ഷാർജ: ഷാർജയിൽ 14 വയസ്സിന് മുകളിൽ പ്രായമുള്ളവർക്ക് E-Scooter ഉപയോഗിക്കാൻ അനുമതിയുണ്ടെന്ന് അധികൃതർ. നിയമലംഘനം നടത്താതെ ഇ-സ്കൂട്ടറിന് വേണ്ടി തയ്യാറാക്കിയിരിക്കുന്ന നിശ്ചിത പാത ഉപയോഗിക്കണമെന്നും അധികൃതർ വ്യക്തമാക്കി.
ഇ-സ്കൂട്ടർ ഉപയോഗിക്കുമ്പോൾ സുരക്ഷിതത്വം ഉറപ്പാക്കണം. കൃത്യമായി ഹെൽമറ്റ് ധരിക്കണം. സ്കൂട്ടറിന്റെ മുൻവശത്തും പിൻവശത്തും ലൈറ്റുകൾ ഘടിപ്പിക്കണമെന്നും അധികൃതർ അറിയിച്ചു. യുഎഇയിൽ ഇ- സ്കൂട്ടർ ഉപയോഗത്തിന് വലിയ പ്രചാരമുണ്ട്. എന്നാൽ ചില നിയമലംഘനം ശ്രദ്ധയിൽപ്പെട്ടതിനെ തുടർന്നാണ് അധികൃതർ ബോധവത്കരണം നടത്തിയത്.
ALSO READ: Oman: ഇന്ത്യക്കാര്‍ക്കുള്ള പ്രവേശന വിലക്ക് നീക്കി ഒമാന്‍, സെപ്റ്റംബര്‍ 1 മുതല്‍ പ്രവേശാനാനുമതി
ഇ-സ്കൂട്ടർ യാത്രക്കാർ പൊതു റോഡുകൾ ഉപയോഗിക്കരുതെന്ന് അധികൃതർ അടുത്തിടെ മുന്നറിയിപ്പ് നൽകിയിരുന്നു. ദുബായിലെ (Dubai) പൊതു പാർക്കുകളിൽ ഇ- സ്കൂട്ടർ അനുവദനീയമല്ല. നിയമലംഘനം നടത്തുന്ന വാഹനങ്ങളും ഇ- സ്കൂട്ടറുകളും അധികൃതർ പിടിച്ചെടുക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
