ചത്തീസ്ഗഢ്: ചത്തീസ്ഗഢിലെ കാൻഗറിൽ സ്ഫോടക വസ്തു പൊട്ടിത്തെറിച്ച് രണ്ട് സൈനികർക്ക് പരിക്കേറ്റു. മാവോയിസ്റ്റുകൾ സ്ഥാപിച്ച പ്രഷർ ഇംപ്രവൈസ്ഡ് എക്‌സ്‌പ്ലോസീവ് ഉപകരണം (ഐഇഡി) പൊട്ടിത്തെറിച്ചാണ് രണ്ട് ബിഎസ്‌എഫ് ഉദ്യോഗസ്ഥർക്ക് പരിക്കേറ്റത്. സൈനിക താവളത്തിന്റെ അടുത്താണ് സ്ഫോടനമുണ്ടായത്. റോഡ് സുരക്ഷാ ഡ്യൂട്ടിയിൽ ഏർപ്പെട്ട രണ്ട് സൈനികർക്കാണ് സ്ഫോടക വസ്തു പൊട്ടിത്തെറിച്ച് പരിക്കേറ്റതെന്ന് സീനിയർ ഉദ്യോഗസ്ഥർ പറ‍ഞ്ഞു.
അപകടത്തിൽ പരിക്കേറ്റ സൈനികരെ കോയാലിബേദ ആശുപത്രിയിൽ പ്രവേശിപ്പിച്ചു. സംഭവത്തെ തുടർന്ന് പ്രദേശത്ത് സുരക്ഷാ ഉദ്യോഗസ്ഥർ തിരച്ചിൽ ശക്തമാക്കി. ബിജാപൂർ ജില്ലയിൽ ഇന്നലെ സമാനമായി പ്രഷർ ഇംപ്രോവൈസ്ഡ് എക്‌സ്‌പ്ലോസീവ് ഉപകരണം പൊട്ടിത്തെറിച്ച് ഒരു ജവാൻ കൊല്ലപ്പെട്ടിരുന്നു. ഇതിന് പിന്നിലും മാവോയിസ്റ്റുകളുടെ സാന്നിധ്യമാണ് എന്നാണ് സംശയിക്കുന്നത്. അതേസമയം, അപകടങ്ങളുടെ പശ്ചാത്തലത്തിൽ പ്രദേശത്ത് തിരച്ചിൽ ശക്തമാക്കിയിട്ടുണ്ട്.
Rahul Gandhi: വീടൊഴിയൽ; രാഹുൽ ഗാന്ധിയുടെ സുരക്ഷ സിആർപിഎഫ് അവലോകനം ചെയ്യും
ന്യൂഡൽഹി: ലോക്സഭയിൽ നിന്നും അയോഗ്യനാക്കിയ കോൺഗ്രസ് നേതാവ് രാഹുൽ ഗാന്ധിയുടെ സുരക്ഷ സെൻട്രൽ റിസർവ് പോലീസ് ഫോഴ്സ് (CRPF) അവലോകനം ചെയ്യും. ഈ നീക്കം രാഹുൽ ഗാന്ധി വസതി മാറുന്ന സാഹചര്യം കണക്കിലെടുത്താണ്. എംപിയെന്ന നിലയിൽ രാഹുൽ ഗാന്ധി താമസിക്കുന്ന തുഗ്ലക് ലെയ്നിലെ വസതി ഒരു മാസത്തിനകം ഒഴിയണമെന്ന് ലോക്സഭാ സെക്രട്ടേറിയറ്റ് ഇന്നലെ നിർദേശം നൽകിയിരുന്നു.
സിആർപിഎഫിന്റെ എഎസ്എൽ അതായത് അഡ്വാൻസ്ഡ് സെക്യൂരിറ്റി ലൈയ്‌സൺ കാറ്റഗറി ഇസഡ് പ്ലസ് സുരക്ഷയാണ് രാഹുലിന് ഇപ്പോഴുള്ളത്. ഭീഷണിയെ അടിസ്ഥാനമാക്കി കേന്ദ്ര ആഭ്യന്തര സെക്രട്ടറിയുടെ നേതൃത്വത്തിലുള്ള പാനലാണ് വിഐപികൾക്കുള്ള സുരക്ഷാ വിഭാഗം തീരുമാനിക്കുന്നത്. ഇതേ സുരക്ഷ തന്നെ രാഹുൽ ഗാന്ധിയ്ക്ക് തുടർന്നും ലഭിക്കുമെന്നാണ് റിപ്പോർട്ട്. രാഹുൽ ഗാന്ധിയുടെ സുരക്ഷാ കവചം സർക്കാർ കുറയ്ക്കാൻ സാധ്യതയില്ല. എന്നാൽ അദ്ദേഹം മാറുന്ന സ്ഥലത്തിന്റെ സുരക്ഷ ഏറ്റെടുക്കേണ്ടതുണ്ടെന്നാണ് റിപ്പോർട്ട്. സ്പെഷ്യൽ പ്രൊട്ടക്‌ഷൻ ഗ്രൂപ്പിനു ശേഷമുള്ള രണ്ടാമത്തെ ഉയർന്ന തലത്തിലുള്ള സുരക്ഷാ പരിരക്ഷയാണ് ഇസഡ് പ്ലസ് അഡ്വാൻസ്ഡ് സെക്യൂരിറ്റി ലൈയ്‌സൺ. ഇതിൽ എൻഎസ്ജി കമാൻഡോകൾ ഉൾപ്പെടെ 50 സുരക്ഷാ ഉദ്യോഗസ്ഥർ ഉൾപ്പെടും. 2019 ൽ കോൺഗ്രസ് മുൻ അധ്യക്ഷ സോണിയാ ഗാന്ധിക്കും മക്കളായ രാഹുൽ ഗാന്ധിക്കും പ്രിയങ്കാ ഗാന്ധിക്കും നൽകിയിരുന്ന എസ്പിജി പരിരക്ഷ മൂന്ന് പതിറ്റാണ്ടുകൾക്ക് ശേഷം സർക്കാർ പിൻവലിച്ചിരുന്നു.
പ്രിയങ്ക ഗാന്ധി എംപിയല്ലെങ്കിലും ഇസഡ് പ്ലസ് കാറ്റഗറി സുരക്ഷയുണ്ട്. ഭാരത് ജോഡോ യാത്രയുടെ സുരക്ഷയുമായി ബന്ധപ്പെട്ട് 2020 മുതൽ 113 തവണ രാഹുൽ ഗാന്ധി സുരക്ഷാ പ്രോട്ടോക്കോളുകൾ ലംഘിച്ചുവെന്ന് സിആർപിഎഫ് വ്യക്തമാക്കുന്നു. അപകീര്‍ത്തിക്കേസില്‍ കോടതി ശിക്ഷ വിധിച്ചതോടെയാണ് രാഹുൽ ഗാന്ധിയെ എംപി സ്ഥാനത്തുനിന്നും അയോഗ്യനാക്കിയത്. എങ്ങനെയാണ് എല്ലാം കള്ളന്‍മാര്‍ക്കും മോദിയെന്ന പേര് ലഭിക്കുകയെന്ന പരാമര്‍ശത്തിലാണ് രാഹുലിന് സൂറത്തിലെ സിജെഎം കോടതി രണ്ട് വര്‍ഷത്തെ തടവ് ശിക്ഷ വിധിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
