ന്യൂഡല്‍ഹി: ഡല്‍ഹിയില്‍ ദൂരദര്‍ശന്‍ കേന്ദ്രത്തില്‍ തീപിടിത്തം. ഉച്ചക്ക് 12.20നാണ് സംഭവം. കോപ്പര്‍നിക്കസ് മാര്‍ഗില്‍ സ്ഥിതി ചെയ്യുന്ന ദൂരദര്‍ശന്‍റെ പ്രധാന കേന്ദ്രത്തിലെ എ സി പ്ലാന്റിലാണ് അഗ്നിബാധയുണ്ടായത്.
വൈകാതെ കെട്ടിടത്തിനുള്ളില്‍ മുഴുവന്‍ പുക നിറഞ്ഞു. അര മണിക്കൂര്‍ നീണ്ട പരിശ്രമത്തിനൊടുവില്‍ തീയണയ്ക്കാനായെന്ന്‌ അഗ്നിശമനസേനാ ജീവനക്കാര്‍ പറഞ്ഞു.
ആര്‍ക്കും അപകടമില്ല. ഷോര്‍ട്ട് സര്‍ക്യൂട്ടാണ്‌ അപകട കാരണമെന്നാണ് നിഗമനം.
