close

News WrapGet Handpicked Stories from our editors directly to your mailbox

ഗൂഗിള്‍ മാപ്പില്‍ ഇനി മുതല്‍ നിര്‍ദേശങ്ങള്‍ മലയാളത്തിലും

ഗൂഗിള്‍ മാപ്പ്  ഇനി മുതല്‍ മലയാളത്തില്‍ നിര്‍ദേശങ്ങള്‍ നല്‍കും. ബംഗാളി, ഗുജറാത്തി, കന്നട, തെലുങ്ക്, തമിഴ്, മലയാളം തുടങ്ങിയ ഭാഷകളില്‍ ശബ്ദ നിര്‍ദ്ദേശം നല്‍കുന്ന പുതിയ ഫീച്ചര്‍ ഗൂഗിള്‍ മാപ്പില്‍ ഉള്‍പ്പെടുത്തുകയാണെന്ന് ചൊവ്വാഴ്ച ഗൂഗിള്‍ അറിയിച്ചിരുന്നു. 

Updated: Mar 15, 2018, 05:39 PM IST
ഗൂഗിള്‍ മാപ്പില്‍ ഇനി മുതല്‍ നിര്‍ദേശങ്ങള്‍ മലയാളത്തിലും

ഗൂഗിള്‍ മാപ്പ്  ഇനി മുതല്‍ മലയാളത്തില്‍ നിര്‍ദേശങ്ങള്‍ നല്‍കും. ബംഗാളി, ഗുജറാത്തി, കന്നട, തെലുങ്ക്, തമിഴ്, മലയാളം തുടങ്ങിയ ഭാഷകളില്‍ ശബ്ദ നിര്‍ദ്ദേശം നല്‍കുന്ന പുതിയ ഫീച്ചര്‍ ഗൂഗിള്‍ മാപ്പില്‍ ഉള്‍പ്പെടുത്തുകയാണെന്ന് ചൊവ്വാഴ്ച ഗൂഗിള്‍ അറിയിച്ചിരുന്നു. 

ആഴ്ചകള്‍ക്ക് മുന്‍പ് ഈ ഫീച്ചര്‍ ഗൂഗിള്‍ പ്ലേ സ്റ്റോറില്‍ അവതരിപ്പിക്കുകയും ചെയ്തിരുന്നു. ഗൂഗിളിന്‍റെ ഡസ്ക്ടോപ്പ് മൊബൈല്‍ പതിപ്പുകളില്‍ ലഭ്യമാകുന്ന ഈ സൗകര്യം പ്രയോജനപ്പെടുത്താന്‍ ഗൂഗിള്‍ മാപ്പിലെ സെറ്റിങ്‌സില്‍ ഭാഷ തിരഞ്ഞെടുത്താല്‍ മാത്രം മതി.

നിര്‍ദേശങ്ങള്‍ തരുന്നത് കൂടാതെ ജിപിഎസ് കണക്ഷനില്ലാതെ വരുന്ന സാഹചര്യത്തില്‍ 'ജിപിഎസ് കണക്ഷന്‍ നഷ്ടമായി' എന്ന നിര്‍ദേശവും ഗൂഗിള്‍ നല്‍കും.

അടുത്തിടെ മാപ്പില്‍ ഇംഗ്ലീഷിനൊപ്പം മലയാളം ഉള്‍പ്പടെയുള്ള ഭാഷകളില്‍ സ്ഥലപ്പേരുകള്‍ നല്‍കിക്കൊണ്ട്  ഗൂഗിള്‍ മാപ്പ് പരിഷ്‌കരിച്ചിരുന്നു. ഇതുകൂടാതെ ഇന്ത്യന്‍ വിലാസങ്ങള്‍ കണ്ടെത്താനുള്ള പുതിയ ടൂളുകളും ഗൂഗിള്‍ മാപ്പില്‍ അവതരിപ്പിച്ചിട്ടുണ്ട്.

ഇംഗ്ലീഷ് പരിജ്ഞാനമുള്ളവരുടെ എണ്ണം വളരെ കുറവായതിനെ തുടര്‍ന്നാണ് ഇന്ത്യയില്‍ പ്രാദേശിക ഭാഷകളിലേക്ക് സേവനം വ്യാപിപ്പിക്കാന്‍ ഗൂഗിള്‍ ഉള്‍പ്പടെയുള്ള കമ്പനികള്‍ ശ്രമിച്ചുവരുന്നത്.