ಕರಾಚಿಯಲ್ಲಿ ವಿಮಾನ ಪತನಗೊಳ್ಳುವ ವೇಳೆ ನಡೆದ ಪೈಲೆಟ್ ನ ಮಾತುಕತೆ ಏನು ಗೊತ್ತೇ ?

ನವದೆಹಲಿ: ಕರಾಚಿಯಲ್ಲಿ ಇಳಿಯಲು ಪ್ರಯತ್ನಿಸುವಾಗ ಅಪಘಾತಕ್ಕೀಡಾದ ಪಾಕಿಸ್ತಾನ ಇಂಟರ್ನ್ಯಾಷನಲ್ ಏರ್ಲೈನ್ಸ್ (ಪಿಐಎ) ವಿಮಾನದ ಪೈಲಟ್ ಮತ್ತು ಏರ್ ಟ್ರಾಫಿಕ್ ಕಂಟ್ರೋಲರ್ ನಡುವಿನ ಸಂಭಾಷಣೆಯ ಅಂತಿಮ ಕ್ಷಣಗಳನ್ನು ಫ್ಲೈಟ್-ಟ್ರ್ಯಾಕಿಂಗ್ ವೆಬ್‌ಸೈಟ್‌ನಲ್ಲಿ ದಾಖಲಿಸಲಾಗಿದೆ.

ವಿಶ್ವಾದ್ಯಂತ ವಾಯುಯಾನ ವೀಕ್ಷಕರು ಬಳಸುವ ಪ್ರಸಿದ್ಧ ವೆಬ್‌ಸೈಟ್ - ಲೈವ್‌ಟಾಕ್.ನೆಟ್ ಪೋಸ್ಟ್ ಮಾಡಿದ ಆಡಿಯೊ ಕ್ಲಿಪ್‌ನಲ್ಲಿ, ಪಿಕೆ 8303 ವಿಮಾನದ ಪೈಲಟ್ ಅವರು ಎರಡೂ ಎಂಜಿನ್‌ಗಳನ್ನು ಕಳೆದುಕೊಂಡಿದ್ದಾರೆಂದು ಕೇಳಲಾಗುತ್ತದೆ ಮತ್ತು ನಂತರ "ಮೇಡೇ, ಮೇಡೇ, ಮೇಡೇ," ಎನ್ನುವ ಕೊನೆಯ ಸಂದೇಶ ದಾಖಲಾಗಿರುವುದು ಕಂಡು ಬರುತ್ತದೆ.

ವಾಯು ಸಂಚಾರ ನಿಯಂತ್ರಕನು 99 ಪ್ರಯಾಣಿಕರು ಮತ್ತು ಸಿಬ್ಬಂದಿಯೊಂದಿಗೆ ವಿಮಾನವನ್ನು ಮಾರ್ಗದರ್ಶನ ಮಾಡಲು ಪ್ರಯತ್ನಿಸುತ್ತಿದ್ದನು, ಆದರೆ ಕೊನೆಗೆ ಏರ್ಬಸ್ ಎ 320 ವಿಮಾನದಲ್ಲಿನ ಎರಡೂ ಎಂಜಿನ್ ಗಳನ್ನು ಕಳೆದುಕೊಂಡಿದ್ದೇನೆ ಎಂದು ಪೈಲಟ್ ಹೇಳುತ್ತಾರೆ.

ಸಂಭಾಷಣೆ ಹೀಗಿದೆ:

ಪೈಲಟ್: ಪಿಕೆ 8303 [ಗೆ] ಸಂಪರ್ಕ 

ಎಟಿಸಿ: ಹೌದು  ಸರ್

ಪೈಲಟ್: ನಾವು ಎಡಕ್ಕೆ ತಿರುಗಬೇಕೇ?

ಎಟಿಸಿ: ಹೌದು

ಪೈಲಟ್: ನಾವು ನೇರವಾಗಿ ಮುಂದುವರಿಯುತ್ತಿದ್ದೇವೆ, ನಾವು ಎರಡೂ ಎಂಜಿನ್‌ಗಳನ್ನು ಕಳೆದುಕೊಂಡಿದ್ದೇವೆ.

ಎಟಿಸಿ: ನೀವು ಬೆಲ್ಲಿ ಲ್ಯಾಂಡಿಂಗ್ ಮಾಡುತ್ತಿದ್ದೀರಿ ಎಂದು ಖಚಿತಪಡಿಸಬಹುದೇ?

ಪೈಲಟ್: (ಅಸ್ಪಷ್ಟ)

ಎಟಿಸಿ: 2 5 ಗೆ ಇಳಿಯಲು ರನ್ವೇ ಲಭ್ಯವಿದೆ

ಪೈಲಟ್: ರೋಜರ್

ಪೈಲಟ್: ಸರ್, ಮೇಡೇ, ಮೇಡೇ, ಮೇಡೇ, ಪಾಕಿಸ್ತಾನ 8303

ಎಟಿಸಿ: ಪಾಕಿಸ್ತಾನ 8303, ರೋಜರ್ ಸರ್. ಎರಡೂ ಮಾರ್ಗಗಳು ಲ್ಯಾಂಡಿಂಗ್ ಮಾಡಲು ಲಭ್ಯವಿದೆ.

ಅಲ್ಲಿಗೆ ಆಡಿಯೋ ಸ್ಥಗಿತಗೊಳ್ಳುತ್ತದೆ

ಸ್ವಲ್ಪ ಸಮಯದ ನಂತರ, ಪಿಐಎ ವಿಮಾನವು ಶುಕ್ರವಾರ ಕರಾಚಿಯ ವಸತಿ ಪ್ರದೇಶಕ್ಕೆ ಅಪ್ಪಳಿಸಿತು, ಅನೇಕರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.