Thrimoorthi Movie Update : ത്രിമൂർത്തി ഇന്ത്യയിലെ ആദ്യത്തെ ക്യാമ്പസ് ടൈം ട്രാവൽ ചിത്രം; സംവിധായകൻ ശരത് ലാൽ

Thrimoorthi Movie Latest Update : മൂന്ന് കേന്ദ്ര കഥാപാത്രങ്ങളിലൂടെയും അവരുടെ കോളേജ് ജീവിതത്തിലൂടെയുമാണ് ചിത്രം പോകുന്നതെന്ന് സംവിധായകൻ പറഞ്ഞു.

ടൈം ട്രാവൽ ചിത്രങ്ങളോട് പ്രേക്ഷകർക്ക് ഒരു പ്രത്യേക താത്പര്യം തന്നെയുണ്ട്.  എന്നാൽ  ചുരുക്കം ചില ടൈം ട്രാവൽ ചിത്രങ്ങൾ മാത്രമാണ് മലയാളത്തിൽ പുറത്തിറങ്ങിയിട്ടുള്ളത്. ഏറ്റവും അവസാനം  പുറത്തിറങ്ങിയ ടൈം ട്രാവൽ പ്രമേയമായി വരുന്ന മലയാള ചിത്രം നിവിൻ പൊളി നായകനായി എത്തിയ മഹാവീര്യർ ആയിരുന്നു. ഇപ്പോൾ മലയാളത്തിലെ അടുത്ത ടൈം ട്രാവൽ ചിത്രം എത്താൻ ഒരുങ്ങുകയാണ്. നവാ​ഗതനായ ശരത്ത് ലാൽ നെമിഭുവൻ സംവിധാനം ചെയ്യുന്ന ത്രിമൂർത്തിയാണത്. ഇത് ഇന്ത്യയിലെ ആദ്യത്തെ ക്യാമ്പസ് ടൈം ട്രാവൽ ചിത്രം ആണെന്നാണ് സംവിധായകൻ ഇപ്പോൾ പറഞ്ഞിരിക്കുന്നത്. ഇടൈംസിന് നൽകിയ അഭിമുഖത്തിലാണ് ശരത് ലാൽ ഈ കാര്യം വ്യക്തമാക്കിയത്.

മാത്രമല്ല ചിത്രത്തിൽ 21 ഗാനങ്ങൾ ഉണ്ടായിരിക്കുമെന്നും സംവിധായകൻ പറഞ്ഞു. മൂന്ന് കേന്ദ്ര  കഥാപാത്രങ്ങളിലൂടെയും അവരുടെ കോളേജ് ജീവിതത്തിലൂടെയുമാണ് ചിത്രം പോകുന്നതെന്ന് സംവിധായകൻ പറഞ്ഞു. ചിത്രത്തിൽ  ആക്ഷൻ, റൊമാൻസ്, കോമഡി, സൗഹൃദം എന്നിവയ്ക്ക് എല്ലാം ഒരു പ്രധാന സ്ഥാനം ഉണ്ടെന്നും സംവിധായകൻ കൂട്ടിച്ചേർത്തു. ചിത്രത്തിൽ 250 ഓളം പുതുമുഖ താരങ്ങൾ അഭിനയിക്കുന്നുണ്ട്. ചിത്രം രണ്ട് ഭാഗങ്ങളായി ആണ് റിലീസ് ചെയ്യുക എന്നും അറിയിച്ചിട്ടുണ്ട്,  നഞ്ചിയമ്മയും ചിത്രത്തിൻറെ ഭാഗമാകുമെന്ന് അറിയിച്ചിട്ടുണ്ട്.

  വിനീത് ശ്രീനിവാസന്റെ 15 പാട്ടുകളോടെ പുറത്തിറങ്ങിയ 'ഹൃദയം'ത്തിന് ശേഷം ഇത്രയേറെ പാട്ടുകളോടെ പുറത്തിറങ്ങുന്ന ചിത്രം എന്ന പ്രത്യേകതയും ത്രിമൂർത്തിക്കുണ്ട്. ശരത്ത് ലാൽ നെമിഭുവൻ തന്നെയാണ് സംഗീത സംവിധാനവും നിർവഹിച്ചിരിക്കുന്നത്. വന്ദന ശ്രീലേഷിന്റെ കഥക്ക് നവാഗതരായ അമേഷ് രമേശും മഹേഷ്‌ മോഹനും ചേർന്നാണ് തിരക്കഥയും സംഭാഷണവും.    'തീറ്ററപ്പായി' എന്ന ചിത്രത്തിന്റെ  നിർമ്മാതാവ് വിക്രമൻ സ്വാമിയാണ് 'ത്രിമൂർത്തി' യും നിർമ്മിക്കുന്നത്. 

പാട്ടിനോടൊപ്പം ഒരു സുപ്രധാന കഥാപാത്രത്തെയും നഞ്ചിയമ്മ ചിത്രത്തിൽ അവതരിപ്പിക്കുന്നുണ്ട്. തൃശ്ശൂരിലും, അങ്കമാലിയും നടന്ന രണ്ട് ഒഡിഷനുകളിലൂടെ 250ൽപരം പുതുമുഖ അഭിനേതാക്കൾക്ക് അവസരം നൽകികൊണ്ടാണ് ത്രിമൂർത്തിയുടെ ഓഡിഷൻ പൂർത്തീകരിച്ചത്. ക്യാമ്പസ് പശ്ചാത്തലത്തിൽ കഥ പറയുന്ന ചിത്രം നർമ്മത്തിന് പ്രാധാന്യം നൽകുന്ന ഒരു ഫീൽഗുഡ് ടൈം ട്രാവൽ ത്രില്ലറാണ്. മൂന്ന് ഫൈറ്റ് സീനുകളും ചിത്രത്തിലുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy