Anupama's Baby Adoption case: ഹേബിയസ് കോർപസ് പിൻവലിക്കണം, അനുപമയുടെ ഹർജി സ്വീകരിക്കാതെ ഹൈക്കോടതി

ഹേബിയസ് കോർപസ് ഹർജി പിൻവലിക്കാൻ അനുപമയ്ക്ക് ഹൈക്കോടതി സമയം അനുവദിച്ചു.

കൊച്ചി: കുഞ്ഞിനെ വിട്ടുകിട്ടണം എന്നാവശ്യപ്പെട്ട് അനുപമ (Anupama) നൽകിയ ഹേബിയസ് കോർപ്പസ് ഹർജി (Habeas Corpus Petition) പിൻവലിക്കണമെന്ന് ഹൈക്കോടതി. ഹര്‍ജി സ്വീകരിക്കാനാവില്ലെന്ന് പറഞ്ഞ കോടതി പിൻവലിച്ചില്ലെങ്കിൽ ഹർജി തള്ളുമെന്നും വ്യക്തമാക്കി. കേസ് നാളത്തേക്ക് ഹൈക്കോടതി (High Court) മാറ്റുകയും ചെയ്തു. 

ഹര്‍ജി പിന്‍വലിക്കാന്‍ അനുപമയ്ക്ക് കോടതി സമയം നല്‍കി. നിയമവിരുദ്ധമായി ആരെങ്കിലും കുട്ടിയെ കസ്റ്റഡിയില്‍ വെച്ചിരിക്കുകയാണെന്ന് ഇപ്പോൾ പറയാനാവില്ലെന്ന് കോടതി ചൂണ്ടിക്കാട്ടി. ദത്ത് വിവാദവുമായി ബന്ധപ്പെട്ട തര്‍ക്ക വിഷയം തിരുവനന്തപുരം കുടുംബ കോടതിയുടെ പരിഗണനയിലാണ്. അതിനാൽ എങ്ങനെ കോടതിയിൽ ഹേബിയസ് കോർപ്പസ് നിലനിൽക്കുമെന്നും കോടതി ചോദിച്ചു. 

കുഞ്ഞിനെ നഷ്ടപ്പെട്ടെന്ന അനുപമയുടെ പരാതിയിൽ 2021 ഒക്ടോബർ 18-ന് മാത്രമാണ് പോലീസ് കേസ് റജിസ്റ്റർ ചെയ്തത്. കുഞ്ഞിനെ കണ്ടെത്തി കസ്റ്റഡിയിലെടുത്ത് ഹാജരാക്കി തനിക്ക് കൈമാറണമെന്നാണ് ഹർജിയിൽ അനുപമയുടെ ആവശ്യം. ഇത് ഹൈക്കോടതി അംഗീകരിക്കുന്നില്ല.

കുടുംബകോടതിയുടെ പരിഗണനയിലുള്ള കേസിൽ ഹൈക്കോടതിയുടെ (High Court) അടിയന്തര ഇടപെടൽ ആവശ്യമില്ലെന്നും ഡിവിഷൻ ബെഞ്ച് വ്യക്തമാക്കി. ഡിഎൻഎ പരിശോധന (DNA Test) നടത്താൻ ശിശുക്ഷേമ സമിതിക്ക് അധികാരം ഉണ്ടല്ലോ എന്നും കോടതി ചോദിച്ചു. പിൻവലിച്ചില്ലെങ്കിൽ തള്ളുമെന്നു വ്യക്തമാക്കിക്കൊണ്ടാണ് ഹർജി പിൻവലിക്കാൻ അനുപമയ്ക്കു കോടതി സമയം അനുവദിച്ചത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy