ശൈത്യകാലമെത്തി, തണുത്ത കാലാവസ്ഥ പലർക്കും നിരവധി ആരോഗ്യ പ്രശ്നങ്ങൾക്ക് കാരണമാകാറുണ്ട്. കാലാവസ്ഥയിലെ മാറ്റവും പ്രതിരോധ ശേഷി കുറയുന്നതുമാണ് ഇതിന് പ്രധാന കാരണം. ഇത്തരം പ്രശ്നങ്ങളെ ചെറുക്കാൻ ആരോഗ്യകരമായ ഭക്ഷണശീലം പിന്തുടരുക എന്നതാണ് പ്രധാനം.
നിങ്ങളുടെ പ്രതിരോധശേഷി വർധിപ്പിക്കുന്നതിനും രോഗങ്ങൾ തടയുന്നതിനും പോഷകസമ്പുഷ്ടമായ ഭക്ഷണങ്ങൾ കഴിക്കേണ്ടത് അത്യാവശ്യമാണ്. നിങ്ങളുടെ ശരീര താപനില ഉയർത്താനും ശരീരത്തിന് ഊർജ്ജം ലഭിക്കാനും ഈ ഭക്ഷണങ്ങൾ കഴിക്കാം.
നെയ്യ് ആരോഗ്യത്തിന് വളരെ മികച്ചതാണ്. നെയ്യ് പ്രതിരോധ ശേഷി വർധിപ്പിക്കാനും ദഹനം സുഗമമാക്കാനും സഹായിക്കുന്നു.
എള്ള് വിത്തുകളിൽ ധാരാളം നാരുകൾ അടങ്ങിയിട്ടുണ്ട്. നാരുകൾ അടങ്ങിയ ഭക്ഷണം കഴിക്കുന്നത് വഴി ദഹനം മികച്ചതാക്കുന്നു, മലബന്ധം ഇല്ലാതാക്കുന്നു.
ഇഞ്ചി ദഹനത്തിന് മികച്ചതാണ്. ഇഞ്ചി ശരീരത്തിൽ ചൂട് നിലനിർത്താനും സഹായിക്കും.
ഇരട്ടിമധുരം ആൻറി ഇൻഫ്ലമേറ്ററി, ആൻറി ഓക്സിഡൻറൽ, ആൻറി മൈക്രോബയൽ ഗുണങ്ങളുള്ളതാണ്. ഇത് പ്രതിരോധ ശേഷി വർധിപ്പിക്കുന്നതിനും അണുബാധകളിൽ നിന്ന് തടയുന്നതിനും മികച്ചതാണ്.
ശീതകാലം മൂലമുണ്ടാകുന്ന എല്ലാ അസുഖങ്ങൾക്കുമുള്ള പ്രതിവിധിയാണ് തുളസി. ജലദോഷവും പനിയും സുഖപ്പെടുത്തുന്നത് മുതൽ ഉത്കണ്ഠ കുറയ്ക്കുന്നത് വരെ നിരവധി ഗുണങ്ങളുള്ള ഔഷധ സസ്യമാണിത്.
അണുബാധയ്‌ക്കെതിരെ പോരാടാനും ചർമ്മത്തിൻറെ ആരോഗ്യത്തിനും മികച്ചതാണ് റാഗി.
