ന്യൂഡൽഹി: രാജ്യത്തെ തൊഴിലാളികൾ ഇടത്തരക്കാർ തുടങ്ങി നിരവധിപേർ പോസ്റ്റ് ഓഫീസ് പദ്ധതിയെ വളരെയധികം ഇഷ്ടപ്പെടുന്നവരാണ്. പോസ്റ്റ് ഓഫീസ് നിക്ഷേപത്തിൽ, നിങ്ങൾക്ക് സുരക്ഷിതമായ ഉറപ്പുള്ള വരുമാനം ലഭിക്കും.
നിക്ഷേപത്തിനായി നിരവധി സ്കീമുകളും ലഭ്യമാണ്. ചെറിയ തുകയെങ്കിലും . പോസ്റ്റ് ഓഫീസിൽ പ്രതിമാസം നിക്ഷേപിച്ചാൽ, ഏതാനും വർഷങ്ങൾക്കുള്ളിൽ നിങ്ങൾക്ക് ഉറപ്പായ വരുമാനം ലഭിക്കും. അത്തരം ഒന്നാണ് ആവർത്തന നിക്ഷേപം. ഇതിൽ 100 രൂപ മുതൽ നിക്ഷേപിക്കാം.
അടുത്തിടെയാണ് റിക്കറിങ്ങ് നിക്ഷേപങ്ങളുടെ പലിശ 6.2 ശതമാനത്തിൽ നിന്ന് 6.5 ശതമാനമായി സർക്കാർ ഉയർത്തിയത്. നിങ്ങൾ ആർഡി ആരംഭിക്കുന്ന തുക, കാലാവധി പൂർത്തിയാകുന്നതുവരെ എല്ലാ മാസവും നിക്ഷേപിക്കണം. 2,000, 3,000 അല്ലെങ്കിൽ 4,000 രൂപയിൽ നിങ്ങൾ ഒരു പ്രതിമാസ RD ആരംഭിക്കുകയാണെങ്കിൽ, കാലാവധി പൂർത്തിയാകുമ്പോൾ നിങ്ങൾക്ക് എത്ര തുക ലഭിക്കുമെന്ന് പരിശോധിക്കാം.
രണ്ടായിരം രൂപയിൽ നിന്ന് 1,41,983 രൂപ
നിങ്ങൾ പ്രതിമാസം 2,000 രൂപ ആർഡിയിൽ നിക്ഷേപിക്കുകയാണെങ്കിൽ, നിങ്ങൾക്ക് പ്രതിവർഷം 24,000 രൂപ നിക്ഷേപിക്കാൻ സാധിക്കും. നിങ്ങൾ 5 വർഷത്തേക്ക് നിക്ഷേപം നടത്തുകയാണെങ്കിൽ 1,20,000 രൂപ നിക്ഷേപിക്കാം. ഇതിന് നിങ്ങൾക്ക് 21,983 രൂപ പലിശ ലഭിക്കും, അതായത് കാലാവധി പൂർത്തിയാകുമ്പോൾ നിങ്ങൾക്ക് 1,41,983 രൂപ ലഭിക്കും.
3,000 രൂപയിൽ നിന്ന് 2,12,972 രൂപ
നിങ്ങൾ പ്രതിമാസം 3,000 രൂപ ആർഡിയിൽ നിക്ഷേപിക്കുകയാണെങ്കിൽ, പ്രതിവർഷം 36,000 രൂപ ആകെ നിക്ഷേപിക്കാം. 5 വർഷത്തെക്കാണെങ്കിൽ ഏകദേശം 1,80,000 രൂപ നിക്ഷേപം ഉണ്ടാകും. ഇതിന് 32,972 രൂപ പലിശ ലഭിക്കും, അതായത് കാലാവധി പൂർത്തിയാകുമ്പോൾ 2,12,971 രൂപ ലഭിക്കും.
4,000 രൂപയിൽ നിന്ന് 2,83,968 രൂപ
പ്രതിമാസം 4,000 രൂപ ആർഡിയിൽ നിക്ഷേപിക്കുകയാണെങ്കിൽ, പ്രതിവർഷം 48,000 രൂപ ആകെ ലഭിക്കും. 5 വർഷത്തേക്കാണെങ്കിൽ, ഏകദേശം 2,40,000 രൂപ ആകെ നിക്ഷേപിക്കാം. ഇതിന് നിങ്ങൾക്ക് 43,968 രൂപ പലിശ ലഭിക്കും, അതായത് കാലാവധി പൂർത്തിയാകുമ്പോൾ നിങ്ങൾക്ക് 2,83,968 രൂപ ലഭിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
