കഴിഞ്ഞ ദിവസമാണ് പേർളി മാണിയും ശ്രീനിഷും തങ്ങൾ രണ്ടാമത്തെ കുഞ്ഞിനായുള്ള കാത്തിരിപ്പിലാണെന്ന് അറിയിച്ചത്. മൂന്ന് മാസം ഗർഭിണിയാണ് പേർളിയെന്ന് സോഷ്യൽ മീഡിയയിലൂടെ അറിയിക്കുകയായിരുന്നു ഇരുവരും.
ഒരു വീഡിയോയിലൂടെയാണ് പേർളിയും ശ്രീനിഷും ഇക്കാര്യം ആരാധകരെ അറിയിച്ചത്. നിരവധി പേർ ഈ താരദമ്പതികൾക്ക് ആശംസകൾ നേർന്നു.
സെക്കൻഡ് പ്രെഗ്നൻസി അനൗൺസ്മെന്റിന് പിന്നാലെ പേർളി ഇൻസ്റ്റയിൽ പങ്കുവെച്ച ചെറിയൊരു വീഡിയോ വൈറലായിരിക്കുകയാണ്.
അടുത്തുള്ള ഒരു സുമലത ആന്റി വന്ന് പേർളി ഗർഭിണിയാണെന്ന് സോഷ്യൽ മീഡിയയിലൂടെ എല്ലാവരെയും അറിയിക്കുന്നതാണ് വീഡിയോയിൽ. സ്വയം ട്രോളാൻ മിടുക്കിയാണ് പേർളി മാണിയാണെന്ന് മുൻപേ തന്നെ തെളിയിച്ചുട്ടള്ളതാണ്. ഈ വീഡിയോയിലൂടെ ഒന്നൂടെ അത് ഉറപ്പിച്ചു. സുമലത ആയിട്ടെത്തുന്നതും പേർളി തന്നെയാണ്.
അടച്ചോ ഫുൾ ചോർച്ചക്കാരാ.. Helloo Guyzzzz.. നിറ വയറുമായി Pearle നിങ്ങൾ കണ്ടാൽ ഞെട്ടും... ശ്രീനി ഒളിവിൽ തുടങ്ങിയ ഡയലോഗുകൾ വൈറലാകുകയും കമന്റ് ബോക്സ് നിറയെ ആളുകൾ ഇത് റിപ്പീറ്റ് ചെയ്യുകയുമാണ്.
ട്രോളാൻ മറ്റൊരാളുടെയും ആവശ്യം പേർളിക്ക് ഇല്ല എന്നും ചിലർ കമന്റ് ചെയ്തിട്ടുണ്ട്.
വീഡിയോയിൽ ശ്രീനിയുടെ അമ്മയെയും ഉൾപ്പെടുത്തിയിട്ടുണ്ട്. അവർ പറയുന്ന അധികം മുക്കണ്ട എന്ന ഡയലോഗും വൈറലാണ്.
നാല് ദിവസത്തിനുള്ളിൽ രണ്ടര ലക്ഷത്തോളം ആളുകൾ ഈ വീഡിയോ കണ്ടു കഴിഞ്ഞിട്ടുണ്ട്.
