കൊൽക്കത്ത: ആമസോണിൽ ഓർഡർ ചെയ്ത കമ്യൂണിസ്റ്റ് മാനിഫെസ്റ്റോയ്ക്ക് പകരം ലഭിച്ചത് ഭഗവത് ഗീതയുടെ സംക്ഷിപ്ത രൂപം. കൊൽക്കത്ത സ്വദേശിയായ സുദീർത്ഥ ദാസ് ഓർഡർ ചെയ്തതാണ് കമ്യൂണിസ്റ്റ് മാനിഫെസ്റ്റോ.
Also read: എയർ ഇന്ത്യാ വിമാനത്തിൽ വെച്ച് യാത്രക്കാരൻ മരിച്ചു... !
ദാസ് ബുധനാഴ്ചയാണ് ആമസോണിലൂടെ കമ്യൂണിസ്റ്റ് മാനിഫെസ്റ്റോ ഓർഡർ ചെയ്തത്. ഓർഡർ ചെയ്ത ഉടനെതന്നെ ബുക്കിങ് സ്ഥിരീകരിച്ചു കൊണ്ടുള്ള മെസേജും അദ്ദേഹത്തിന് ലഭിച്ചിരുന്നു. മാത്രമല്ല ബുക്ക് ഇന്ന് കിട്ടും എന്നും അവർ അറിയിച്ചിരുന്നു.
ശനിയാഴ്ച ദാസിനെ ഒരു സ്ത്രീ വിളിക്കുകയും അച്ചത് തെറ്റായ പുസ്തകമാണെന്നും അതുകൊണ്ട് പാക്കേജ് നിരസിക്കണമെന്ന് അറിയിച്ചുവെങ്കിലും അയാൾ ആ സമയം ഓഫീസിൽ ആയിരുന്നതുകൊണ്ട് പാക്കേജ് റദ്ദാക്കാൻ കഴിഞ്ഞിരുന്നില്ല. വീട്ടിലെത്തിയ ദാസ് പാക്കറ്റ് തുറന്നപ്പോഴാണ് കമ്യൂണിസ്റ്റ് മാനിഫെസ്റ്റോയ്ക്ക് പകരം ലഭിച്ചത് ഭഗവത് ഗീതയാണെന്ന് കണ്ടത്.
Also read: viral video: തൂവെള്ള നിറത്തിലെ പീലി വിടർത്തിയാടുന്ന മയിൽ...
ഓർഡറുകളിൽ തെറ്റുകൾ സംഭവിക്കുന്നത് സ്വാഭാവികമാണെങ്കിലും കമ്യൂണിസ്റ്റ് മാനിഫെസ്റ്റോയ്ക്ക് പകരം ഭഗവത് ഗീത ലഭിക്കുക എന്നത് ഒരു അസ്വാഭാവികമാണ് അല്ലെ. ഇത്തരമൊരു സംഭവം ആദ്യമായാണ്. ഇക്കാര്യങ്ങൾ ദാസ് ഫെയ്സ്ബുക്കിലും പോസ്റ്റ് ചെയ്തിരുന്നു.
