PM Surya Ghar Yojana: ഒരു കോടി കുടുംബങ്ങള്‍ക്ക് മാസം 300 യൂണിറ്റ് വൈദ്യുതി സൗജന്യം!! പിഎം സൂര്യ ഘ‍ര്‍ പദ്ധതിയുമായി കേന്ദ്ര സര്‍ക്കാര്‍

PM Surya Ghar Yojana: രാജ്യത്തെ ഒരു കോടി കുടുംബങ്ങള്‍ക്ക് വൈദ്യുതി സൗജന്യമായി നൽകുന്ന റൂഫ്‌ടോപ്പ് സോളാർ പദ്ധതി പ്രഖ്യാപിച്ച് പ്രധാനമന്ത്രി നരേന്ദ്ര മോദി.

പ്രതിമാസം 300 യൂണിറ്റ് വൈദ്യുതി സൗജന്യമായി നൽകുന്നതാണ് പിഎം സൂര്യ ഘർ മുഫ്ത് ബിജ്‍ലി യോജന (PM Surya Ghar Muft Bijli Yojana). 75,000 കോടി രൂപയാണ് ഈ പദ്ധതിക്കായി കേന്ദ്രം വകയിരിത്തിയിരിക്കുന്നത്. ഉപഭോക്താക്കൾക്ക് യാതൊരുവിധ സാമ്പത്തിക ബാധ്യത ഉണ്ടാകാത്ത തരത്തിലാണ് ഈ പദ്ധതി വിഭാവനം ചെയ്തിരിക്കുന്നതെന്ന് കേന്ദ്രസ‍ർക്കാ‍ർ വ്യക്തമാക്കി. 

In order to further sustainable development and people’s wellbeing, we are launching the PM Surya Ghar: Muft Bijli Yojana. This project, with an investment of over Rs. 75,000 crores, aims to light up 1 crore households by providing up to 300 units of free electricity every month.

— Narendra Modi (@narendramodi) February 13, 2024

"കൂടുതൽ സുസ്ഥിര വികസനത്തിനും ജനങ്ങളുടെ ക്ഷേമത്തിനും വേണ്ടി, സര്‍ക്കാര്‍ പ്രധാനമന്ത്രി സൂര്യ ഘർ: മുഫ്ത് ബിജ്‌ലി യോജന ആരംഭിക്കുന്നു. 75,000 കോടി രൂപയിലധികം നിക്ഷേപമുള്ള ഈ പദ്ധതി എല്ലാ വീടുകളിലും വെളിച്ചം കൊണ്ടുവരാൻ ലക്ഷ്യമിടുന്നു. ഈ പദ്ധതി ഒരു കോടി കുടുംബങ്ങളില്‍ എല്ലാ മാസവും 300 യൂണിറ്റ് വരെ സൗജന്യ വൈദ്യുതി നല്‍കും," പ്രധാനമന്ത്രി എക്‌സിൽ കുറിച്ചു. 

പിഎം സൂര്യ ഘർ മുഫ്ത് ബിജ്‍ലി യോജന അതിന്‍റെ ഉപയോക്താക്കള്‍ക്ക് സബ്സിഡി വാഗ്ദാനം ചെയ്യുന്നു.  അതായത് ഈ പദ്ധതി ആളുകള്‍ക്ക് യാതൊരു വിധ സാമ്പത്തിക ബുദ്ധിമുട്ടും ഉണ്ടാക്കില്ല എന്ന് സര്‍ക്കാര്‍ ഉറപ്പ് നല്‍കുന്നു. ഈ പദ്ധതിയില്‍ ചേരുവാന്‍ ആഗ്രഹിക്കുന്നവര്‍ക്ക് ബാങ്ക് അക്കൗണ്ടുകളിലേക്ക് നേരിട്ട്  നൽകുന്ന സബ്‌സിഡികൾ മുതൽ വൻ ഇളവുകളുള്ള ബാങ്ക് വായ്പകൾ വരെ ലഭ്യമാകും. അതായത് ഈ പദ്ധതി ജനങ്ങള്‍ക്ക് ഒരു സാമ്പത്തിക ബുദ്ധിമുട്ട് സൃഷ്ടിക്കില്ല എന്ന് കേന്ദ്ര സർക്കാർ ഉറപ്പാക്കും. കൂടാതെ, ഈ പദ്ധതിയുടെ എല്ലാ പങ്കാളികളെയും ഒരു ദേശീയ ഓൺലൈൻ പോർട്ടലുമായി സംയോജിപ്പിക്കും, അത് കൂടുതൽ സൗകര്യപ്രദമാക്കും, പ്രധാനമന്ത്രി മോദി എക്‌സിലൂടെ പങ്കുവച്ചു.

From substantive subsidies, which will be given directly to people’s bank accounts, to heavily concessional bank loans, the Central Government will ensure that there is no cost burden on the people. All stakeholders will be integrated to a National Online Portal which will…

— Narendra Modi (@narendramodi) February 13, 2024

സമൂഹത്തിന്‍റെ താഴെത്തട്ടിലുള്ളവരെ വരെ ഈ പദ്ധതി ലക്ഷ്യമിടുന്നതായി പ്രധാനമന്ത്രി സൂചിപ്പിച്ചു, അതായത്, ഇത് ഒരു ജനകീയ പദ്ധതിയാണ്. ഈ പദ്ധതി കൂടുതല്‍ ജനകീയമാക്കുന്നതിന്, നഗര, തദ്ദേശ സ്ഥാപനങ്ങൾക്കും പഞ്ചായത്തുകൾക്കും അവരുടെ അധികാരപരിധിയിൽ റൂഫ്‌ടോപ്പ് സോളാർ സംവിധാനങ്ങൾ നടപ്പാക്കുന്നതിന് പ്രോത്സാഹനം നൽകും. അതേസമയം, കൂടുതൽ വരുമാനം, കുറഞ്ഞ വൈദ്യുതി ബില്ലുകൾ, ആളുകൾക്ക് തൊഴിൽ സൃഷ്ടിക്കൽ എന്നിവയിലേക്ക് ഈ പദ്ധതി നയിക്കുമെന്നും പ്രധാനമന്ത്രി എഴുതി.

Let’s boost solar power and sustainable progress. I urge all residential consumers, especially youngsters, to strengthen the PM - Surya Ghar: Muft Bijli Yojana by applying at- https://t.co/sKmreZmenT

— Narendra Modi (@narendramodi) February 13, 2024

ഉപഭോക്താക്കളുടെ ബാങ്ക് അക്കൗണ്ടിലേക്ക് നേരിട്ടു സബ്സിഡി തുക എത്തും. തദ്ദേശസ്ഥാപനങ്ങൾക്കാണ് പദ്ധതി പ്രോത്സാഹിപ്പിക്കാനുള്ള ചുമതല. വരുമാന വ‍ർധന, വൈദ്യുതി നിരക്ക് കുറയ്ക്കുക, തൊഴിലവസരം സൃഷ്ടിക്കുക എന്നതും പദ്ധതിയിലൂടെ കേന്ദ്രസ‍ർക്കാർ ലക്ഷ്യമിടുന്നു

സൗരോർജ്ജത്തിലൂടെ സുസ്ഥിര പുരോഗതി കൈവരിക്കാന്‍ പ്രധാനമന്ത്രി മോദി ജനങ്ങളോട് അഭ്യർത്ഥിച്ചു. ല്‍ കുടുംബങ്ങളോടും ഈ പദ്ധതിയില്‍ ചേരുവാന്‍ പ്രധാനമന്ത്രി ആഹ്വാനം ചെയ്തു. കൂടുതല്‍ വിവരങ്ങള്‍ക്കായി pmsuryaghar.gov.in സന്ദര്‍ശിക്കാം.