ലണ്ടന്‍: മികച്ച പ്രകടനം കാഴ്ച വച്ച ക്രിക്കറ്റ് താരങ്ങള്‍ക്ക് നല്‍കുന്ന വിസ്ഡന്‍ ക്രിക്കറ്റെഴ്സ് ഓഫ് ദി ഇയര്‍ പുരസ്കാരങ്ങള്‍ പ്രഖാപിച്ചു.
ഇന്ത്യന്‍ നായകന്‍ വിരാട് കോഹ്‌ലിയാണ് മികച്ച ക്രിക്കറ്റ് താരത്തിനുള്ള പുരസ്കാര൦ സ്വന്തമാക്കിയത്. തുടര്‍ച്ചയായ മൂന്നാം തവണയാണ് കോഹ്‌ലി ഈ നേട്ടം സ്വന്തമാക്കുന്നത്.
ഇന്ത്യന്‍ വനിതാ ക്രിക്കറ്റ് ടീമംഗം സ്മൃതി മന്ദാനയാണ് മികച്ച വനിതാ താരം. സ്മൃതി മന്ദാനയ്ക്ക് ഇതാദ്യമായാണ് വിസ്ഡന്‍ പുരസ്കാരം ലഭിക്കുന്നത്.
അഫ്ഗാന്‍റെ റാഷിദ് ഖാനാണ് മികച്ച ട്വന്‍റി 20 താരം. മികച്ച അഞ്ച് താരങ്ങളുടെ പട്ടികയില്‍ ആദ്യമായി കോഹ്‌ലി ഇടം പിടിച്ചു.
ഇംഗ്ലീഷ് വനിതാ താരം ടമ്മി ബ്യൂമോണ്ട്, ഇംഗ്ലീഷ് യുവതാരം സാം കറണ്‍, ഇംഗ്ലീഷ് ബാറ്റ്‌സ്മാന്‍ റോറി ബേണ്‍സ്, ഇംഗ്ലണ്ട് വൈസ് ക്യാപ്റ്റന്‍ ജോസ് ബട്ട്ലര്‍ എന്നിവരാണ് മറ്റ് മികച്ച കളിക്കാര്‍.
