ഗ്രഹങ്ങളുടെ രാശി മാറ്റം എന്നതിന് ജ്യോതിഷത്തില്‍ വലിയ പ്രാധാന്യമുണ്ട്. ഗ്രഹങ്ങളുടെ രാശി മാറ്റം പലരെയും വ്യത്യസ്തമായ രീതിയിലാണ് ബാധിക്കുക.
Kendra Trikon Rajyog 2024: ഗ്രഹങ്ങളുടെ രാശി മാറ്റം കാരണം ചിലര്‍ക്ക് നേട്ടവും മറ്റ് ചിലര്‍ക്ക് കോട്ടവും സംഭവിക്കും. ശനിയുടെ രാശി മാറ്റം എല്ലാ രാശികളെയും ബാധിക്കും. ശനി കനിഞ്ഞാല്‍ പിന്നെ ജീവിതത്തില്‍ വെച്ചടി വെച്ചടി കയറ്റമുണ്ടാകുമെന്നാണ് വിശ്വാസം.
നിലവില്‍ ശനി അതിന്റെ ത്രികോണ രാശിയായ കുംഭത്തില്‍ ചതയം നക്ഷത്രത്തിലാണ്. നാല് രാശിക്കാര്‍ക്ക് ഈ സമയത്ത് വമ്പന്‍ നേട്ടങ്ങള്‍ ഉണ്ടാകും. കേന്ദ്ര ത്രികോണ യോഗമാണ് ഇതിന് കാരണം.
ത്രികോണ രാജയോഗത്തിലൂടെ നാല് രാശിക്കാരുടെ ജീവിതം മാറി മറിയും. ഈ സമയത്ത് ഉണ്ടാകുന്ന ശനിയുടെ അനുഗ്രഹം കാരണം ഈ രാശിക്കാര്‍ തൊട്ടതെല്ലാം പൊന്നായി മാറുകയും ചെയ്യും. ആ നാല് ഭാഗ്യരാശിക്കാര്‍ ആരെല്ലാമാണെന്ന് നോക്കാം.
കുംഭം : നാല് രാശിക്കാരില്‍ ഏറ്റവും ഗുണം ലഭിക്കുക കുംഭം രാശിക്കാര്‍ക്കാണ്. ഇവരുടെ സാമ്പത്തിക സ്ഥിതിയില്‍ വമ്പന്‍ പുരോഗതി ഉണ്ടാകും. പുതിയ വരുമാന സ്രോതസ് തെളിയും. ഇതുവഴി വരുമാനം കുതിച്ചുയരും. ആത്മവിശ്വാസത്തോടെ കാര്യങ്ങള്‍ ചെയ്ത് തീര്‍ക്കും.
മിഥുനം : ബിസിനസ് രംഗത്ത് പ്രവര്‍ത്തിക്കുന്നവര്‍ക്ക് വന്‍ നേട്ടങ്ങളാണ് ലഭിക്കുക. നിക്ഷേപം നടത്താന്‍ ഏറ്റവും അനുയോജ്യമായ സമയമാണിത്. ഇതുവഴി മികച്ച ലാഭം ലഭിക്കും. ജോലി ചെയ്യുന്നവര്‍ക്ക് പ്രൊമോഷന് സാധ്യതയുണ്ട്. കടം കൊടുത്തതോ കിട്ടില്ലെന്ന് വിചാരിച്ചതോ ആയ പണം തിരികെ ലഭിക്കും.
ഇടവം : ത്രികോണ രാജയോഗത്തിന്റെ പ്രയോജനം ഈ രാശിക്കാര്‍ക്ക് മികച്ച രീതിയില്‍ ഗുണം ചെയ്യും. ബിസിനസ് രംഗത്ത് പ്രവര്‍ത്തിക്കുന്നവര്‍ക്ക് നല്ല ലാഭം ലഭിക്കും. നിക്ഷേപത്തിനും അനുയോജ്യമായ സമയമാണിത്. പുതിയ വരുമാന സ്രോതസുകള്‍ തെളിഞ്ഞുവരും.
ചിങ്ങം : ബിസിനിസ് രംഗത്ത് പ്രവര്‍ത്തിക്കുന്നവര്‍ക്കും ജോലി ചെയ്യുന്നവര്‍ക്കും ഒരുപോലെ ഗുണപ്രദമായ സമയമാണിത്. ബിസിനസില്‍ നിന്ന് ലാഭം ലഭിക്കുകയും പുതിയ ബിസിനസ് ഐഡിയകള്‍ പരീക്ഷിക്കുകയും ചെയ്യും. ഇവരോടൊപ്പം ഭാഗ്യം നിലകൊള്ളും. വിവാഹ കാര്യങ്ങളിലും ശുഭസൂചനയാണ് കാണുന്നത്. സാമ്പത്തിക പുരോഗതി സുനിശ്ചിതം.
