Ranni Blast: റാന്നി സ്ഫോടനം; ​ഗുരുതരമായി പരിക്കേറ്റ അന്യസംസ്ഥാന തൊഴിലാളി മരിച്ചു

ഇന്നലെയാണ് ​ഗണേഷ് താമസിച്ചിരുന്ന മുറിയിൽ അപകടമുണ്ടായത്. ​ഗുരുതരമായി പരിക്കേറ്റ ​ഗണേഷ് തീവ്ര പരിചരണ വിഭാ​ഗത്തിൽ ചികിത്സയിലിരിക്കെയാണ് മരിച്ചത്.

പത്തനംതിട്ട: റാന്നിയില്‍ ഗ്യാസ് സിലിണ്ടർ ചോർന്നുണ്ടായ സ്ഫോടനത്തില്‍ പരിക്കേറ്റ അന്യസംസ്ഥാന തൊഴിലാളി മരിച്ചു. അസം സ്വദേശി ഗണേഷാണ് മരിച്ചത്. ഇന്നലെ രാത്രി ഒൻപതേകാലോടെ റാന്നി പോസ്റ്റോഫീസിന് എതിർവശമുള്ള പഴയകെട്ടിടത്തിന്റെ രണ്ടാംനിലയിലായിരുന്നു അപകടം. സംഭവ സമയത്ത് മുറിയിലുണ്ടായിരുന്ന ഗണേഷിന് ഗുരുതരമായ പരിക്കേറ്റിരുന്നു. തുടർന്ന് ഇദ്ദേഹത്തെ കോട്ടയം മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റുകയായിരുന്നു. ഗണേഷ് സിലിണ്ടര്‍ ഓണ്‍ ചെയ്ത് മാറി നിന്ന ശേഷം പിന്നീട് ഗ്യാസ് അടുപ്പ് കത്തിക്കാന്‍ ശ്രമിച്ചതാണ് സ്ഫോടനത്തിന് ഇടയാക്കിയതെന്ന് പൊലീസ് വ്യക്തമാക്കി.

Road Accident: പത്തനംതിട്ട കൂരമ്പാലയിൽ ഒന്നിനുപിറകെ ഒന്നായി മൂന്ന് അപകടങ്ങൾ; ആർക്കും പരിക്കില്ല

പത്തനംതിട്ട: കുരമ്പാലയിൽ നിയന്ത്രണം വിട്ട മിനി ലോറി മതിലിൽ ഇടിച്ചു മറിഞ്ഞു. ഇതേസമയം ഇതുവഴി കടന്നുപോയ കെഎസ്ആര്‍ടിസി ബസും കാറും കൂട്ടിയിടിച്ച് അപകടം ഉണ്ടായി. ഇതിനിടയിൽ സംഭവമറിഞ്ഞു സ്ഥലത്തേക്ക് പുറപ്പെട്ട ഫയർഫോഴ്സിന്‍റെ വാഹനവും അപകടത്തിൽ പെട്ടു. 

ഭാഗ്യവശാൽ തുടരെയുണ്ടായ അപകടങ്ങളിൽ ആർക്കും പരിക്കേറ്റിട്ടില്ല. എംസി റോഡിൽ കുരമ്പാല ഇടയാടിക്ക് സമീപം രാവിലെ 6:30 ഓടെയാണ് അപകടമുണ്ടായത്. തിരുവനന്തപുരം ഭാഗത്ത് നിന്നും സോഡ കൊണ്ടുവരികയായിരുന്നു മിനി ലോറിയാണ് മറിഞ്ഞത്. 

ഇതേസമയം ഇതുവഴി കടന്നുപോയ കെഎസ്ആര്‍ടിസി ബസും കാറും തമ്മിൽ കൂട്ടിയിടിക്കുകയുമുണ്ടായി. സംഭവ സ്ഥലത്തേക്ക് അടൂരിൽ നിന്നും കുരമ്പാലക്ക് വന്ന ഫയർഫോഴ്സിന്‍റെ വാഹനത്തില്‍ ബസ് തട്ടുകയും ചെയ്തു. തുടര്‍ച്ചയായുണ്ടായ അപകടങ്ങളെ തുടര്‍ന്ന് എംസി റോഡിൽ ഗതാഗത കുരുക്ക് രൂക്ഷമായി. തുടർന്ന് പോലീസ് എത്തി വാഹങ്ങൾ നിയന്ത്രിച്ചു വിടുകയായിരുന്നു എന്നാണ് റിപ്പോർട്ട്.