അവഞ്ചേഴ്സ് സംവിധായകരായ ജോയും ആന്റണി റൂസോയും ചേർന്ന് (റൂസ്സോ സഹോദരന്മാർ) ഒരുക്കുന്ന ചിത്രം ദി ഗ്രേ മാനിലെ കഥാപാത്രങ്ങളുടെ ഫസ്റ്റ് ലുക്ക് പോസ്റ്റർ പുറത്തുവിട്ടു. ധനുഷ്, ക്രിസ് ഇവാൻസ്, റയാൻ ഗോസ്ലിങ് തുടങ്ങിയവരുടെ ഫസ്റ്റ് ലുക്കാണ് നെറ്റ്ഫ്ലിക്സിന്റെ ട്വിറ്റർ ഹാൻഡിലിലൂടെ പുറത്തുവിട്ടിരിക്കുന്നത്. മാര്‍ക്ക് ഗ്രീനിയുടെ ദി ഗ്രേ മാൻ എന്ന നോവലിനെ ആസ്പദമാക്കിയുള്ള ചിത്രം ഒരു ആക്ഷൻ-ത്രില്ലറാണ്. 2022 ജൂലൈ 22ന് ചിത്രം നെറ്റ്ഫ്ലിക്സിലൂടെ റിലീസ് ചെയ്യും. നെറ്റ്ഫ്ലിക്സ് നിര്‍മിക്കുന്ന ഏറ്റവും ചിലവേറിയ ചിത്രം കൂടിയാണ് ദി ഗ്രേ മാൻ.
‘ഇത് വേറെ മാരി വേറെ മാരി’ എന്ന അടിക്കുറിപ്പോടെയാണ് നെറ്റ്ഫ്ലിക്സ് ധനുഷിന്റെ ഫസ്റ്റ്ലുക്ക് പുറത്തുവിട്ടിരിക്കുന്നത്. ധനുഷ് ഒരു കാറിന് മുകളിൽ നിൽക്കുന്നതാണ് രംഗം. 2018ൽ കെന്‍ സ്‌കോട്ട് സംവിധാനം ചെയ്ത ‘ദി എക്സ്ട്രാ ഓര്‍ഡിനറി ജേര്‍ണി ഓഫ് ദി ഫക്കീര്‍’ എന്ന ഹോളിവുഡ് ചിത്രത്തിലാണ് ധനുഷ് ആദ്യം അഭിനയിച്ചത്.
റയാൻ ഗോസ്ലിംഗ് ആണ് ഗ്രേ മാൻ. ഒരു ഫ്രീലാൻസ് കൊലയാളിയും റയാൻ അവതരിപ്പിച്ച മുൻ സിഐഎ ഉദ്യോഗസ്ഥനായ കോർട്ട് ജെന്റിയെയും ചുറ്റിപ്പറ്റിയാണ് സിനിമ.
ക്രിസ് ഇവാൻസ്
റെഗെ-ജീൻ പേജ്
അന ഡെ അർമാസ്
