COVID-19 ಲಸಿಕೆಗಳನ್ನು ತಯಾರಿಸುವ ಸ್ಪರ್ಧೆಯಲ್ಲಿ ವಿಶ್ವದ ಯಾವ ದೇಶ ಮುಂದಿದೆ?

ಇಡೀ ವಿಶ್ವದಲ್ಲಿ ಕರೋನವೈರಸ್ ಸೋಂಕು ಮತ್ತು ಸಾವಿನ ಅಂಕಿಅಂಶಗಳು ಪ್ರತಿದಿನ ಹೊಸ ದಾಖಲೆಯನ್ನು ಸೃಷ್ಟಿಸುತ್ತಿವೆ.

ನವದೆಹಲಿ: ವಿಶ್ವದ ಕರೋನವೈರಸ್ (Coronavirus) ಸೋಂಕು ಮತ್ತು ಸಾವಿನ ಅಂಕಿಅಂಶಗಳು ಪ್ರತಿದಿನ ಹೊಸ ದಾಖಲೆಯನ್ನು ಸೃಷ್ಟಿಸುತ್ತಿವೆ. ಅಂತಹ ಪರಿಸ್ಥಿತಿಯಲ್ಲಿ ಅದರ ಹರಡುವಿಕೆಯನ್ನು ತಡೆಯಲು ಸಾಧ್ಯವಿರುವ ಎಲ್ಲ ಪ್ರಯತ್ನಗಳ ಮಧ್ಯೆ ಲಸಿಕೆ ಯಾವಾಗ ಬರುತ್ತದೆ ಎಂದು ಇಡೀ ವಿಶ್ವವೇ ಕಾತುರದಿಂದ ಕಾಯುತ್ತಿದೆ. ವಿಶ್ವದ ಹಲವು ದೇಶಗಳು ಕೋವಿಡ್ -19 (COVID-19) ಲಸಿಕೆ ಅಭಿವೃದ್ಧಿಪಡಿಸುವ ಸ್ಪರ್ಧೆಯಲ್ಲಿವೆ. ಇವುಗಳಲ್ಲಿ ಯಾವುದು ಮೊದಲು ಎಲ್ಲಾ ಪರೀಕ್ಷೆಗಳನ್ನು ಪೂರ್ಣಗೊಳಿಸುತ್ತದೆ ಮತ್ತು ಈ ಕಾಯಿಲೆಯಿಂದ ಜಗತ್ತನ್ನು ಉಳಿಸಲು ಲಸಿಕೆ ತರುತ್ತದೆ ಎಂಬುದನ್ನು ಕಾದುನೋಡಬೇಕಿದೆ. 

ಆದರೆ ಲಸಿಕೆಗಳನ್ನು ತಯಾರಿಸಲು ಯಾವ ದೇಶವು ಯಾವ ಏನನ್ನು ಬಳಸುತ್ತಿದೆ ಮತ್ತು ಮಾನವ ಪ್ರಯೋಗಗಳು ಯಾವ ಹಂತವನ್ನು ತಲುಪಿದೆ ಎಂಬ ಸ್ಥಿತಿಯನ್ನು WHO ಬಿಡುಗಡೆ ಮಾಡಿದೆ. ಇದರಲ್ಲಿ ಭಾರತ ಸೇರಿದಂತೆ ವಿಶ್ವದ 4 ದೇಶಗಳು ಎರಡೆರಡು ಲಸಿಕೆ ಕ್ಯಾಂಡಿಡೇಟ್ (COVID-19 Vaccine Candidate) ಕೆಲಸ ಮಾಡುತ್ತಿವೆ.

ಯುಎಸ್ಎ (USA) - ಯುನೈಟೆಡ್ ಸ್ಟೇಟ್ಸ್ನ ಮಾಡರ್ನಾ ಇಂಕ್ ಕಂಪನಿಯು ಎಮ್ ಆರ್‌ಎನ್‌ಎ -1273 ಎಂಬ ಲಸಿಕೆ ತಯಾರಿಸುತ್ತಿದೆ. ಈ ಲಸಿಕೆ  ಆರ್‌ಎನ್‌ಎ ಪ್ಲಾಟ್ಫಾರ್ಮ್ನಲ್ಲಿ ಅಭಿವೃದ್ಧಿಗೊಳ್ಳುತ್ತಿದೆ, ಅವರ ಮಾನವ ಪ್ರಯೋಗವು ಮೂರನೇ ಹಂತದಲ್ಲಿದೆ.

ಅದೇ ಸಮಯದಲ್ಲಿ ಯುಎಸ್ಎ ಮೂಲದ ಫಿಜರ್, ಜರ್ಮನ್ ಕಂಪನಿ ಬಯೋನೋಟೆಕ್ ಸಹಯೋಗದೊಂದಿಗೆ ಬಿಎನ್ಟಿ -162 ಲಸಿಕೆಯನ್ನು ಅಭಿವೃದ್ಧಿಪಡಿಸುತ್ತಿದೆ. ಆರ್‌ಎನ್‌ಎ ಪ್ಲಾಟ್‌ಫಾರ್ಮ್‌ನಲ್ಲಿಯೇ ಅಭಿವೃದ್ಧಿ ಹೊಂದುತ್ತಿರುವ ಲಸಿಕೆ ಮಾನವ ಪ್ರಯೋಗಗಳ ಮೊದಲ ಮತ್ತು ಎರಡನೆಯ ಹಂತಕ್ಕೆ ಒಳಗಾಗಿದೆ ಮತ್ತು ಮೂರನೇ ಹಂತಕ್ಕೆ ಅನುಮೋದನೆಗಾಗಿ ಕಾಯುತ್ತಿದೆ.

ಯುಕೆ - ಯುಕೆಯಲ್ಲಿ ಸಹ ಎರಡು ಲಸಿಕೆಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಮೊದಲ ಲಸಿಕೆ ಅಭ್ಯರ್ಥಿ ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ AZD-1222. ಪುನರಾವರ್ತಿಸದ ವೈರಸ್ ಪ್ಲಾಟ್‌ಫಾರ್ಮ್‌ನಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ಈ ಲಸಿಕೆ ಇತ್ತೀಚೆಗೆ ಮಾನವ ಪ್ರಯೋಗದ ಮೊದಲ ಹಂತದ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಈಗ ಭಾರತದಲ್ಲಿ ವಿಚಾರಣೆಗೆ ಪರವಾನಗಿ ಪಡೆಯಲು ಕಾಯುತ್ತಿದೆ.

ಅದೇ ದೇಶದಲ್ಲಿ ಲಂಡನ್‌ನ ಇಂಪೀರಿಯಲ್ ಕೊಲಾಜ್‌ನ ಸೆಲ್ಫ್-ಆಂಪೈಯಿಂಗ್ ಆರ್‌ಎನ್‌ಎ ವ್ಯಾಸೈನ್ ಮಾನವ ಪ್ರಯೋಗಗಳ ಮೊದಲ ಹಂತದಲ್ಲಿದೆ. ಇದು ಆರ್‌ಎನ್‌ಎ ಪ್ಲಾಟ್‌ಫಾರ್ಮ್‌ನಲ್ಲಿ ಅಭಿವೃದ್ಧಿ ಹೊಂದುತ್ತಿದೆ.

ಭಾರತ - ಇಲ್ಲಿ ಮೊದಲನೆಯದಾಗಿ ಭಾರತ್ ಬಯೋಟೆಕ್‌ನ ಕೋವಾಕ್ಸಿನ್ (Covaxin) ಲಸಿಕೆ ಹಂತ -1 ಮತ್ತು 2 ರ ಮಾನವ ಪ್ರಯೋಗಗಳು ದೇಶಾದ್ಯಂತ ನಡೆಯುತ್ತಿವೆ. ಈ ಲಸಿಕೆಯ ಪ್ಲಾಟ್‌ಫಾರ್ಮ್‌ ನಿಷ್ಕ್ರಿಯ ವೈರಸ್ ಆಗಿದೆ. ಅದೇ ಸಮಯದಲ್ಲಿ ಎರಡನೇ ಲಸಿಕೆ ಜ್ಹೈಡಸ್ ಕ್ಯಾಡಿಲಾ ಕಂಪನಿಯ ಜೈಕೋವ್-ಡಿ. ಇದು ಮಾನವ ಪ್ರಯೋಗಗಳ ಮೊದಲ ಮತ್ತು ಎರಡನೇ ಹಂತದಲ್ಲಿದೆ. ಇದರ ಪ್ಲಾಟ್‌ಫಾರ್ಮ್‌ ಡಿಎನ್‌ಎ ಮತ್ತು ಪುನರ್ಸಂಯೋಜಕ ದಡಾರ ವೈರಸ್.

ಚೀನಾ (China) - ಕ್ಯಾನ್‌ಸಿನೊ ಬಯೋಲಾಜಿಕ್ಸ್ (CanSino Biologics) ಕಂಪನಿಯ ಎಡಿ 5-ಎನ್‌ಸಿಒವಿ ಲಸಿಕೆ ಟ್ರಯಲ್ ಮೂರನೇ ಹಂತವು ಇತ್ತೀಚೆಗೆ ಪ್ರಾರಂಭವಾಗಿದೆ. ಇದು ಪುನರಾವರ್ತಿಸದ ವೈರಸ್ ಪ್ಲಾಟ್‌ಫಾರ್ಮ್‌ನಲ್ಲಿ ಅಭಿವೃದ್ಧಿ ಹೊಂದುತ್ತಿದೆ.

ರಷ್ಯಾ - ರಷ್ಯಾದಲ್ಲಿಯೂ ಸಹ ಎರಡೆರಡು ವ್ಯಾಕ್ಸಿನ್ ಕ್ಯಾಂಡಿಡೇಟ್ ಕೆಲಸ ನಡೆಯುತ್ತಿದೆ. ಪ್ರಸ್ತುತ ಎರಡರ ಹೆಸರನ್ನು ಬಹಿರಂಗಪಡಿಸಲಾಗಿಲ್ಲ. ಮೊದಲನೆಯದಾಗಿ ಗಮಲೇಯ ಸಂಶೋಧನಾ ಸಂಸ್ಥೆಯಿಂದ ಲಸಿಕೆ ತಯಾರಿಸಲಾಗಿದ್ದು ಇದನ್ನು ಪ್ರತ್ಯೇಕ ಸ್ಟ್ರೈನ್ ಪ್ಲಾಟ್‌ಫಾರ್ಮ್‌ನಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಇದರ ಹಂತ -1 ಪೂರ್ಣಗೊಂಡಿದೆ. ಅದೇ ಸಮಯದಲ್ಲಿ ಸೈಬೀರಿಯನ್ ವೆಕ್ಟರ್ ಇನ್ಸ್ಟಿಟ್ಯೂಟ್ನ ಎರಡನೇ ಹಂತ -2 ಪ್ರಯೋಗ ಪ್ರಾರಂಭವಾಗಿದೆ.

ಆಸ್ಟ್ರೇಲಿಯಾ - ಸಿಡ್ನಿ ವಿಶ್ವವಿದ್ಯಾಲಯದ ಬಿಸಿಜಿ ಮತ್ತು ಇಲ್ಲಿನ ಶತಮಾನೋತ್ಸವ ಸಂಸ್ಥೆ ವ್ಯಾಸೈನ್ ಪ್ರಯೋಗದ ಎರಡನೇ ಮತ್ತು ಮೂರನೇ ಹಂತದಲ್ಲಿದೆ. ಇದರ ಪ್ಲಾಟ್‌ಫಾರ್ಮ್ ಲೈವ್ ಅಟೆನ್ಯುವೇಟೆಡ್ ವೈರಸ್ (ಎಲ್‌ಎವಿ).

ಕೆನಡಾ - ಇಲ್ಲಿ ಮೆಡಿಕಾಗೊ, ಜಿಎಸ್ಕೆ ಮತ್ತು ಡೈನಾವಾಕ್ಸ್ ಕಂಪನಿಗಳು ಒಟ್ಟಾಗಿ PLANT-BASED VACCINE ಅನ್ನು ತಯಾರಿಸುತ್ತಿವೆ, ಇದರ ಮಾನವ ಪ್ರಯೋಗಗಳು ಮೊದಲ ಹಂತದಲ್ಲಿವೆ. ಈ ಲಸಿಕೆಯನ್ನು ವೈರಸ್ ತರಹದ ಪಾರ್ಟಿಕಲ್ (ವಿಎಲ್‌ಪಿ) ಪ್ಲಾಟ್‌ಫಾರ್ಮ್‌ನಲ್ಲಿ ಮಾಡಲಾಗುತ್ತಿದೆ.