Delhi airport Roof collapses: കനത്ത മഴയിൽ ഡൽഹി വിമാനത്താവളത്തിൻ്റെ മേൽക്കൂര തകർന്നു; ഒരു മരണം, നിരവധി പേർക്ക് പരിക്ക്

Delhi Airport Incident: ഒരാൾ തകർന്ന കെട്ടിടത്തിനടിയിൽ കുടുങ്ങിയിരുന്നു. സംഭവം നടന്നത് ഇന്ന് പുലർച്ചെ 5.30 ഓടെയായിരുന്നു

ന്യൂഡൽഹി: കനത്ത മഴ തുടരുന്ന സാഹചര്യത്തിൽ ഡൽഹി വിമാനത്താവളത്തിൻ്റെ ടെർമിനൽ 1 ലെ മേൽക്കൂരയുടെ ഒരു ഭാഗം തകർന്ന് വീണ് ഒരാൾ മരിച്ചതായും മൂന്നു പേർക്ക് പരിക്കേറ്റതായും ഡൽഹി ഫയർ സർവീസ്. 

#WATCH | NDRF officials present at Delhi airport's Terminal-1, where a portion of canopy collapsed amid heavy rainfall today, killing one person and injuring several others. pic.twitter.com/Avg94Xe8A2

— ANI (@ANI) June 28, 2024

സംഭവത്തിൽ പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചിട്ടുണ്ട്.  ഒരാൾ തകർന്ന കെട്ടിടത്തിനടിയിൽ കുടുങ്ങിയിരുന്നു. സംഭവം നടന്നത് ഇന്ന് പുലർച്ചെ 5.30 ഓടെയായിരുന്നു. ഈ സമയത്താണ് മേൽക്കൂര തകർന്നതായി ഫോൺ വിളി എത്തിയതെന്ന് അഗ്നിശമനസേന അറിയിച്ചു. ഇതിനെ തുടർന്ന് അടിയന്തര രക്ഷാപ്രവർത്തനത്തിനായി നാലോളം ഫയർ ടെൻഡറുകൾ സംഭവ സ്ഥലത്തെത്തിയിരുന്നതായും അധികൃതർ അറിയിച്ചിട്ടുണ്ട്.  

#WATCH | Delhi: Heavy rainfall in national capital leads to severe waterlogging

(Visuals from ITO) pic.twitter.com/1mSiXxiON4

— ANI (@ANI) June 28, 2024

ഡൽഹിയിലെ നിരവധി മേഖലകളിൽ മഴ പെയ്തതിനെ തുടർന്ന് ഡൽഹിയിലെയും സമീപ പ്രദേശങ്ങളിലെയും നിരവധി പ്രദേശങ്ങൾ വെള്ളക്കെട്ടിലായിട്ടുണ്ട്. പല റോഡുകളിലും വാഹനങ്ങൾ പകുതിയോളം വെള്ളത്തിൽ മുങ്ങി. കനത്ത മഴയെ തുടർന്ന് പുലർച്ചെയുള്ള യാത്രയും ഏറെ അപകടകരമായിരുന്നു എന്നാണ് റിപ്പോർട്ട്. 

കഴിഞ്ഞ കുറച്ച് ദിവസങ്ങളിലായി തലസ്ഥാനത്തുള്ള കനത്ത ചൂടിന് ഈ മഴ ഒരു  ആശ്വാസമാകുമെങ്കിലും മഴയുടെ അളവ് വർദ്ധിച്ചാൽ പലയിടത്തും വെള്ളക്കെട്ടുണ്ടാകുകയും ശരിക്കും ഡൽഹി നിവാസികൾക്ക് പണികിട്ടുകയും ചെയ്യും.