Choline Rich Foods: തലച്ചോറിന്റെ മുതൽ കരളിന്റെ വരെ ആരോ​ഗ്യം; പോഷകഗുണമുള്ള കോളൈൻ സമ്പന്നമായ ഭക്ഷണങ്ങൾ കഴിക്കാം

ആന്തരികാവയവങ്ങളുടെ ആരോ​ഗ്യത്തിന് വളരെ അത്യാവശ്യമായ ഒരു പോഷകമാണ് കോളൈൻ. മുട്ടയുടെ മഞ്ഞക്കരു കോളൈൻ സമ്പന്നമയാ ഭക്ഷണങ്ങളിൽ പ്രധാനപ്പെട്ടതാണ്. തലച്ചോറിന്റെ ആരോഗ്യം, വൈജ്ഞാനിക ആരോഗ്യം, നാഡീവ്യവസ്ഥയെ പിന്തുണയ്ക്കൽ, കരളിന്റെ പ്രവർത്തനങ്ങൾ, ന്യൂറോ ട്രാൻസ്മിറ്റർ, അസറ്റൈൽകോളിൻ എന്നിവയുടെ ഉത്പാദനം എന്നിവ കോളൈന്റെ ആരോഗ്യ ഗുണങ്ങളിൽ ഉൾപ്പെടുന്നു.

കോളൈൻ പോഷകം ഇല്ലെങ്കിൽ, കരളിൽ കൊഴുപ്പും കൊളസ്ട്രോളും അടിഞ്ഞുകൂടുകയും കരളിന്റെ ആരോ​ഗ്യത്തെ ബാധിക്കുകയും ചെയ്യും. സസ്യാധിഷ്ഠിത ഭക്ഷണങ്ങളിലും കോളൈൻ പോഷകം അടങ്ങിയിട്ടുണ്ട്. കോളൈൻ പോഷകത്താൽ സമ്പുഷ്ടമായ അഞ്ച് ഭക്ഷണങ്ങൾ ഇവയാണ്.