Plus one exam: തീരുമാനം നാളെ അറിയിക്കണമെന്ന് കേരള സർക്കാരിനോട് സുപ്രീംകോടതി

പരീക്ഷ റദ്ദാക്കണോ നടത്തണോ എന്നത് സംബന്ധിച്ച് നാളെ നിലപാട് വ്യക്തമാക്കണമെന്നാണ് സംസ്ഥാന സർക്കാരിനോട് സുപ്രീംകോടതി നിർദേശിച്ചിരിക്കുന്നത്

Written by - Zee Hindustan Malayalam Desk | Last Updated : Jun 21, 2021, 02:49 PM IST
  • നിലപാട് അറിയിച്ചില്ലെങ്കിൽ ഹർജിയിൽ ഉത്തരവ് പുറപ്പെടുവിക്കുമെന്ന് സുപ്രീംകോടതി വ്യക്തമാക്കി
  • സംസ്ഥാന ബോർഡുകൾ നടത്തുന്ന പന്ത്രണ്ടാം ക്ലാസ് പരീക്ഷ റദ്ദാക്കണമെന്ന ആവശ്യത്തിലും നാളെ വിശദമായ വാദം കേൾക്കുമെന്ന് സുപ്രീംകോടതി വ്യക്തമാക്കി
  • സെപ്തംബർ ആറ് മുതൽ 16 വരെ പ്ലസ് വൺ പരീക്ഷ നടത്താനാണ് സംസ്ഥാന സർക്കാർ തീരുമാനം
  • എന്നാൽ കൊവിഡ് പശ്ചാത്തലത്തിൽ പരീക്ഷ റദ്ദാക്കാൻ ഉത്തരവിടണം എന്ന് ആവശ്യപ്പെട്ട് ഒരു വിഭാ​ഗം വിദ്യാർഥികളും മാതാപിതാക്കളും സുപ്രീംകോടതിയെ സമീപിക്കുകയായിരുന്നു
Plus one exam: തീരുമാനം നാളെ അറിയിക്കണമെന്ന് കേരള സർക്കാരിനോട് സുപ്രീംകോടതി

ന്യൂഡൽഹി: പ്ലസ് വൺ പരീക്ഷ (Plus one exam) നടത്തുന്നത് സംബന്ധിച്ച വിഷയത്തിൽ കേരള സർക്കാരിനോട് നിലപാട് വ്യക്തമാക്കണമെന്ന് ആവശ്യപ്പെട്ട് സുപ്രീംകോടതി. പരീക്ഷ റദ്ദാക്കണോ നടത്തണോ എന്നത് സംബന്ധിച്ച് നാളെ നിലപാട് വ്യക്തമാക്കണമെന്നാണ് സംസ്ഥാന സർക്കാരിനോട് സുപ്രീംകോടതി (Supreme Court) നിർദേശിച്ചിരിക്കുന്നത്.

നിലപാട് അറിയിച്ചില്ലെങ്കിൽ ഹർജിയിൽ ഉത്തരവ് പുറപ്പെടുവിക്കുമെന്ന് സുപ്രീംകോടതി വ്യക്തമാക്കി. സംസ്ഥാന ബോർഡുകൾ നടത്തുന്ന പന്ത്രണ്ടാം ക്ലാസ് പരീക്ഷ റദ്ദാക്കണമെന്ന ആവശ്യത്തിലും നാളെ വിശദമായ വാദം കേൾക്കുമെന്ന് സുപ്രീംകോടതി വ്യക്തമാക്കി.

ALSO READ: CBSE 12th Result: സിബിഎസ്ഇ പന്ത്രണ്ടാം ക്ലാസ് ഫലം 10, 11, 12 ക്ലാസുകളിലെ മാര്‍ക്കുകള്‍ അടിസ്ഥാനമാക്കി, പ്രഖ്യാപനം വ്യാഴാഴ്ച

സെപ്തംബർ ആറ് മുതൽ 16 വരെ പ്ലസ് വൺ പരീക്ഷ നടത്താനാണ് സംസ്ഥാന സർക്കാർ (State Government) തീരുമാനം. എന്നാൽ കൊവിഡ് പശ്ചാത്തലത്തിൽ പരീക്ഷ റദ്ദാക്കാൻ ഉത്തരവിടണം എന്ന് ആവശ്യപ്പെട്ട് ഒരു വിഭാ​ഗം വിദ്യാർഥികളും മാതാപിതാക്കളും സുപ്രീംകോടതിയെ സമീപിക്കുകയായിരുന്നു. ഇതേ തുടർന്ന് ജസ്റ്റിസ് എഎം ഖാൻവിൽക്കർ അധ്യക്ഷനായ സുപ്രീംകോടതി ബെഞ്ച് സർക്കാരിന്റെ നിലപാട് തേടിയിരുന്നു.

അതേസമയം, നിലപാട് അറിയിക്കാൻ ഒരാഴ്ചത്തെ സമയം കൂടി അനുവദിക്കണമെന്ന് സംസ്ഥാന സർക്കാർ ആവശ്യപ്പെട്ടു. കേസിൽ കൂടുതൽ സമയം അനുവദിക്കാനാകില്ലെന്ന് കോടതി വ്യക്തമാക്കി. അസം, പഞ്ചാബ്, ത്രിപുര, ആന്ധ്രപ്രദേശ് എന്നീ സംസ്ഥാനങ്ങളിൽ പന്ത്രണ്ടാം ക്ലാസ് വിദ്യാർഥികൾക്കായി നടത്തുന്ന സംസ്ഥാന ബോർഡ് പരീക്ഷകൾ (Board Exams) റദ്ദാക്കണമെന്ന ഹർജികളിലും നാളെ വിശദമായ വാദം കേൾക്കുമെന്ന് കോടതി വ്യക്തമാക്കി. അസം, പഞ്ചാബ്, ത്രിപുര എന്നീ സംസ്ഥാനങ്ങൾ പരീക്ഷ റദ്ദാക്കാൻ തീരുമാനിച്ചിട്ടുണ്ട്. ആന്ധ്രപ്രദേശ് മാത്രമാണ് നിലവിൽ പരീക്ഷ നടത്താൻ തീരുമാനിച്ചിരിക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ TwitterFacebook ലിങ്കുകളിൽ ക്ലിക്കുചെയ്യുക

More Stories

Trending News