ഇന്ത്യൻ റിപ്പബ്ലിക് ദിനാഘോഷത്തിൽ മുഖ്യാതിഥിയായി ഫ്രഞ്ച് പ്രസിഡന്റ് ഇമ്മാനുവൽ മക്രോൺ. ജയ്പൂര്‍ രാജ്യാന്തര വിമാനത്താവളത്തില്‍ വിദേശകാര്യമന്ത്രി എസ്.ജയ്ശങ്കര്‍, രാജസ്ഥാന്‍ ഗവര്‍ണര്‍ കല്‍രാജ് മിശ്ര, മുഖ്യമന്ത്രി ഭജന്‍ലാല്‍ ശര്‍മ എന്നിവര്‍ ചേര്‍ന്ന് ഫ്രഞ്ച് പ്രസിഡന്റിനെ സ്വീകരിച്ചു.
പ്രധാന വിനോദസഞ്ചാര കേന്ദ്രമായ ആംബര്‍ കൊട്ടാരം സന്ദര്‍ശിച്ച മക്രോൺ ഇന്ത്യന്‍ വിദ്യാര്‍ഥികളുമായി സംവദിച്ചു.
ജയ്പൂരിലെത്തിയ പ്രധാനമന്ത്രി നരേന്ദ്ര മോദി മക്രോണിനൊപ്പം ജന്തര്‍മന്തര്‍ സന്ദര്‍ശിച്ചു.
തുടര്‍ന്ന് ഇരുവരും ചേര്‍ന്ന് റോഡ് ഷോ നടത്തി. സൻഗനേരി ഗേറ്റിലാണ് റോഡ് ഷോ അവസാനിച്ചത്.
ചായ സൽക്കാരത്തിനും ചർച്ചയ്ക്കും ശേഷം റിപ്പബ്ലിക് ദിനാഘോഷ പരിപാടികളിൽ പങ്കെടുക്കുന്നതിനായി മക്രോൺ ഡൽഹിയിലേക്ക് തിരിച്ചു.
ഇരു രാജ്യങ്ങളുടെയും പ്രതിരോധം, ബഹിരാകാശം എന്നീ മേഖലകളിൽ ഉഭയകക്ഷി ബന്ധം ശക്തിപ്പെടുത്തുന്നത് സംബന്ധിച്ച് ചർച്ചകൾ നടത്തും.
റഷ്യയും യുക്രെയ്നും തമ്മിലുള്ള സംഘർഷം ഉൾപ്പടെയുള്ള രാജ്യാന്തര വിഷയങ്ങളെ കുറിച്ചും ഇരുനേതാക്കളും ചർച്ച നടത്തിയേക്കും.
റഫാൽ വിമാനങ്ങൾ വാങ്ങുന്നത് ഉൾപ്പെടെയുള്ള മെഗാ പ്രതിരോധ ഇടപാടുകൾ സംബന്ധിച്ച ചർച്ചകളിലും പുരോഗതിയുണ്ടായേക്കും.
