ശ്രീനഗർ: ജമ്മു-കശ്മീരിലെ കുല്‍ഗാം മേഖലയില്‍ സൈന്യവും ഭീകരരുമായുണ്ടായ ഏറ്റുമുട്ടലില്‍ തീവ്രവാദി കൊല്ലപ്പെട്ടു. ഇന്നുരാവിലെയാണ് കുൽഗാമിലെ താൻട്രിപോറയില്‍ ഏറ്റുമുട്ടലുണ്ടായത്. പ്രദേശത്ത് ഒളിഞ്ഞിരിക്കുന്ന തീവ്രവാദികളുമായി ഏറ്റുമുട്ടൽ തുടരുകയാണ്.
വെള്ളിയാഴ്ച രാത്രി ശ്രീനഗർ ഹൈവേയിൽ പൊലീസ് ബസിനുനേരെയുണ്ടായ തീവ്രവാദി ആക്രമണത്തിൽ ഒരു പൊലീസുകാരൻ കൊല്ലപ്പെടുകയും എട്ടുപേർക്ക് പരിക്കേൽക്കുകയും ചെയ്തിരുന്നു. ഇന്ത്യയിൽ ഈദ് ആഘോഷം നടക്കുന്നതിനിടെ തീവ്രവാദികൾ നുഴഞ്ഞുകയറുന്നതിനും ആക്രമണം നടത്താനും പദ്ധതിയിട്ടിട്ടുണ്ടെന്ന് രഹസ്യാനേഷണ വിഭാഗം നേരത്തെ റിപ്പോർട്ട് ചെയ്തിരുന്നു.
