NEET Paper Leak Case: നീറ്റ് ചോദ്യ പേപ്പർ ചോർച്ച കേസ്; രണ്ട് പേർ കൂടി അറസ്റ്റിൽ

ഈ മാസമാദ്യം കേസിലെ മുഖ്യകണ്ണിയായ രാകേഷ് രഞ്ജനെ അറസ്റ്റ് ചെയ്തിരുന്നു. ബിഹാറിലെ നളന്ദയിൽ നിന്നായിരുന്നു സിബിഐ ഇയാളെ അറസ്റ്റ് ചെയ്തത്.

ന്യൂഡൽഹി: നീറ്റ് ചോദ്യ പേപ്പർ ചോർച്ച കേസിൽ രണ്ട് പേർ കൂടി അറസ്റ്റിൽ. പട്ന സ്വദേശി പങ്കജ് കുമാർ, ഹസാരിബാഗ് സ്വദേശി രാജു സിങ്ങ് എന്നിവരെയാണ് സിബിഐ അറസ്റ്റ് ചെയ്തത്. ചോദ്യപേപ്പർ എൻ ടി എയുടെ ട്രങ്ക് പെട്ടിയിൽ നിന്നും മോഷ്ടിച്ച കേസിലാണ് ഇവരെ പിടികൂടിയത്. ഈ മാസമാദ്യം കേസിലെ മുഖ്യകണ്ണിയായ രാകേഷ് രഞ്ജനെ ബിഹാറിലെ നളന്ദയിൽ നിന്ന് അറസ്റ്റ് ചെയ്തിരുന്നു.

Budget 2024: ബജറ്റിന് മുന്നോടിയായി ധനമന്ത്രിക്ക് മുൻപിൽ ഏഴ് ആവശ്യങ്ങളുന്നയിച്ച് കേന്ദ്ര സർക്കാർ ഉദ്യോ​ഗസ്ഥർ; ആവശ്യങ്ങൾ ഇങ്ങനെ

ന്യൂഡൽഹി: 2024ലെ കേന്ദ്ര ബജറ്റ് ധനമന്ത്രി നിർമല സീതാരാമൻ പാർലമെൻ്റിൽ അവതരിപ്പിക്കാൻ ഒരാഴ്ച മാത്രം ബാക്കിനിൽക്കെ, തങ്ങളുടെ ആവശ്യങ്ങൾ ഉന്നയിച്ച് സെൻട്രൽ ഗവൺമെൻ്റ് എംപ്ലോയീസ് ആൻഡ് വർക്കേഴ്സ് കോൺഫെഡറേഷൻ ധനമന്ത്രിക്ക് കത്ത് നൽകി. മൂന്ന് ആവശ്യങ്ങളാണ് കത്തിൽ പ്രധാനമായും ഉന്നയിച്ചിരിക്കുന്നത്.

എട്ടാം ശമ്പള കമ്മീഷൻ രൂപീകരിക്കുക, നാഷണൽ പെൻഷൻ സിസ്റ്റം (എൻപിഎസ്) റദ്ദാക്കുക, ഓൾഡ് പെൻഷൻ സ്കീം (ഒപിഎസ്) പുനഃസ്ഥാപിക്കുക എന്നിവയാണവ. കൂടാതെ ജീവനക്കാർക്കും പെൻഷൻകാർക്കും കോവിഡ് -19 പാൻഡെമിക് സമയത്ത് മരവിപ്പിച്ച 18 മാസത്തെ ഡിഎ, ഡിആർ എന്നിവ നൽകാനും കത്തിൽ ആവശ്യപ്പെടുന്നു.

കേന്ദ്ര സർക്കാർ ജീവനക്കാരുടെ മറ്റ് ആവശ്യങ്ങൾ

1. എട്ടാം കേന്ദ്ര ശമ്പള കമ്മീഷൻ ഉടൻ സ്ഥാപിക്കുക.

2. എൻപിഎസ് റദ്ദാക്കുക, ഒപിഎസ് പുനഃസ്ഥാപിക്കുക.

3. ജീവനക്കാർക്കും പെൻഷൻകാർക്കും കോവിഡ് -19 പാൻഡെമിക് സമയത്ത് മരവിപ്പിച്ച 18 മാസത്തെ ഡിഎ, ഡിആർ അനുവദിക്കുന്നതിന്, നിലവിൽ 15 വർഷത്തിന് പകരമായി 12 വർഷത്തിനുശേഷം പെൻഷൻ്റെ കമ്മ്യൂട്ടഡ് ഭാഗം പുനഃസ്ഥാപിക്കുക.

4. കാരുണ്യ നിയമനത്തിന് അഞ്ച് ശതമാനം എന്ന പരിധി നീക്കം ചെയ്യുക, മരണപ്പെട്ട ജീവനക്കാരൻ്റെ ആശ്രിതർക്ക് നിയമനം നൽകുക.

5. എല്ലാ വകുപ്പുകളിലെയും എല്ലാ കേഡറുകളുടെയും ഒഴിവുള്ള എല്ലാ തസ്തികകളും നികത്തുക, സർക്കാർ വകുപ്പുകളിലെ ഔട്ട്‌സോഴ്‌സിംഗ്, കോൺട്രാക്ട് എന്നിവ നിർത്തുക.

6. ജെസിഎം സ്കീം വ്യവസ്ഥകൾ അനുസരിച്ച് അസോസിയേഷൻ/ഫെഡറേഷനുകളുടെ ജനാധിപത്യപരമായ പ്രവർത്തനം ഉറപ്പാക്കുക.

7. കാഷ്വൽ, കരാർ തൊഴിലാളികളെയും ജിഡിഎസ് ജീവനക്കാരെയും സ്ഥിരപ്പെടുത്തുക, സ്വയംഭരണ സ്ഥാപനങ്ങളിലെ ജീവനക്കാർക്ക് സിജി ജീവനക്കാരുടേതിന് തുല്യമായ പദവി നൽകുക.