നമ്മുടെ ദൈനംദിന ജീവിതത്തിൽ നമ്മുടെ ചർമ്മത്തിന് വളരെ ദോഷകരമായ ചില സാധനങ്ങൾ നമ്മൾ ധാരാളമായി കഴിക്കാറുണ്ട്. ഇങ്ങനെ അധിക അളവിൽ നാം കഴിക്കുന്ന സാധനങ്ങൾ ഇന്നല്ലെങ്കിൽ നാളെ നിങ്ങൾക്ക് ബുദ്ധിമുട്ടുകൾ ഉണ്ടാക്കുമെന്ന് നിങ്ങൾ പറഞ്ഞു കേട്ടിട്ടുമുണ്ടാകും അല്ലെ? അതുകൊണ്ടുതന്നെ എല്ലാം മിതമായ അളവിൽ ഉപയോഗിക്കേണ്ടത് പ്രധാനമാണ്. ഇങ്ങനെ ചെയ്തില്ലെങ്കിൽ നിങ്ങളുടെ ചർമ്മത്തിനും ശരീരത്തിനും ഒരുപോലെ ദോഷം ചെയ്യും എന്ന കാര്യത്തിൽ സംശയം വേണ്ട.
ഉപ്പ് അമിതമായി കഴിക്കുന്നത് നിങ്ങളുടെ ശരീരത്തിൽ വീക്കം ഉണ്ടാക്കുകയും ചർമ്മത്തിന്റെ തിളക്കം ക്രമേണ കുറയുകയും ചെയ്യുന്നു. നിങ്ങളുടെ ചർമ്മം സുന്ദരമാക്കാൻ ഉപ്പിന്റെ അമിത ഉപയോഗം നിങ്ങൾ ഒഴിവാക്കണം.
മദ്യപാനം ഒരിക്കലും നല്ലൊരു ശീലമല്ല. മദ്യം കഴിക്കുന്നതിന്റെ ഒരു പോരായ്മ നിർജ്ജലീകരണം ആണ്. ഇത് കാരണം നിങ്ങളുടെ ചർമ്മം ലൂസ് ആകാൻ തുടങ്ങുന്നു
ഉയർന്ന ഗ്ലൈസെമിക് ഇൻഡക്സ് ഉള്ള വസ്തുക്കൾ നിങ്ങളുടെ ശരീരത്തെ വളരെയധികം ദോഷകരമായി ബാധിക്കും. ഇവ കഴിക്കുന്നത് നിങ്ങളുടെ രക്തത്തിലെ പഞ്ചസാരയുടെ സന്തുലിതാവസ്ഥയെ നശിപ്പിക്കുക മാത്രമല്ല മുഖക്കുരു തുടങ്ങിയ പ്രശ്നങ്ങൾ ഉണ്ടാക്കുകയും ചെയ്യും. അതിനാൽ അമിതമായ പഞ്ചസാരയോ തേനോ ശർക്കരയോ കഴിക്കുന്നത് ഒഴിവാക്കുക.
മൈദ മാവിൽ ഉണ്ടാക്കിയ ആഹാര സാധനങ്ങൾ നിങ്ങളുടെ രുചി വർദ്ധിപ്പിക്കും എങ്കിലും അത് ശരീരത്തിന് നല്ലതല്ല. മൈദ കൊണ്ടുണ്ടാക്കിയ ഭക്ഷണങ്ങൾ കഴിക്കുന്നത് നിങ്ങളുടെ ചർമ്മത്തിന് ഒരു ഗുണവും ഇല്ലയെന്നത് വാസ്തവമായ കാര്യമാണ്.
