ഡിജിപിയുടെ വീട്ടിലേക്കുള്ള മഹിളാമോർച്ച പ്രതിഷേധം; മൂന്ന് പോലീസുകാർക്ക് സസ്പെൻഷൻ

തിരുവനന്തപുരം: ഡിജിപിയുടെ വീട്ടിലേക്കുള്ള മഹിളാമോർച്ച പ്രതിഷേധത്തിൽ സുരക്ഷ വീഴ്ച. ആർആർആർഎഫിലെ പൊലീസുകാരായ മുരളീധരൻ നായർ, മുഹമ്മദ് ഷെബിൻ, സജിൻ എന്നിവരെയാണ് സസ്പെൻഡ് ചെയ്തത്. പൊലീസുകാർക്കെതിരെ വകുപ്പ് തല നടപടിയുമുണ്ട്. ഡിജിപിയുടെ വീട്ടിൽ ഗാർഡ് ഡ്യൂട്ടിയിലുണ്ടായിരുന്നത് ഈ പൊലീസുകാരാണ് 

സുരക്ഷാവീഴചയിലാണ് ബാറ്റാലിയൻ ഡിഐജി പൊലീസുകാരെ സസ്പെൻഡ് ചെയ്തത്. ഡിജിപിയുടെയോ ഉന്നത ഉദ്യോഗസ്ഥരുടെയോ അനുമതിയില്ലാതെയാണ് പൊലീസുകാർ ഗേറ്റ് തുറന്നത് .നടപടി പൊലീസിന്റെ സൽപേരിന് കളങ്കമുണ്ടാക്കിയെന്നും ഉത്തരവിലുണ്ട്. മഹിളാ മോർച്ചാ പ്രവർത്തകർ ഡിജിപിയുടെ ഔദ്യോഗിക വസതിയിലേക്ക് അതിക്രമിച്ചു കയറി പ്രതിഷേധിച്ചിരുന്നു. ഇവരെ സ്ഥലത്ത് നിന്നും മാറ്റുന്നതിന് വളരെ ബുദ്ധിമുട്ടിയിരുന്നു.
പിന്നീട് പൊലീസെത്തിയാണ് ഇവരെ ബലംപ്രയോഗിച്ച്‌ നീക്കിയത്.