Herbal Teas: ആരോ​ഗ്യത്തിന് മികച്ച ഔഷധ ചായകൾ; അറിയാം ഔഷധ ചായയുടെ ആരോ​ഗ്യ ​ഗുണങ്ങൾ

Tulsi Tea: തുളസി ചായ കുടിക്കുന്നത് ചർമ്മം ആരോ​ഗ്യത്തോടെയിരിക്കാനും മുഖക്കുരു, പാടുകൾ എന്നിവ ഒഴിവാക്കാനും സഹായിക്കുന്നു.

ഔഷധസസ്യങ്ങളും സുഗന്ധദ്രവ്യങ്ങളും കൊണ്ട് നിർമ്മിച്ച ഹെർബൽ ടീകൾക്ക് നിരവധി ആരോ​ഗ്യ ​ഗുണങ്ങളുണ്ട്. ദഹനത്തെ മികച്ചതാക്കാനും ശരീരഭാരം കുറയ്ക്കാൻ സഹായിക്കുന്നതും ഉൾപ്പെടെ ഹെർബൽ ടീയ്ക്ക് നിരവധി ​​ഗുണങ്ങളുണ്ട്. ഭക്ഷണത്തിന് ശേഷം ഇഞ്ചി ചായ കുടിക്കുന്നത് നല്ലതാണ്. ഇത് ദഹനത്തിന് നല്ലതാണ്. കൂടാതെ ചുമ, ജലദോഷം എന്നിവയെ പ്രതിരോധിക്കാനും ഇഞ്ചി ചായ മികച്ചതാണ്. ഇതിന് ആന്റി-ഇൻഫ്ലമേറ്ററി ഗുണങ്ങളും ഉണ്ട്. മുഖക്കുരുവും മറ്റ് പാടുകളും ഇല്ലാതാക്കുന്നതിനും ഹെർബൽ ടീ മികച്ചതാണ്. മഞ്ഞുകാലത്ത് ഇഞ്ചി, ഏലക്ക, ഗ്രാമ്പൂ എന്നിവ ചായയിൽ ചേർത്താൽ ശരീരത്തിന് ചൂട് ലഭിക്കും. എന്നാൽ വേനൽക്കാലത്ത് പുതിനയില ചായ കുടിക്കുന്നതാണ് നല്ലത്. കാരണം, പുതിനയ്ക്ക് ശരീരത്തെ തണുപ്പിക്കാൻ സാധിക്കും. തുളസി ചായ കുടിക്കുന്നത് ചർമ്മം ആരോ​ഗ്യത്തോടെയിരിക്കാനും മുഖക്കുരു, പാടുകൾ എന്നിവ ഒഴിവാക്കാനും സഹായിക്കുന്നു. 

ഉയർന്ന ആന്റിഓക്‌സിഡന്റ് ഉള്ളടക്കം ഉള്ളതിനാൽ ഹെർബൽ ടീയും ഗ്രീൻ ടീയും കുടിക്കുന്നത് മറ്റേതൊരു പാനീയത്തേക്കാളും അഭികാമ്യമാണെന്ന് പറയപ്പെടുന്നു. ശക്തമായ പ്രകൃതിദത്ത ആന്റിഓക്‌സിഡന്റായ പോളിഫെനോൾസ് അവയിൽ അടങ്ങിയിട്ടുണ്ട്. ഇവ ആരോഗ്യപരമായ ഗുണങ്ങൾ മാത്രമല്ല, ചർമ്മത്തെയും മുടിയെയും മികച്ച ആരോ​ഗ്യത്തോടെയിരിക്കാനും സഹായിക്കുന്നു. ആന്റി ഓക്‌സിഡന്റുകൾ ചർമ്മകോശങ്ങളെ പോഷിപ്പിക്കുകയും ചർമ്മത്തിന്റെ കേടുപാടുകൾ തടയുകയും ചെയ്യുന്നു.

​ഗ്രീൻ ടീ കുടിക്കുന്നത് നിരവധി ആരോ​ഗ്യ​ഗുണങ്ങൾ നൽകുന്നു. ഇത് സൂര്യാഘാതത്തിൽ ചർമ്മത്തെ സംരക്ഷിക്കുന്നു. ഫ്രീ റാഡിക്കലുകളെ ചെറുക്കുന്ന ആന്റിഓക്‌സിഡന്റ് ​ഗ്രീൻ ടീയിൽ അടങ്ങിയിട്ടുണ്ട്. ഇത് ചർമ്മത്തിലെ ചുളിവുകൾ കുറയ്ക്കുകയും മൃതകോശങ്ങളെ പുനരുജ്ജീവിപ്പിക്കുകയും പുതിയ ആരോഗ്യമുള്ള കോശങ്ങളെ പ്രോത്സാഹിപ്പിക്കുകയും ചെയ്യുന്നു. ആരോഗ്യമുള്ള ചർമ്മം നിലനിർത്തുന്നതിനുള്ള മികച്ച മാർ​ഗമാണ് ​ഗ്രീൻ ടീ. ചമോമൈൽ ചായയും നിരവധി ആരോ​ഗ്യ​ഗുണങ്ങൾ നൽകുന്നതാണ്.

മുഖക്കുരു, മുടികൊഴിച്ചിൽ തുടങ്ങിയ സമ്മർദ്ദ സംബന്ധമായ അവസ്ഥകളിൽ നിന്ന് ചമോമൈൽ ചായ ചർമ്മത്തെ സംരക്ഷിക്കുന്നു. ജാസ്മിൻ ചായയ്ക്ക് മികച്ച പുനരുജ്ജീവന ഫലമുണ്ട്. ഇത് ചർമ്മത്തെ പുനരുജ്ജീവിപ്പിക്കുമെന്ന് പറയപ്പെടുന്നു, കാരണം ഇത് പിഗ്മെന്റേഷൻ നീക്കം ചെയ്യുകയും നേർത്ത വരകളും ചുളിവുകളും കുറയ്ക്കുകയും ചെയ്യുന്നു. ജാസ്മിൻ ടീ ചർമ്മത്തെ ഈർപ്പമുള്ളതാക്കുകയും ചർമ്മത്തിന്റെ പ്രായമാകൽ പ്രക്രിയകളെ വൈകിപ്പിക്കുകയും ചെയ്യുന്നു. റോസ് ടീ മുടിയ്ക്കും ചർമ്മത്തിനും വളരെ നല്ലതാണെന്നും പറയപ്പെടുന്നു.

ആന്റിഓക്‌സിഡന്റുകളാൽ സമ്പന്നമായ റോസ് ടീയെ നാച്ചുറൽ റെറ്റിനോൾ എന്നും വിളിക്കുന്നു, കാരണം ഇത് നിങ്ങളുടെ ചർമ്മത്തിലെ ചുളിവുകൾ, നേർത്ത വരകൾ, തുടങ്ങിയ അകാല വാർധക്യത്തിന്റെ ലക്ഷണങ്ങളെ ചെറുക്കാൻ സഹായിക്കും. കൂടാതെ, ഇതിൽ വിറ്റാമിനുകൾ എ, ബി 3, സി, ഇ എന്നിവ അടങ്ങിയിട്ടുണ്ട്, ഇത് മുടിയുടെ വളർച്ചയെ ഉത്തേജിപ്പിക്കാനും തലയോട്ടിയെ ആരോഗ്യമുള്ളതാക്കാനും സഹായിക്കുന്നു. കറുവപ്പട്ട, ഗ്രാമ്പൂ, ജീരകം, കുരുമുളക്, ഏലം, പെരുംജീരകം, ജാതിക്ക തുടങ്ങിയവ ഉപയോ​ഗിച്ചുണ്ടാക്കുന്ന മസാല ചായയും ശരീരത്തിന് മികച്ചതാണ്.

സുഗന്ധവ്യഞ്ജനങ്ങൾ യഥാർത്ഥത്തിൽ ഔഷധ സസ്യങ്ങളാണ്, ഭക്ഷ്യവസ്തുക്കളുടെ ഗുണങ്ങൾ നിലനിർത്തുന്നതിനും അവയുടെ പ്രതികൂല ഫലങ്ങൾ കുറയ്ക്കുന്നതിനും ദഹനത്തെ സഹായിക്കുന്നതിനും സു​ഗന്ധവ്യഞ്ജനങ്ങൾ ഭക്ഷണങ്ങളിൽ ഉപയോഗിക്കുന്നു. ഉദാഹരണത്തിന്, കുരുമുളക്, ചുമ, ജലദോഷം, ശ്വാസതടസ്സം എന്നിവയെ പ്രതിരോധിക്കും. എന്നിരുന്നാലും, ഇത് ശുപാർശ ചെയ്യുന്ന അളവുകളിലും കോമ്പിനേഷനുകളിലും ഉപയോഗിക്കണം.

നിങ്ങൾ ചായയിൽ ഉപയോഗിക്കുന്ന ചേരുവകൾ ശരീരഭാരം കുറയ്ക്കാനും സഹായിക്കും. ഇഞ്ചി, നെല്ലിക്ക, ബാർലി, റോസ് തുടങ്ങിയവ ചേർത്ത് ചായ ഉണ്ടാക്കാം. ഈ ചേരുവകളിൽ പലതും ഉപാപചയത്തെ സ്വാധീനിക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു. ടോക്‌സിനുകൾ നീക്കം ചെയ്യുന്നതിനും രോഗപ്രതിരോധ ശേഷി ശക്തിപ്പെടുത്തുന്നതിനും ഇവ സഹായിക്കുന്നു. ഹെർബൽ ടീയുടെ സഹായത്തോടെ, നമ്മുടെ ആധുനിക ജീവിതശൈലിയിലേക്ക് പുരാതന ആയുർവേദ സമ്പ്രദായം കൊണ്ടുവരാൻ കഴിയും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy