റൂസോ സഹോദരന്മാർ ഒരുക്കുന്ന ആക്ഷൻ ചിത്രമാണ് ദി ഗ്രേ മാൻ. ചിത്രത്തിൽ റയാൻ ഗോസ്ലിംഗ്, ക്രിസ് ഇവാൻസ്, അന്ന ഡി അർമാസ് എന്നിവർക്കൊപ്പം ധനുഷും ഒരു പ്രധാന വേഷം അവതരിപ്പിക്കുന്നുണ്ട്. നെറ്റ്ഫ്ലിക്സിലാണ് ചിത്രം റിലീസ് ചെയ്യുക. ഇപ്പോഴിത ലോസ് ഏഞ്ചലസിൽ നടന്ന ചിത്രത്തിന്റെ പ്രീമിയറിൽ പങ്കെടുത്ത ചിത്രം പങ്കുവച്ചിരിക്കുകയാണ് ധനുഷ്.
ധനുഷിനൊപ്പം അദ്ദേഹത്തിന്റെ മക്കളും പരിപാടിയിൽ പങ്കെടുത്തിരുന്നു. പരിപാടിയിലെ പ്രധാന ആകർഷണം ഇവർ തന്നെയായിരുന്നു.
2022 ജൂലൈ 20 ന് മുംബൈയിൽ നടക്കുന്ന പ്രീമിയറിൽ റൂസോ സഹോദരന്മാരും ധനുഷിനൊപ്പം ഉണ്ടാകും. ക്യാപ്റ്റൻ അമേരിക്ക, അവഞ്ചേഴ്‌സ് തുടങ്ങിയ ചിത്രങ്ങളുടെ സംവിധായകരാണ് റൂസോ സഹോദരന്മാർ
മാർക്ക് ഗ്രീനേയുടെ ഗ്രേ മാൻ എന്ന പുസ്തകത്തെ ആസ്പദമാക്കിയാണ് ചിത്രം ഒരുക്കിയിട്ടുള്ളത്. 200 മില്ല്യൺ ഡോളർ മുതൽമുടക്കിൽ ഒരുക്കിയിട്ടുള്ള ചിത്രം ജൂലൈ 22നാണ് റിലീസ് ചെയ്യുന്നത്.
