ട്വന്റി-ട്വന്റി: പരമ്പര സ്വന്തമാക്കാന്‍ ഇന്ത്യയും, ഓസ്ട്രേലിയയും ഇന്ന്‍ ഹൈദരാബാദില്‍

ഹൈദരാബാദ്: പരമ്പര സ്വന്തമാക്കാന്‍ ഇന്ത്യയും, ഓസ്ട്രേലിയയും ഇന്ന്‍ ഹൈദരാബാദില്‍ ഇറങ്ങും. ട്വ​ന്‍റി 20 പ​ര​മ്പ​ര​യി​ലെ മൂ​ന്നാ​മ​ത്തെ​യും അ​വ​സാ​ന​ത്തേ​തു​മാ​യ മ​ത്സ​രം ഇ​ന്ന് ട​ക്കും. ഇ​രു​ടീ​മു​ക​ളും ഓ​രോ മ​ത്സ​ര​ങ്ങ​ള്‍ വി​ജ​യി​ച്ച​തോ​ടെ മൂ​ന്നാ​മ​ത്തെ മ​ത്സ​രം നി​ര്‍ണാ​യ​ക​മാ​ണ്. രാത്രി ഏഴുമണിക്കാണ് മത്സരം.

ആദ്യ ട്വന്റി20യിൽ മഴനിയമത്തിന്‍റെ ആനുകൂല്യത്തിൽ ജയിച്ച ഇന്ത്യയെ രണ്ടാം മൽസരത്തിൽ എട്ടു വിക്കറ്റിനു തോല്‍പ്പിച്ചത്തിന്‍റെ  ആത്മവിശ്വാസത്തി‌ലാണ് ഓസീസ്. കഴിഞ്ഞ മത്സരത്തിലെ മോശം പ്രകടനത്തെ വിലയിരുത്തി ബാ​റ്റിം​ഗ് ലൈ​ന്‍ അ​പ്പി​ല്‍ ചി​ല ഭേ​ദ​ഗ​തി​ക​ള്‍ വ​രു​ത്താ​ന്‍ കോ​ഹ്‌​ലി നി​ര്‍ബ​ന്ധി​ത​നാ​യേ​ക്കും. ബൗ​ളിം​ഗ് നി​ര​യി​ലും ചി​ല അ​ഴി​ച്ചു​പ​ണി​ക​ള്‍ ന​ട​ന്നേ​ക്കും. അ​ക്‌​സ​ര്‍ പ​ട്ടേ​ല്‍ തി​രി​ച്ചെ​ത്തു​മെ​ന്നാ​ണ് സൂ​ച​ന​ക​ള്‍. നവംബര്‍ ഒന്നിന് അന്താരാഷ്‌ട്ര ക്രിക്കറ്റില്‍ നിന്ന്‍ വിരമിക്കാനൊരുങ്ങുന്ന ആ​ശി​ഷ് നെ​ഹ്‌​റ​യ്ക്ക് അവസരം ലഭിക്കാനാണ് സാ​ധ്യ​ത. 

രാ​ജീ​വ്ഗാ​ന്ധി അ​ന്താ​രാഷ്‌ട്ര സ്റ്റേ​ഡി​യ​ത്തി​ലെ ബാ​റ്റിം​ഗിന് അ​നു​കൂ​ല​മായ പി​ച്ചി​ല്‍ റ​ണ്ണൊ​ഴു​കു​മെ​ന്ന പ്ര​തീ​ക്ഷ​യി​ലാ​ണ് ഇ​രു​ടീ​മു​കളും‍.  ഐ​പി​എല്‍ മ​ത്സ​ര​ങ്ങ​ള്‍ക്ക് വേദിയായിട്ടുണ്ടെങ്കിലും ആ​ദ്യ ട്വ​ന്‍റി 20 മ​ത്സ​ര​മാ​ണ് ഇവിടെ ഇന്ന്‍ അ​ര​ങ്ങേ​റു​ക. എന്നാല്‍, മത്സരത്തില്‍ മ​ഴ പെയ്യാന്‍ സാധ്യതയുള്ളതായി കാ​ലാ​വ​സ്ഥാ നിരീക്ഷണ കേന്ദ്രം അറിയിച്ചു.