ക്രോണിക് ഒബ്‌സ്ട്രക്റ്റീവ് പൾമണറി ഡിസീസ് (സിഒപിഡി), ശ്വാസനാളത്തെ ബാധിക്കുന്ന ഒരു വലിയ ആരോഗ്യപ്രശ്നമാണ്. ഇത് പലപ്പോഴും ചികിത്സിച്ച് മാറ്റാൻ സാധിക്കാത്ത രോഗാവസ്ഥയാണ്. മറ്റ് ആസ്ത്മയിൽ നിന്ന് വ്യത്യസ്തമായി, ഇത് സാധാരണയായി റിവേഴ്‌സിബിൾ എയർവേ തടസ്സപ്പെടുത്തുന്ന രോഗമാണ്. അടുത്ത കാലത്തായി, കാലാവസ്ഥയിലെ പെട്ടെന്നുള്ള വ്യതിയാനങ്ങളും വർധിച്ചുവരുന്ന മലിനീകരണവും കാരണം ശ്വാസകോശ സംബന്ധമായ പ്രശ്നങ്ങൾ നിരന്തരം വർദ്ധിച്ചുകൊണ്ടിരിക്കുകയാണ്. ആസ്ത്മ, സിഒപിഡി തുടങ്ങിയ വിട്ടുമാറാത്ത ശ്വാസകോശ സംബന്ധമായ അസുഖങ്ങൾ ഇപ്പോൾ കുട്ടികൾ ഉൾപ്പെടെ എല്ലാ പ്രായത്തിലുമുള്ള ആളുകൾക്കിടയിൽ കൂടുതലായി കണ്ടുവരുന്നുണ്ട്. കുട്ടികളുൾപ്പെടെ എല്ലാ പ്രായക്കാരെയും ആസ്ത്മ ബാധിക്കുന്നുണ്ട്. അതേസമയം സിഒപിഡി പ്രായമായവരെ ബാധിക്കുന്നു. സ്ത്രീകളിലും പുരുഷന്മാരിലും സിഒപിഡി ബാധിക്കുന്നുണ്ട്. പുകവലിക്കാരിലും പുകവലിക്കാത്തവരിലും സിഒപിഡി ഉണ്ടാകാനുള്ള സാധ്യതയുണ്ട്. ഒരു വ്യക്തിക്ക് സിഒപിഡി ഉണ്ടാകാനുള്ള സാധ്യത വർധിപ്പിക്കുന്നതിൽ താപനില എന്ത് പങ്കാണ് വഹിക്കുന്നതെന്ന് പൂനെയിലെ മണിപ്പാൽ ഹോസ്പിറ്റൽസ് ഇന്റേണൽ മെഡിസിൻ കൺസൾട്ടന്റ് ഡോ. സുരുചി മന്ദ്രേക്കർ വ്യക്തമാക്കുന്നു.
സിഒപിഡി നിങ്ങളുടെ അവയവങ്ങളെ എങ്ങനെ ബാധിക്കുന്നു
സിഒപിഡി വായുപ്രവാഹത്തിൽ തടസ്സം സൃഷ്ടിക്കുന്നു. ഇത് ഭാഗികമായി പഴയപടിയാക്കാനാകാത്തവിധം ശ്വാസകോശത്തിലെ ശ്വാസനാളത്തിലെ തടസ്സമോ ശ്വസിക്കാൻ പ്രയാസമുണ്ടാക്കുന്നു. വിട്ടുമാറാത്ത ചുമ സിഒപിഡിയുടെ ലക്ഷണമാണ്. സിഒപിഡി ഹൃദയം, വൃക്ക, പേശികൾ എന്നിവയുടെ ആരോഗ്യത്തെ ബാധിക്കുന്നു. സിഒപിഡി ഇന്ത്യൻ ജനതയെ വൻതോതിൽ ബാധിക്കുന്നുണ്ട്. 30 ദശലക്ഷത്തിലധികം ആളുകൾ ഈ രോഗത്താൽ കഷ്ടപ്പെടുന്നു. ഇന്ത്യയിൽ സാംക്രമികേതര രോഗങ്ങളുടെ രോഗാവസ്ഥയ്ക്കും മരണനിരക്കും പ്രധാന കാരണമാണിത്.
പുകവലി (സജീവവും നിഷ്ക്രിയവുമായ പുകവലി), വീടിനകത്തും പുറത്തുമുള്ള വായു മലിനീകരണം, തൊഴിൽപരമായ എക്സ്പോഷർ എന്നിവയെല്ലാം സിഒപിഡി ബാധിക്കുന്നതിനുള്ള കാരണങ്ങളാണ്. കാലാവസ്ഥയിലെ മാറ്റം, വിഷ പദാർത്ഥങ്ങളുമായുള്ള സമ്പർക്കം എന്നിവ സിഒപിഡിയുടെ ഇതിനകം ഉള്ള അവസ്ഥകളെ വർധിപ്പിക്കും. ശ്വാസകോശത്തിലെ വായുസഞ്ചികളുടെ നില സാവധാനത്തിൽ വഷളാകുകയും വായുപ്രവാഹത്തെ തടസ്സപ്പെടുത്തുകയും ചെയ്യുന്ന എംഫിസീമ, ബ്രോങ്കിയൻ ട്യൂബുകൾ വീർക്കുകയും ഇടുങ്ങിയതാകുകയും ചെയ്യുന്ന ക്രോണിക് ബ്രോങ്കൈറ്റിസ്, എംഫിസീമ എന്നിവയാണ് സിഒപിഡിയുടെ അപകടാവസ്ഥകൾ.
ALSO READ: World COPD Day 2022: ശ്വാസകോശ രോഗങ്ങൾ തടയാൻ സാധിക്കില്ല, എന്നാൽ വായു മലിനീകരണം തടയാം
എങ്ങനെയാണ് താപനില സിഒപിഡി അപകടസാധ്യത വർദ്ധിപ്പിക്കുന്നത്?
സിഒപിഡി ഉള്ള വ്യക്തികൾക്ക് തണുത്ത കാലാവസ്ഥയിൽ ആരോഗ്യം കൂടുതൽ മോശമാകും. സിഒപിഡി ഉള്ള വ്യക്തികളിൽ തണുത്ത താപനില ശ്വസന ആരോഗ്യത്തെ ബാധിക്കുമെന്ന് വ്യക്തമാണ്. തണുത്ത-ഉണങ്ങിയതോ ചൂടുള്ളതോ ആയ വായു സമ്പർക്കം സിഒപിഡി വർധിക്കുന്നതിന് കാരണമാകുമെന്ന് അറിയപ്പെടുന്നു. ഇത് ശ്വാസതടസ്സത്തിനും കാരണമാകുന്നു. 0 ഡിഗ്രിയിൽ താഴെയോ 90 ഡിഗ്രിക്ക് മുകളിലോ ഉള്ള കാലാവസ്ഥ അപകടകരമാണ്. കാറ്റ്, ഈർപ്പം തുടങ്ങിയ മറ്റ് ഘടകങ്ങൾ ശ്വാസകോശത്തിന്റെയും തൊണ്ടയിലെയും അസ്വസ്ഥതകളുടെ വർധനവിന് കാരണമാകുന്നു.
സാധാരണ ജലദോഷവും പനിയും അണുബാധകളും ശൈത്യകാലത്ത് കുതിച്ചുയരുന്നു. ഇത് ആരോഗ്യമുള്ള ആളുകൾക്ക് കൈകാര്യം ചെയ്യാൻ കഴിയും. എന്നാൽ സിഒപിഡി ഉള്ള ആളുകളെ പ്രതികൂലമായി ബാധിക്കുന്നു. ഇത് ദീർഘകാല ശ്വാസകോശ രോഗങ്ങളിലേക്ക് നയിക്കുന്നു. സിഒപിഡി രോഗികൾക്ക് അത്തരം അണുബാധകൾ പിടിപെടാനുള്ള സാധ്യത കൂടുതലാണ്. അവയിൽ നിന്ന് സുഖം പ്രാപിക്കാൻ കൂടുതൽ സമയമെടുക്കും. ശക്തമായ കാറ്റും തണുത്ത കാലാവസ്ഥയും വേനൽക്കാല കാലാവസ്ഥയെ അപേക്ഷിച്ച് കടുത്ത ചുമയ്ക്കും ശ്വാസതടസ്സത്തിനും കാരണമാകുന്നു. സിഒപിഡിയുടെ നിലവിലുള്ള ഘടകങ്ങളും വർദ്ധിച്ചുവരുന്ന വായു മലിനീകരണവും വരാനിരിക്കുന്ന ശൈത്യകാലവും പോലുള്ള പുതിയ ഘടകങ്ങളുടെ വരവോടെ, സിഒപിഡി രോഗികൾക്ക് രോഗം നിയന്ത്രിക്കുന്നത് വളരെ ബുദ്ധിമുട്ടാണ്.
രോഗലക്ഷണങ്ങൾ വഷളാകുന്നത് തടയാൻ സാധാരണ അണുബാധകൾക്കെതിരെ പ്രതിരോധശേഷി വർധിപ്പിക്കുന്നതിന് ഒരു ഡോക്ടറുമായി കൂടിയാലോചിച്ച ശേഷം ഫ്ലൂ ഷോട്ട് എടുക്കുക. ഇടയ്ക്കിടെ കൈകൾ കഴുകുകയും പുറത്ത് പോകുമ്പോൾ മാസ്ക് ധരിക്കുകയും ചെയ്യുക. വ്യക്തി ശുചിത്വം പാലിക്കേണ്ടത് വളരെ പ്രധാനമാണ്. ശരീര ഊഷ്മാവ് നിലനിർത്താൻ ചൂടുള്ള വസ്ത്രം ധരിക്കുക. വായു മലിനീകരണവും തണുത്ത കാലാവസ്ഥയുമായി നേരിട്ടുള്ള സമ്പർക്കം ഒഴിവാക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
