ഗുരു സോമസുന്ദരത്തിന്റെ പുതിയ മലയാള ചിത്രത്തിന്റെ ടൈറ്റിൽ ലോഞ്ച് നടന്നു. ഇരിങ്ങാലക്കുട സെന്റ് ജോസഫ്സ് കോളേജിൽ വച്ചാണ് ടൈറ്റിൽ ലോഞ്ച് നടത്തിയത്. നീരജ എന്നാണ് ചിത്രത്തിന് പേരിട്ടിരിക്കുന്നത്. രാജേഷ് കെ രാമനാണ് ചിത്രം സംവിധാനം ചെയ്യുന്നത്. രാജേഷ് കെ രാമന്റേത് തന്നെയാണ് ചിത്രത്തിന്റെ തിരക്കഥയും. ജിനു ജോസഫ്, ഗോവിന്ദ് പത്മസൂര്യ, ശ്രുതി രാമചന്ദ്രന്‍, ശ്രിന്ദ, കലേഷ് രാമാനന്ദ്, രഘുനാഥ് പലേരി, അഭിജ ശിവകല, കോട്ടയം രമേഷ്,സന്തോഷ് കീഴാറ്റൂർ, ശ്രുതി രജനീകാന്ത്, സ്‍മിനു സിജോ, സജിന്‍ ചെറുകയില്‍ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
സച്ചിൻ ശങ്കര്‍ മന്നത്ത് ആണ് സംഗീത സംവിധാനം നിര്‍വഹിക്കുന്നത്. അയൂബ് ഖാൻ ചിത്രസംയോജനം നിർവഹിക്കുന്നു. രാഗേഷ് നാരായണന്‍ ആണ് ഛായാഗ്രാഹകൻ. കല- മനു ജഗത്. സൂരജ് പ്രൊഡക്ഷന്‍സിന്റെ ബാനറിൽ ഉമ, രമേഷ് റെഡ്ഡി എന്നിവര്‍ ചേർന്നാണ് ചിത്രം നിര്‍മ്മിക്കുന്നത്. കന്നടയിലെ പ്രമുഖ നിര്‍മ്മാതാവാണ് രമേഷ് റെഡ്ഡി. രമേഷിന്റെ ഏഴാമത്തേതും മലയാളത്തിലെ ആദ്യ ചിത്രവുമാണിത്. പ്രൊഡക്ഷന്‍ കണ്‍ട്രോളര്‍- സജീവ് ചന്തിരൂര്‍, പ്രദീപ് ഗോപാലകൃഷ്‍ണനാണ് മേക്കപ്പ്. കോസ്റ്റ്യൂം ബ്യൂസി ബേബി ജോണും, സ്റ്റില്‍സ്- രാകേഷ് നായര്‍, ചീഫ് അസോസിയേറ്റ് ഡയറക്ടര്‍- അഭി ആനന്ദ്, അസോസിയേറ്റ് ഡയറക്ടര്‍- നിധീഷ് ഇരിട്ടി, രാഹുല്‍ കൃഷ്‍ണ, ക്യാമറ അസോസിയേറ്റ്- മണികണ്ഠന്‍ പി.സി, അസിസ്റ്റന്റ് ഡയറക്ടര്‍- യദുകൃഷ്‍ണ, ഉദയകുമാര്‍, കാവ്യ തമ്പി. പ്രൊഡക്ഷന്‍ എക്സിക്യൂട്ടീവ്- സജി പുതുപ്പള്ളി, പിആര്‍ഒ- എ എസ് ദിനേശ്.
Also Read: Chup Movie: പ്രേക്ഷകരിലേക്കെത്താൻ തയാറായി 'ചുപ്'; ദുൽഖർ ചിത്രത്തിന്റെ ട്രെയിലർ സെപ്റ്റംബർ 5ന്
ബേസിലിന്റെ സൂപ്പർഹീറോ ചിത്രമായ മിന്നൽ മുരളിയിലൂടെയാണ് ഗുരു സോമസുന്ദരം മലയാളി പ്രേക്ഷകർക്ക് പ്രിയങ്കരനായി മാറിയത്. വില്ലൻ കഥാപാത്രമായ ഷിബു ആയിട്ടാണ് ചിത്രത്തിൽ ഗുരു സോമസുന്ദരം വേഷമിട്ടത്. നായകനോളം പ്രധാന്യമുള്ള കഥാപാത്രമായിരുന്നു ഗുരു സോമസുന്ദരത്തിന്റേത്.
Cobra Movie: വിക്രമിന്റെ വിസ്മയിപ്പിക്കുന്ന വേഷപ്പകർച്ച, 'കോബ്ര'യുടെ മെയ്‍ക്കിംഗ് വീഡിയോ
വിക്രം നായകനായി കഴി‍ഞ്ഞ ദിവസം പുറത്തിറങ്ങിയ ചിത്രമാണ് കോബ്ര. വ്യത്യസ്ത ഗെറ്റപ്പുകളിൽ വിക്രം എത്തുന്നതിനാൽ തന്നെ ആരാധകർ ഏറെ ആകാംക്ഷയോടെ കാത്തിരുന്ന ചിത്രമായിരുന്നിത്. ഇപ്പോഴിത ആ വ്യത്യസ്ത ഗെറ്റപ്പുകളുടെ പിന്നിലുള്ള അധ്വാനം എത്രത്തോളമുണ്ടെന്നത് പ്രേക്ഷകർക്ക് കാണിച്ച് നൽകുകയാണ് അണിയറക്കാർ. മേക്കിംഗ് വീഡിയോ അണിയറ പ്രവർത്തകർ പുറത്തുവിട്ടിരിക്കുകയാണ്. ആര്‍ അജയ് ജ്ഞാനമുത്തു ആണ് ചിത്രം സംവിധാനം ചെയ്തത്.
വിക്രമിന്റെ ഓരോ ഗെറ്റപ്പുകൾക്ക് മേക്കപ്പ് ചെയ്യുന്നതും അതിനെ കുറിച്ച് വിക്രം ഉൾപ്പെടെ പറയുന്നതുമാണ് വീഡിയോ. എ ആര്‍ റഹ്‍മാൻ ആണ് ചിത്രത്തിന്റെ സംഗീത സംവിധാനം നിര്‍വഹിച്ചത്. ഛായാഗ്രാഹണം നിര്‍വഹിച്ചിരിക്കുന്നത് ഹരീഷ് കണ്ണന്‍ ആണ്. 'കെജിഎഫി'ലൂടെ സുപരിചിതയായ ശ്രീനിധി ഷെട്ടിയാണ് ചിത്രത്തിലെ നായിക. റോഷൻ മാത്യു, കെ എസ് രവികുമാര്‍, ആനന്ദ്‍രാജ്, റോബോ ശങ്കര്‍, മിയ ജോര്‍ജ്, മൃണാളിനീ രവി, മീനാക്ഷി ഗോവിന്ദ്‍രാജന്‍ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്.
ആരാധകരുടെയും സിനിമ പ്രേമികളുടെയും വിതരണക്കാരുടെയും ആവശ്യം പരിഗണിച്ച് അണിയറക്കാർ കോബ്രയുടെ ദൈർഘ്യം കുറച്ചു. ചിത്രത്തിന്റെ ദൈർഘ്യം 20 മിനിറ്റാണ് കുറച്ചിരിക്കുന്നത്. സെപ്തംബർ 1 മുതൽ ചിത്രത്തിന്റെ ദൈർഘ്യം കുറഞ്ഞ വേർഷനായിരിക്കും തീയേറ്ററുകളിൽ പ്രദർശിപ്പിക്കുകയെന്നും അറിയിച്ചിട്ടുണ്ട്. ഇന്നലെ, ആഗസ്റ്റ് 31 നാണ് ചിത്രം റിലീസ് ചെയ്തത്. ചിത്രത്തിന് സമ്മിശ്ര പ്രതികരണമാണ് പ്രേക്ഷകരിൽ നിന്ന് ലഭിച്ചത്. ചിത്രത്തിൻറെ ആദ്യ ഭാഗത്തിന് മികച്ച പ്രതികരണം ലഭിച്ചപ്പോൾ രണ്ടാം ഭാഗത്തിന് വളരെ തണുപ്പൻ പ്രതികരണമായിരുന്നു പ്രേക്ഷകരിൽ നിന്ന് ലഭിച്ചത്. ഇതിന് പ്രധാന കാരണം ചിത്രത്തിൻറെ ദൈർഘ്യം തന്നെയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
