മിനി സ്‌ക്രീന്‍ പ്രേക്ഷകര്‍ക്ക് സുപരിചിതമായ മുഖമാണ് നടി ശ്രീതു കൃഷ്ണന്റേത്. അമ്മയറിയാതെ എന്ന സീരിയലിലെ അലീന ടീച്ചര്‍ എന്നു പറഞ്ഞാലേ ഒരു പക്ഷേ ആളെ പെട്ടെന്ന് മനസ്സിലാകൂ.
തമിഴില്‍ വിജയ് ടി.വിയില്‍ സംപ്രേക്ഷണം ചെയ്തിരുന്നു സെവന്‍ സി എന്ന സീരിയലില്‍ ബാലതാരമായി അഭിനയിച്ചായിരുന്നു ശ്രീതുവിന്റെ തുടക്കം.
പിന്നീട് നിരവധി ഡാന്‍സ് റിയാലിറ്റി ഷോകളിലും മത്സരാര്‍ത്ഥിയായി ശ്രീതു പങ്കെടുത്തിരുന്നു. സീ കേരളത്തിലെ ബോയിങ് ബോയിങ് എന്ന ഗെയിം ഷോയിലൂടെയാണ് ശ്രീതു മലയാളത്തിലേക്ക് എത്തുന്നത്.
അമ്മയറിയാതെ സീരിയലിലാണ് ആദ്യമായി മലയാളത്തില്‍ അഭിനയിക്കുന്നത്. സീരിയല്‍ ഇപ്പോള്‍ വിജയകരമായി സംപ്രേഷണം തുടരുകയാണ്.
മലയാളിയായ ശ്രീതു പക്ഷേ പഠിച്ചതും വളര്‍ന്നതുമെല്ലാം ചെന്നൈയിലാണ്. ബി.എ ഇക്കണോമിക്‌സ് പൂര്‍ത്തിയാക്കിയ താരം ഇപ്പോള്‍ ഡിസ്റ്റന്റായി എം.എ ഇക്കണോമിക്‌സ് പഠിച്ചു കൊണ്ടിരിക്കുകയാണ്.
സോഷ്യല്‍ മീഡിയയില്‍ സജീവമായ താരത്തിന് ഇന്‍സ്റ്റഗ്രാമില്‍ ആറ് ലക്ഷത്തിന് അടുത്ത് ആരാധകരാണുള്ളത്.
ശ്രീതുവിന്റെ ഏറ്റവും പുതിയ ഗ്ലാമറസ് ഫോട്ടോഷൂട്ടിലെ ചിത്രങ്ങളാണ് ഇപ്പോള്‍ വൈറലാവുന്നത്.
ദിവാഹര്‍ എന്ന ഫോട്ടോഗ്രാഫറാണ് ചിത്രങ്ങള്‍ പോസ്റ്റ് ചെയ്തിരിക്കുന്നത്.
സാറാസ് സീക്രെട്ട് ബൗട്ടിക്കിന്റെ വസ്ത്രങ്ങളാണ് താരം അണിഞ്ഞിരിക്കുന്നത്.
