Google Play സ്റ്റോറിൽ നിങ്ങളുമായി ബാങ്കിംഗ് തട്ടിപ്പിലേക്ക് നയിച്ചേക്കാവുന്ന അപകടകരമായ ചില അപ്ലിക്കേഷനുകൾ ഉണ്ട്.
ലോകമെമ്പാടുമുള്ള ദശലക്ഷക്കണക്കിന് ഉപയോക്താക്കളുടെ സ്മാർട്ട്‌ഫോൺ ചോയ്‌സായി ഗൂഗിളിന്റെ Android OS മാറി. അതിന്റെ ജനപ്രീതിക്ക് പിന്നിൽ നിരവധി കാരണങ്ങളുണ്ടെങ്കിലും, പ്ലാറ്റ്‌ഫോമിലെ ഏറ്റവും വലിയ അപ്ലിക്കേഷൻ ശേഖരണമായ ഗൂഗിൾ പ്ലേ ഇതിന് പ്രധാന കാരണമാണ്. ഈ അപ്ലിക്കേഷൻ സ്റ്റോർ തിരഞ്ഞെടുക്കാൻ നിരവധി ആപ്ലിക്കേഷനുകൾ വാഗ്ദാനം ചെയ്യുന്നു, അവയിൽ ചിലത് ഇപ്പോൾ ഉപയോക്താക്കളുടെ പണം തട്ടുന്നതായി കാണുന്നു.
ഡിജിറ്റൽ സുരക്ഷാ ഭീമനായ Avast ഗെയിമർമാരെ, പ്രത്യേകിച്ച് ജനപ്രിയ വീഡിയോ ഗെയിം Minecraft-ന്റെ ആരാധകരെ ലക്ഷ്യമിടുന്ന അപകടകാരികളായ മൊബൈൽ അപ്ലിക്കേഷനുകളുടെ ഒരു തരംഗം Google Play യിൽ കണ്ടെത്തി. ഈ ഫ്ലീസ്‌വെയർ ആപ്ലിക്കേഷനുകൾ ഗെയിമിനായി പുതിയ പരിഷ്ക്കാരങ്ങൾ, വർണ്ണാഭമായ വാൾപേപ്പറുകൾ എന്നിവ വാഗ്ദാനം ചെയ്ത് ഉപയോക്താക്കളെ കബളിപ്പിക്കാൻ ശ്രമിക്കുന്നു. പക്ഷേ അതിനായി ഓരോ മാസവും ഉപയോക്താക്കളിൽ നിന്നും അനുപാതമില്ലാതെ നിരക്ക് ഈടാക്കി അവരെ വഞ്ചിക്കുകയാണ്.
ഗവേഷണത്തിൽ, അവാസ്റ്റ് പ്രത്യേകമായി ഏഴ് ആപ്ലിക്കേഷനുകൾ കണ്ടെത്തുകയും ഈ അപ്ലിക്കേഷനുകളെക്കുറിച്ച് Google ലേക്ക് റിപ്പോർട്ടുചെയ്‌തു. Fleeceware എന്നറിയപ്പെടുന്ന ഈ ക്ലാസ് അപ്ലിക്കേഷനുകൾ സാധാരണയായി മൂന്ന് ദിവസത്തേക്ക് സൗജന്യ ട്രയൽ കാലയളവിനായി ഉപയോക്താക്കൾക്ക് ആകർഷകമായ സേവനം വാഗ്ദാനം ചെയ്യുകയും എന്നിട്ട് അപ്ലിക്കേഷൻ യാന്ത്രികമായി ആഴ്ചയിൽ 30 ഡോളർ വരെ ഇവരിൽ നിന്നും ഈടാക്കാനും തുടങ്ങുന്നു.
Download ചെയ്ത ആപ്ലിക്കേഷനെക്കുറിച്ചും അതിന്റെ ചെറിയ ട്രയലിനെക്കുറിച്ചും ഉപയോക്താക്കൾ മറക്കുന്നു അല്ലെങ്കിൽ അതുമായി ബന്ധപ്പെട്ട യഥാർത്ഥ സബ്സ്ക്രിപ്ഷൻ ചെലവ് ശ്രദ്ധിക്കുന്നതിൽ പരാജയപ്പെടുന്നു. ഉപയോക്താവ് വഞ്ചിക്കപ്പെടുന്നതിന് പിന്നിലെ കാരണമാണിതെന്ന് Avast വ്യക്തമാക്കിയിട്ടുണ്ട്. ഈ അപ്ലിക്കേഷനുകൾക്ക് സാധാരണയായി 1 അല്ലെങ്കിൽ 5 സ്റ്റാർ റേറ്റിംഗ് ഉണ്ടെന്നും എന്നാൽ ഇതിലൊന്നും കാര്യമില്ല മൊത്തത്തിൽ കുറഞ്ഞ സ്റ്റാർ റേറ്റിംഗ് ആണ് ഉള്ളതെന്നും വ്യക്തമാക്കുന്നു. download ചെയ്യുന്ന എല്ലാ ആപ്ലിക്കേഷന്റെയും വിശദാംശങ്ങൾ എല്ലായ്പ്പോഴും വായിക്കാത്തവരെയാണ് ഇത്തരരത്തിലുള്ള അഴിമതികൾ പിടികൂടുന്നത്. ഈ വിഷയത്തിൽ ചെറിയ കുട്ടികളാണ് ഇത്തരം പ്രശനങ്ങളിൽപ്പെടുന്നത്. അവർ വിചാരിക്കും അവർ വെറുമൊരു Minecraft ആക്സസറി download ചെയ്യുന്നുവെന്ന്. പക്ഷേ അവർ സബ്സ്ക്രൈബ് ചെയ്യുന്ന സേവനത്തിന്റെ വിശദാംശങ്ങൾ മനസിലാക്കുകയോ അത് ശ്രദ്ധിക്കുകയോ ചെയ്യുന്നില്ല എന്നാണ് മാൽവെയർ അനാലിസിസ് ടീം ലീഡർ Ondrej David പറയുന്നത്. അവാസ്റ്റിലെ ലീഡ്. “അജ്ഞാത ഡവലപ്പർമാരിൽ നിന്ന് ഏതെങ്കിലും ആപ്ലിക്കേഷൻസ് download ചെയ്യുമ്പോൾ ജാഗ്രത പാലിക്കണമെന്നും സബ്സ്ക്രൈബ് ചെയ്യുന്നതിന് മുമ്പ് ഉപയോക്തൃ അവലോകനങ്ങളും ബില്ലിംഗ് കരാറുകളും എല്ലായ്പ്പോഴും ശ്രദ്ധാപൂർവ്വം അന്വേഷിക്കണമെന്നും ഞങ്ങൾ ഉപഭോക്താക്കളോട് അഭ്യർത്ഥിക്കുന്നു. ഈ അപ്ലിക്കേഷനുകളിൽ ചിലത് ഇതിനകം തന്നെ ഉപയോക്താക്കൾ ഒരു ദശലക്ഷത്തിലധികം തവണ ഡൗൺലോഡ് ചെയ്തിട്ടുണ്ടെന്ന് Avast അവകാശപ്പെടുന്നു. മാത്രമല്ല അവ അൺഇൻസ്റ്റാൾ ചെയ്യുമ്പോൾ നിങ്ങളുടെ ഡാറ്റയും പണവും പരിരക്ഷിക്കാൻ ഉറപ്പാക്കുന്നതിന് പ്ലേ സ്റ്റോറിൽ നേരിട്ട് ബന്ധപ്പെട്ട് ഏതെങ്കിലും സബ്സ്ക്രിപ്ഷൻ റദ്ദാക്കാനും Avast ശുപാർശ ചെയ്യുന്നു.
Skins, Mods, Maps for Minecraft PE, Skins for Roblox, Live Wallpapers HD & 3D Background, MasterCraft for Minecraft, Master for Minecraft, Boys and Girls Skins, Maps Skins and Mods for Minecraft
