മോഷ്ടിച്ച വിളക്കുകൾ തിരികെ വെയ്ക്കാനെത്തി: സംഘം പോലീസ് പിടിയിൽ
ഇവർ സമാനമായ മറ്റ് കേസുകളിലും പ്രതിയാണെന്നാണ് സൂചന. ഇവരെക്കുറിച്ചുള്ള മറ്റ് വിവരങ്ങൾ പോലീസ് അന്വേഷിച്ച് വരികയാണ്.
 "മോഷ്ടിച്ച വിളക്കുകൾ തിരികെ വെയ്ക്കാനെത്തി: സംഘം പോലീസ് പിടിയിൽ")
Image Credit: facebook
About the Author
Trending
- News
- Photos
- Videos
കൊച്ചി: ക്ഷേത്രത്തില് നിന്നും മോഷ്ടിച്ച വിളക്കുകള് മടക്കി വയ്ക്കാനെത്തിയ സംഘത്തിനെ പോലീസ് പിടികൂടി. കൊച്ചിയിലാണ് സംഭവം.പൊന്നുരുന്നി ശ്രീനാരായണേശ്വരം ക്ഷേത്രത്തിലെ വിളക്കുകൾ തിരികെ വെയ്ക്കാനെത്തിയ സംഘമാണ് പോലീസ് പിടിയിലായത്. കഴിഞ്ഞ ഞായറാഴ്ചായായിരുന്നു സംഭവം. സി.സി ടീവി പരിശോധിച്ചിരുന്നെങ്കിലും സാങ്കേതിക പ്രശ്നങ്ങൾ മൂലം ദൃശ്യങ്ങളുണ്ടായിരുന്നില്ല. ഇതോടെ ക്ഷേത്രം കമ്മിറ്റിക്കാരും, പോലീസും ആശയക്കുഴപ്പത്തിലായി.
മോഷണം നടന്നതിന് തൊട്ടു പിന്നാലെ സി.സി ടീവി നന്നാക്കി. ഇതിനിടെയാണ് വെള്ളിയാഴ്ച പുലർച്ചെ 2.49-ന് വിളക്ക് മോഷ്ടിച്ചവർ തന്നെ അത് തിരികെ വെക്കാനെത്തിയത്. ഇത് കൃത്യമായി സി.സി ടിവിയിൾപ്പെട്ടതോടെ. പോലീസും കമ്മിറ്റിക്കാരും ചേർന്ന് അന്വേഷണം ആരംഭിച്ചു.ഇത് കേന്ദ്രീകരിച്ച് നടത്തിയ അന്വേഷണം കടവന്ത്രയില് (Kochi) താമസിക്കുന്ന ബംഗാള് സ്വദേശിയായ 15കാരനിലാണ് എത്തിയത്. തുടര്ന്ന് നടന്ന അന്വേഷണത്തിലാണ് മറ്റ് മൂന്ന് പേര് കൂടി പിടിയിലായത്.
ബംഗാള് (west Bengal) സ്വദേശികളായ സുല്ത്താന് അലി, ഈദുല് അലി, മുഹമ്മദ് നിജാന് എന്നിവരെയാണ് കടവന്ത്ര പോലീസ് അറസ്റ്റ് ചെയ്തത്. അതേസമയം ഇവർ സമാനമായ മറ്റ് കേസുകളിലും പ്രതിയാണെന്നാണ് സൂചന. ഇവരെക്കുറിച്ചുള്ള മറ്റ് വിവരങ്ങൾ പോലീസ് അന്വേഷിച്ച് വരികയാണ്.
വിളക്ക് കൂടാതെ മറ്റ് എന്തെങ്കിലും ക്ഷേത്രത്തിൽ നിന്ന് പോയിട്ടുണ്ടോ എന്ന് കൂടി പോലീസ് പരിശോധിക്കും. അന്യസംസ്ഥാന തൊഴിലാളികളുടെ ഇടയിൽ കുറ്റവാളികൾ വർധിക്കുന്നതിനാൽ പോലീസും ജാഗ്രതയിലാണ്. സ്ഥിരം കുറ്റകൃത്യങ്ങളിൽ പ്രതിയാകുന്നവരെ കണ്ടെത്താനും അന്വേഷണം ആരംഭിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
ios Link - https://apple.co/3hEw2hy
)