Ayodhya Ram Mandir: നമ്മൾ ത്രേതായുഗത്തിലേക്ക് പ്രവേശിച്ചതായി തോന്നുന്നു; യോഗി ആദിത്യനാഥ്

Yogi Adithyanath about ramakshethra consecration: ക്ഷേത്രം പണിയാൻ തീരുമാനിച്ച സ്ഥലത്താണ് ക്ഷേത്രം പണിതതെന്നും നമ്മൾ ത്രേതായുഗത്തിലേക്ക് പ്രവേശിച്ചതായി തോന്നുന്നുവെന്ന് മുഖ്യമന്ത്രി യോഗി പറഞ്ഞു .

തങ്ങളുടെ ഭ​ഗവാന്റെ ജന്മസ്ഥലത്ത് ക്ഷേത്രം പണിയാൻ രാജ്യത്തെ ഭൂരിപക്ഷ സമുദായത്തിന് വർഷങ്ങളോളം കാത്തിരിക്കേണ്ടി വരുന്ന ലോകത്തിലെ ആദ്യത്തേതും അതുല്യവുമായ സംഭവമാണിതെന്ന് യുപി മുഖ്യമന്ത്രി യോഗി ആദിത്യനാഥ് പറഞ്ഞു. ക്ഷേത്രം പണിയാൻ തീരുമാനിച്ച സ്ഥലത്താണ് ക്ഷേത്രം പണിതതെന്നും നമ്മൾ ത്രേതായുഗത്തിലേക്ക് പ്രവേശിച്ചതായി തോന്നുന്നുവെന്ന് മുഖ്യമന്ത്രി യോഗി പറഞ്ഞു . 

ഭൂമിയുടെ വൈകുണ്ഠം എന്നാണ് അയോധ്യ അറിയപ്പെടുന്നത്. എന്നാൽ ഈ പുണ്യഭൂമി നൂറ്റാണ്ടുകളായി അവഗണിക്കപ്പെട്ടു. രാമന്റെ ജീവിതം സംയമനം പഠിപ്പിക്കുന്നതാണ്. ഇന്ത്യൻ സമൂഹം ആ സംയമനം പാലിച്ചു. ഇന്ന് ലോകം മുഴുവൻ അയോധ്യയുടെ മഹത്വത്തെ അഭിനന്ദിക്കുകയും ആഘോഷിക്കുകയും ചെയ്യുകയാണെന്നും അദ്ദേഹം പറഞ്ഞു. 

ദശലക്ഷക്കണക്കിന് ഭക്തർ ഈ ശുഭമുഹൂർത്തത്തിനായി ജീവൻ ബലിയർപ്പിച്ചു. ഇന്ന് അവിടെ ഒരു ക്ഷേത്രം പണിയുന്നത് ആ പരേതരുടെ സന്തോഷത്തിന് കാരണമാണെന്നും അദ്ദേഹം പറഞ്ഞു. ഈ ചരിത്ര സന്ദർഭത്തിൽ, ഇന്ത്യയിലെ ഓരോ നഗരവും ഓരോ ഗ്രാമവും അയോധ്യ ധാം ആണ്. എല്ലാവരുടെയും മനസ്സിൽ രാമനാമമുണ്ടെന്ന് അദ്ദേഹം പറഞ്ഞു.