ഇന്ന് ശ്രീകൃഷ്ണ ജയന്തിയാണ്. ഈ ദിനത്തിൽ കൊച്ചു കുഞ്ഞുങ്ങളെ കൃഷ്ണ വേഷം അണിയിച്ച് ഘോഷയാത്രയൊക്കെ നടത്തുന്ന പതിവ് നമ്മൾ കണ്ടിട്ടുണ്ട്. ഫോട്ടോഗ്രാഫർ നല്ല മനോഹരമായ ശ്രീകൃഷ്ണന്മാരുടെ ഫോട്ടോ പകർത്തുകയും ചെയ്യാറുണ്ട്. അങ്ങനെ വൈറലായ ഒരുപാട് ഫോട്ടോകളണ്ട്. അതുപോലെ ഇത്തവണയും ഒരു ശ്രീകൃഷ്ണൻ വൈറലായിട്ടുണ്ട്. മറ്റാരുമല്ല, നടി അനുശ്രീയുടെ ശ്രീകൃഷ്ണ വേഷമാണ് ഇത്തവണ വൈറലാകുന്നത്.
ജന്മാഷ്ടമിയോടനുബന്ധിച്ച് ശ്രീകൃഷ്ണനായി വേഷമിട്ടുള്ള അനുശ്രീയുടെ പുത്തൻ ഫോട്ടോഷൂട്ട് ചിത്രങ്ങൾ ഏറെ ശ്രദ്ധ നേടുന്നു. തന്റെ സോഷ്യൽ മീഡിയ അക്കൗണ്ടുകളിൽ അനുശ്രീ ചിത്രങ്ങൾ പങ്കുവെച്ചിട്ടുണ്ട്.
ചിങ്ങമാസത്തിൽ കറുത്ത പക്ഷത്തിലെ അഷ്ടമിയും രോഹിണിയും ചേർന്ന നാളിൽ ഭൂജാതനായ അമ്പാടികണ്ണനെ മനസ്സുകൊണ്ടും ശരീരംകൊണ്ടും പ്രണയിക്കുന്ന എല്ലാവർക്കും ശ്രീകൃഷ്ണജയന്തി ആശംസകൾ.. അവതാരപുരുഷനായ ശ്രീകൃഷ്ണഭഗവാൻ്റെ പാദാരവിന്തങ്ങളിൽ സമർപ്പിക്കട്ടെ... എന്ന കുറിപ്പും അനുശ്രീ ഫോട്ടോകൾക്കൊപ്പം പങ്കുവെച്ചിട്ടുണ്ട്.
നിരവധി പേർ അനുശ്രീയുടെ ഫോട്ടോഷൂട്ടിന് അഭിനന്ദനങ്ങളുമായി രംഗത്ത് എത്തിയിട്ടുണ്ട്.
നിതിൻ നാരായണനാണ് ശ്രീകൃഷ്ണ വേഷത്തിലുള്ള അനുശ്രീയുടെ ഫോട്ടോകൾ പകർത്തിയ ഫോട്ടോഗ്രാഫര്‍.
മോഹൻലാൽ കേന്ദ്ര കഥാപാത്രമായ 12ത് മാൻ ആണ് അനുശ്രീയുടേതായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം. ജീത്തു ജോസഫ് ആണ് ചിത്രം സംവിധാനം ചെയ്‍തത്.
ചിത്രത്തില്‍ നിര്‍ണായകമായ കഥാപാത്രത്തെയാണ് അനുശ്രീ അവതരിപ്പിച്ചത്.
'താര' എന്ന ചിത്രമാണ് ഇനി അനുശ്രീയുടേതായി പ്രദര്‍ശനത്തിന് എത്താനുള്ളത്.
