Boiled Egg Benefits: ഒരു ദിവസം നിങ്ങൾക്ക് എത്ര മുട്ട കഴിക്കാം? പുഴുങ്ങിയ മുട്ട കഴിക്കുന്നത് കൊഴുപ്പ് വർദ്ധിപ്പിക്കുമോ? എപ്പോള്‍ മുട്ട കഴിയ്ക്കുന്നതാണ് കൂടുതല്‍ ഗുണകരം? വെറും വയറ്റില്‍ പുഴുങ്ങിയ മുട്ട കഴിക്കാമോ? മുട്ട കഴിക്കുമ്പോള്‍ ആശങ്കകളും ഏറെയാണ്‌. മുട്ട കഴിക്കാൻ ഇഷ്ടമാണെങ്കിലും വണ്ണം കൂടും എന്ന ഭയത്താൽ പലരും ഇത് ഒഴിവാക്കാറുണ്ട്.
നമ്മുടെ ശരീരത്തിനാവശ്യമായ പോഷകങ്ങളും ഊർജ്ജവുമൊക്കെ നൽകാൻ സഹായിക്കുന്ന മികച്ച ഭക്ഷണങ്ങളിലൊന്നാണ് മുട്ട. ആരോഗ്യകരമായ പ്രോട്ടീനുകളുടെയും അമിനോ ആസിഡുകളുടെയും ഏറ്റവും മികച്ച ഉറവിടമാണ് മുട്ട. മുട്ട നല്‍കുന്ന ആരോഗ്യഗുണങ്ങള്‍ ഏറെയാണ്‌.
പേശികളെ ശക്തിപ്പെടുത്തുക ദിവസവും ഒന്നോ രണ്ടോ മുട്ടകൾ കഴിക്കുന്നത് പേശികൾ നന്നാക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും പ്രതിരോധശേഷി വർദ്ധിപ്പിക്കാനും ഉപാപചയ പ്രവർത്തനങ്ങൾ ശരിയായ രീതിയിൽ നടത്താനും സഹായിയ്ക്കും. നിങ്ങളുടെ ശരീരത്തിന് ശരിയായ അളവിൽ പ്രോട്ടീൻ നൽകും. എന്നിരുന്നാലും, മുട്ടയിൽ ഉയർന്ന കലോറി അടങ്ങിയിട്ടുണ്ട്. അതിനാൽ, അമിതമായി മുട്ട കഴിക്കുന്നത് കൊളസ്ട്രോൾ കൂടാനുള്ള സാധ്യത വർദ്ധിപ്പിക്കും.
നേത്ര പ്രശ്നങ്ങൾ പരിഹരിക്കുന്നു പുഴുങ്ങിയ മുട്ട ആരോഗ്യത്തിന് ഏറെ ഗുണകരമാണെന്ന് കരുതപ്പെടുന്നു. നേത്രസംബന്ധമായ പ്രശ്നങ്ങൾ പരിഹരിക്കുന്നതിനും ഇവ ഏറെ ഗുണകരമാണ്. കരോട്ടിനോയിഡുകൾ മുട്ടയിൽ ധാരാളമായി കാണപ്പെടുന്നു. പ്രായം കൂടുന്നതിനനുസരിച്ച് കണ്ണുമായി ബന്ധപ്പെട്ട പല പ്രശ്‌നങ്ങളും ആളുകൾ അഭിമുഖീകരിക്കേണ്ടി വരുന്നു. Zeaxanthin, lutein മൂലകങ്ങൾ കാണപ്പെടുന്നു. വെറുംവയറ്റിൽ പുഴുങ്ങിയ മുട്ട കഴിയ്ക്കുന്നത് ഗുണകരമാണ്.
സ്റ്റാമിന ദിവസം മുഴുവൻ ക്ഷീണം കാരണം ആളുകളുടെ സ്റ്റാമിന വളരെ ദുർബലമാകും. ശരീരത്തിന് കരുത്ത് പകരാൻ ദിവസവും ഒരു പുഴുങ്ങിയ മുട്ട കഴിക്കണം. ദിവസവും രാവിലെ വെറുംവയറ്റിൽ മുട്ട കഴിക്കുന്നത് ശരീരത്തിന് ഇരട്ടി ശക്തി നൽകുകയും പല രോഗങ്ങളിൽ നിന്നും ശരീരത്തെ അകറ്റി നിർത്തുകയും ചെയ്യും. ശരീരത്തിന്‍റെ ഊർജ്ജം വർദ്ധിപ്പിക്കുന്നതിന് ഇത് വളരെ സഹായകമായി കണക്കാക്കപ്പെടുന്നു.
ചീത്ത കൊളസ്ട്രോൾ ഇല്ലാതാക്കുക ശരീരത്തിലെ മലിനമായ കൊളസ്ട്രോൾ നീക്കം ചെയ്യാനും പുഴുങ്ങിയ മുട്ട സഹായിക്കും. ദിവസവും വെറും വയറ്റിൽ പുഴുങ്ങിയ മുട്ട കഴിക്കണം. കൊളസ്ട്രോൾ നിയന്ത്രിക്കാൻ ഇത് വളരെ സഹായകമാണ്. പ്രഭാതഭക്ഷണത്തിന് മുട്ട കഴിക്കാം. ഇത് കഴിച്ചാൽ വയറിന് ഭാരം അനുഭവപ്പെടില്ല.
മനസിന്‍റെ ആരോഗ്യത്തിന് മുട്ട വെറും വയറ്റിൽ മുട്ട കഴിക്കുന്നതിലൂടെ, നിങ്ങളുടെ തലച്ചോറ് വളരെ വേഗത്തിൽ പ്രവർത്തിക്കാൻ തുടങ്ങുന്നു. മുട്ടയിൽ ഒമേഗ 3 ഫാറ്റി ആസിഡുകൾ, ഫോളേറ്റ്, സെലിനിയം, വിറ്റാമിനുകൾ എന്നിവ അടങ്ങിയിട്ടുണ്ട്, ഇത് തലച്ചോറിന് വളരെ ഗുണം ചെയ്യും. മുട്ട ദിവസവും കഴിക്കുന്നത് ഉത്തമമാണ്.
ശരീരഭാരം കുറയ്ക്കാന്‍ വെറും വയറ്റില്‍ മുട്ട കഴിയ്ക്കുന്നത് നിങ്ങളെ ദീർഘനേരം വിശപ്പ് അനുഭവപ്പെടാതെ നിലനിർത്താൻ സഹായിക്കുന്നു. ആരോഗ്യകരമായ പ്രോട്ടീന്‍റെ സാന്നിധ്യം മൂലമാണ് ഇത് സംഭവിക്കുന്നത്. ഇത് ക്രമേണ മെറ്റബോളിസം വർദ്ധിപ്പിക്കാനും കലോറി എരിച്ചു കളയുവാനും സഹായിക്കുന്നു.
