ಸ್, ಅಧ್ಯಕ್ಷೀಯ ಸಲಹೆಗಾರರಾದ ಇವಾಂಕಾ ಟ್ರಂಪ್ ಮತ್ತು ನಾಸಾ ಆಡಳಿತಾಧಿಕಾರಿ ಜಿಮ್ ಬ್ರಿಡೆನ್‌ಸ್ಟೈನ್ ಅವರೊಂದಿಗೆ ಗಗನಯಾತ್ರಿಗಳಿಗೆ "ಇದು ನಿಜಕ್ಕೂ ಐತಿಹಾಸಿಕ" ಎಂದು ಹೇಳಿದರು.
ತಾನು ಮತ್ತು ಕೋಚ್ ಈ ಸಾಧನೆಗೆ ಹೆಚ್ಚಿನ ಮನ್ನಣೆ ಪಡೆಯಲು ಸಾಧ್ಯವಿಲ್ಲ ಎಂದು ಮೀರ್ ಹೇಳಿದರು. ಇತರ ಮಹಿಳೆಯರ "ದೀರ್ಘ ರೇಖೆ" ಯು ನಮಗೆ ಈ ದಾರಿ ತೋರಿಸಿದೆ ಎಂದರು.
