Velludumban shark in Thiruvanathapuram: കടൽ നൽകുന്ന ആ ഞെട്ടിക്കുന്ന സൂചനയോ...? തിരുവനന്തപുരത്ത് വെള്ളുടുമ്പൻ സ്രാവുകൾ തീരത്തടിയുന്നു

Velludumban sharks: ശനിയാഴ്ച്ച രാവിലെയും ഇത്തരത്തിലുള്ള സ്രാവ് തിരത്ത് എത്തി. കോവളം സമുദ്ര ബീച്ചിന് സമീപം എത്തിയ സ്രാവ് തിരയടിച്ച് മറിഞ്ഞതോ‍ടെ അതിന് നീന്താൻ സാധിച്ചില്ല. സംഭവത്തെ തുടർന്ന് നാട്ടുകാർ തിരുവല്ലം എസ്.ഐ ഗോപകുമാറിനെ വിവരമറിയിക്കുകയായിരുന്നു.

തിരുവനന്തപുരം: കഴിഞ്ഞ ഒരാഴ്ച്ചയായി തിരുവനന്തപുരം ജില്ലയിലെ തീരക്കടലിൽ വെള്ളുടുമ്പൻ എന്നറിയപ്പെടുന്ന തിമിംഗല സ്രാവുക തീരത്തേക്ക് കൂടുതലായി വരുന്നുവെന്ന് മത്സ്യത്തൊഴിലാളികൾ പറയുന്നു. ശനിയാഴ്ച്ച  രാവിലെയും ഇത്തരത്തിലുള്ള സ്രാവ് തിരത്ത് എത്തി. കോവളം സമുദ്ര ബീച്ചിന് സമീപം എത്തിയ സ്രാവ് തിരയടിച്ച് മറിഞ്ഞതോ‍ടെ അതിന് നീന്താൻ സാധിച്ചില്ല. സംഭവത്തെ തുടർന്ന് നാട്ടുകാർ തിരുവല്ലം എസ്.ഐ ഗോപകുമാറിനെ വിവരമറിയിക്കുകയായിരുന്നു. 

തുടർന്ന് പോലീസ് എത്തിയ ശേഷം വൈൽഡ് ലൈഫ് ട്രസ്റ്റിൻ്റെ ഫിൽഡ് ഓഫീസർ അജിത് ശംഖുമുഖത്തിനെ വിവരമറിയിച്ചു. ഇതിന് പിന്നാലെ മത്സ്യത്തൊഴിലാളികളുടെ സഹായത്തോടെ സ്രാവിനെ കയറുപയോഗിച്ച് കടലിലേക്ക് തന്നെ തിരിച്ച് ഇറക്കി. ഇതോടെ സ്രാവിന് നീന്തി പോകാനായി സാധിച്ചു. എകദേശം ഒരു മണിക്കുറോളം നടത്തിയ ശ്രമത്തിലാണ് സ്രാവിനെ രക്ഷപ്പെടുത്തി കടലിലേക്ക് വിട്ടത്. വെട്ടുകാട്, തുമ്പ, വലിയ തുറ എന്നിവിടങ്ങളിലായി ആറിലധികം സ്രാവുകൾ വലയിൽ കുടുങ്ങിയ നിലയിൽ കണ്ടെത്തിയിരുന്നു. ഇവയെ വല മുറിച്ചായിരുന്നു കടലിലേക്ക് തിരികെ വിട്ടത്.