Hdfc New Fd: ഈ പ്ലാനിൽ ബാങ്കിലൊരു 1 ലക്ഷം എഫ്ഡി ഇട്ട് നോക്കൂ? മികച്ച ലാഭം

Hdfc Latest FD Schemes and Interest: ഈ രണ്ട് കാലയളവുകളിലെയും സ്ഥിര നിക്ഷേപങ്ങൾക്ക് ബാങ്ക് ഏഴ് ശതമാനത്തിലധികം പലിശയാണ് നൽകുന്നത്. ഇതോടൊപ്പം മുതിർന്ന പൗരന്മാർക്ക് നിക്ഷേപത്തിന് 0.50 ശതമാനം അധിക പലിശയും

രാജ്യത്തെ ഏറ്റവും വലിയ സ്വകാര്യ ബാങ്കുകളിലൊന്നായ എച്ച്‌ഡിഎഫ്‌സി രണ്ട് പ്രത്യേക സ്ഥിര നിക്ഷേപ പദ്ധതികൾ അടുത്തിടെ ഉപഭോക്താക്കൾക്കായി അവതരിപ്പിച്ചു. 35 മാസവും 55 മാസവും കാലാവധിയുള്ള രണ്ട് FD പ്ലാനുകളാണിത്. ഈ രണ്ട് കാലയളവുകളിലെയും സ്ഥിര നിക്ഷേപങ്ങൾക്ക് ബാങ്ക് ഏഴ് ശതമാനത്തിലധികം പലിശയാണ് നൽകുന്നത്. ഇതോടൊപ്പം മുതിർന്ന പൗരന്മാർക്ക് നിക്ഷേപത്തിന് 0.50 ശതമാനം അധിക പലിശയും ലഭിക്കും. 

പ്രത്യേക FD- പലിശ നിരക്ക്

2 വർഷം 11 മാസം കാലാവധിയുള്ള പ്രത്യേക സ്ഥിര നിക്ഷേപ പദ്ധതിയിൽ (35 മാസം) നിക്ഷേപിക്കുന്നവർക്ക് 7.20 ശതമാനം നിരക്കിൽ പലിശ ലഭിക്കും. അതേ സമയം, 4 വർഷവും 7 മാസവും കാലാവധിയുള്ള പ്രത്യേക എഫ്ഡികൾക്ക് (55 മാസം) 7.25 ശതമാനം നിരക്കിൽ ബാങ്ക് പലിശ വാഗ്ദാനം ചെയ്യുന്നു.

എച്ച്‌ഡിഎഫ്‌സി അവരുടെ സ്ഥിര നിക്ഷേപങ്ങൾക്ക് മൂന്ന് ശതമാനം മുതൽ 7.25 ശതമാനം വരെ പലിശ വാഗ്ദാനം ചെയ്യുന്നു. 10 വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് പരമാവധി 7.25 ശതമാനം പലിശ നിരക്കും ബാങ്ക് വാഗ്ദാനം ചെയ്യുന്നുണ്ട്.

FD പലിശ കണക്കുകൂട്ടുന്നത്

ബാങ്കിന്റെ വെബ്‌സൈറ്റ് അനുസരിച്ച്, നിലവിലെ പലിശ നിരക്ക് 2023 മെയ് 29 മുതലാണ്  നിലവിൽ വന്നത്. കുറച്ച് കാലം മുമ്പ് എച്ച്‌ഡിഎഫ്‌സി ബാങ്ക് ഒരു വർഷവും 15 മാസവും താഴെയുള്ള എഫ്‌ഡികളുടെ പലിശ നിരക്കിൽ മാറ്റം വരുത്തി 6.6 ശതമാനമാക്കിയിരുന്നു. സാധാരണ പൗരന്മാർക്ക് ബാങ്ക് രണ്ട് കോടിക്ക് മുകളിലുള്ള സ്ഥിരനിക്ഷേപത്തിന് 3% മുതൽ 7.10% വരെയാണ് പലിശ നൽകുന്നത്.

ഇനി ബാങ്ക് പലിശ കണക്കാക്കുന്നതാകട്ടെ ഒരു വർഷത്തിലെ യഥാർത്ഥ ദിവസങ്ങളുടെ എണ്ണത്തെ അടിസ്ഥാനമാക്കിയാണ്. നിക്ഷേപം അധിവർഷത്തിലാണെങ്കിൽ, ദിവസങ്ങളുടെ എണ്ണത്തെ അടിസ്ഥാനമാക്കി പലിശ കണക്കാക്കും. അതായത്, ഒരു അധിവർഷത്തിൽ 366 ദിവസവും അധിവർഷത്തിൽ 365 ദിവസവും ഉണ്ട്.

ഫിക്സഡ് റിപ്പോ നിരക്ക്

കഴിഞ്ഞ സാമ്പത്തിക വർഷത്തിൽ റിസർവ് ബാങ്ക് തുടർച്ചയായി റിപ്പോ നിരക്ക് ഉയർത്തിയിരുന്നു. ഇതിനുശേഷം ബാങ്കുകളും അവരുടെ എഫ്ഡി സ്കീമുകൾ ആകർഷകമാക്കാൻ പലിശനിരക്കുകളും വർദ്ധിപ്പിച്ചു. നടപ്പ് സാമ്പത്തിക വർഷത്തിൽ റിസർവ് ബാങ്ക് ഇതുവരെ റിപ്പോ നിരക്ക് ഉയർത്തിയിട്ടില്ല. മറ്റ് ബാങ്കുകൾക്ക് റിസർവ് ബാങ്ക് വായ്പ നൽകുന്ന നിരക്കാണ് റിപ്പോ നിരക്ക്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy