ശരീരഭാരം കുറയ്ക്കാനുള്ള പാചകക്കുറിപ്പുകൾ നിരവധി കാണാറുണ്ട്. എന്നാൽ, ശരീരഭാരം കുറയ്ക്കാനുള്ള വഴി നിങ്ങളുടെ അടുക്കള ഷെൽഫിൽ തന്നെയുണ്ടെന്ന് പറഞ്ഞാൽ അത്ഭുതമായിരിക്കും. ലോകമെമ്പാടുമുള്ള മിക്കവാറും എല്ലാ വിഭവങ്ങളിലും ഉപയോഗിക്കുന്ന വളരെ സാധാരണമായ സുഗന്ധവ്യഞ്ജനങ്ങളിൽ ഒന്നാണ് മഞ്ഞൾ. എന്നാൽ മഞ്ഞൾ ഒരു മസാല എന്നതിലുപരി, ശരീരഭാരം കുറയ്ക്കാൻ സഹായിക്കുന്നതുൾപ്പെടെ ചില അത്ഭുതകരമായ ആരോഗ്യ ഗുണങ്ങളുമുള്ളതാണ്.
മഞ്ഞളിൽ കുർക്കുമിൻ ധാരാളമായി അടങ്ങിയിട്ടുണ്ട്, ഇത് ഫലപ്രദമായി ശരീരഭാരം കുറയ്ക്കാൻ സഹായിക്കുന്നു. മഞ്ഞ നിറത്തിലുള്ള സസ്യാധിഷ്ഠിത പോളിഫെനോൾ ആയ ഈ കുർക്കുമിൻ ആന്റിഓക്‌സിഡന്റുകളുടെ ഉറവിടവും വിരുദ്ധ ബാഹ്യാവിഷ്ക്കാര ഗുണങ്ങളുമുള്ളതാണ്. ശരീരഭാരം കുറയ്ക്കാൻ മഞ്ഞൾ ഉപയോഗിച്ച് പരീക്ഷിക്കാവുന്ന ചില വഴികൾ ഇതാണ്.
ALSO READ: Stress: അമിത സമ്മർദ്ദം തലച്ചോറിനെ നശിപ്പിക്കും; അറി‍ഞ്ഞിരിക്കണം ഇക്കാര്യങ്ങൾ
തേൻ ചേർത്ത മഞ്ഞൾ ചായ: മഞ്ഞൾ ചായയിൽ തേൻ ചേർത്ത് കഴിക്കുന്നത് ശരീരഭാരം കുറയ്ക്കാനുള്ള മികച്ച പാനീയമാണ്. തേൻ വിശപ്പ് കുറയ്ക്കാൻ സഹായിക്കും. കൂടാതെ ഫലപ്രദമായ രീതിയിൽ ശരീരഭാരം കുറയ്ക്കാൻ സഹായിക്കുന്ന വിരുദ്ധ ബാഹ്യാവിഷ്ക്കാര ഗുണങ്ങളും തേനിനുണ്ട്.
കറുവപ്പട്ട ചേർത്ത മഞ്ഞൾ ചായ: ശരീരഭാരം കുറയ്ക്കാൻ കറുവപ്പട്ട മികച്ചതാണ്. മഞ്ഞൾ ചായയിൽ കുറച്ച് കറുവപ്പട്ട ചേർത്ത് കഴിക്കുന്നത് ശരീരഭാരം കുറയ്ക്കാൻ കൂടുതൽ ഗുണം ചെയ്യും.
ഇഞ്ചി ചേർത്ത മഞ്ഞൾ ചായ: ആന്റിഓക്‌സിഡന്റുകളുടെയും ഔഷധസസ്യങ്ങളുടെയും വലിയ സ്രോതസ്സായ ഇഞ്ചി, ശരീരഭാരം കുറയ്ക്കാൻ മികച്ചതാണ്. ചതച്ച ഇഞ്ചി ചേർത്ത് വെള്ളം തിളപ്പിക്കുക. പിന്നീട് ഇതിലേക്ക് അൽപം മഞ്ഞൾ ചേർത്ത് കുറച്ച് കുറച്ച് നേരം വയ്ക്കുക. ഈ പാനീയം അരിച്ചെടുത്ത് കുടിക്കാവുന്നതാണ്. ഇത് ദിവസവും കുടിക്കുന്നത് ശരീരഭാരം കുറയ്ക്കാൻ സഹായിക്കും. ഇഞ്ചി വിശപ്പിനെ കുറയ്ക്കാൻ സഹായിക്കുന്നതാണ്.
ഭക്ഷണങ്ങളിൽ മഞ്ഞൾ ചേർക്കുക: ഭക്ഷണവിഭവങ്ങളിൽ അൽപം മഞ്ഞൾ ചേർക്കുന്നത് നല്ലതാണ്. മഞ്ഞളിന് ആൻറി-ഇൻഫ്ലമേറ്ററി ഗുണങ്ങളുണ്ട്. ഇത് ഏത് വിഭവത്തിലും ചേർക്കാൻ അനുയോജ്യമാണ്.
മഞ്ഞൾ പാൽ: പാലിൽ അൽപം മഞ്ഞൾ ചേർത്ത് കഴിക്കുന്നത് ശരീരഭാരം കുറയ്ക്കാനും മൊത്തത്തിലുള്ള ആരോഗ്യത്തിനും മികച്ചതാണ്. ഇത് ജലദോഷത്തിനും ചുമയ്ക്കും എതിരെ നിങ്ങളുടെ പ്രതിരോധശേഷി ശക്തിപ്പെടുത്തും. രാത്രി ഉറങ്ങാൻ കിടക്കുന്നതിന് മുൻപ് ഒരു ഗ്ലാസ് മഞ്ഞൾ പാൽ കുടിക്കുന്നത് കൂടുതൽ ഗുണം ചെയ്യും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
